مر بغيابك حياتي يوم ميلادك

[ســلطان زمانه]

مر بغيابك حياتي يوم ميلادك

--------------------------------------------------------------------------------





صبّرت نفسي وعدّا يـوم ميعـادك
وامنّي النفس بوصولك ولا فـادي

طال انتظاري وقلبي ذاب بـودادك
مليت صبري وحارب عيني رقادي

وينك حياتي بكتك الـدار وبـلادك
والحزن لف المكان وشوقها زادي

مر بغيابك حياتـي يـوم ميـلادك
وجبت الهديه وفيني الحزن يزدادي

رغم المسافه وبعدك ودي اسعادك
ياللي غرامك بدابه يـوم ميـلادي

مبروك جعل الحياة تسير بمـرادك
واحد وعشرين عمرك والسعد بادي

في قربك احيا وهمّي زاد ببعـادك
متى بوجودك لي الفرحه بتنعـادي

ياروحي البعد حطمنـي ولا فـادك
عودي وخلّي الليالي كنها اعيادي

عادك على عرش قلبي بالغلا عادك
يجري بشريان قلبي حبّك وسـادي

محلا تغلّيك ومحلا زايـد عنـادك
وحتى عتابك ياروحي غاية مرادي

كاني بقلبك سكنت وداخل فـوادك
وودك بقربي وهمّك كلّه اسعـادي

عودي حياتي بكتك الدار وبـلادك
ملّيت صبري وحارب عيني رقادي




منقوله