بعبّر ,, مالقيت الي يعبّر ../ (( بعد طول غياب ))

[مبارك بن مجروب]

السلام عليكم ورحمة الله وبركاته

قصيده من بعد غياب طول

وارجوا ان تشفع وتشفعوا لي غيابي

انا لو ان غيري في مكاني؟=يموت بضيقته ويعيش ثاني
أحس انّي بزمن مخلوق غيري ..!=وانا ادري هالعمر لاشك ,, فاني
حسبت الضيق والناتج ,, سنيني .!=حسبت الفرح والناتح ,, ثواني
كتمت الضيق ماودي ابوحه=اخاف املا العمر ضيق ,, ويعاني
صبرنا ,, والصبر مدري شعلامه=زهق مني صبرت وماقواني
الا من جيت بكتبلي قصيده=اشوف ان الشعر راح ,, وهجاني
قهر كل المشاعر ماتبيني=عدا الاحزان عاشت في كياني
اذا ودي اجامل ,, ما اجامل=ابي اضحك ولكن ,, مامداني ..!
خذيت من الالم همه .. وضيقه=ابي ابكيه لاكنّه بكاني
وقف جرحي على كتفي ,, وطبطب=وانا اغنيله ماجاني كفاني
بكى قلبي علي وماجبرته=نزل دمعه ولاودّه ,, عشاني
حبيب الامس ماعاون حبيبه ..!=الى قعر التجافي قد رماني
نساني ماعلى حبه حسوفه=نساني ,, لعنبو جدّه نساني
اعلمه كيف يعصي راي غيري=ولما جا يبي يعصي ,, عصاني ..!
عطيت الحب من عيني ,, وفتّح=ولما حب خفّاقي عماني
حسافه يوم حبيته حسافه=يا ليت الله بحبه مابلاني ..!
هقيته مخلص ,, ووافي ولكن .؟=طلع انسان ,, غدار واناني
رحمك الله ياقلبي تصبّر ..!=فديت الي من همومي خذاني
بعد هذا ياعيني لو بكيتي .؟=حرام اتطيح دماعتش ,, وزاني
دموع العين ,, وان طحتي ..؟ ذبحتش !!=محد كفو لدموعي ولهواني
عطيتي كل حاجه ,, مابخلتي= ولاشفتيه لو مره عطاني ..!
انا لاضقت ,, مدري ويش اسوّي=اسولف عن جروحي ,, للأغاني ..!
اقول ان الحزن بكره بيمشي .؟=واعيش سنيني بحظن الاماني !!
بضمّها ,, لين اشوف الحلم واقع !=واحبها ,, لين استرجع حناني !!
كرهت الحب ,, والي كنت احبّه=مدامه حب له انسان ثاني ...
بعبّر ,, مالقيت الي يعبّر=لساني وما احس انّه لساني
عزاي اني بقول ,, ومات قافي=توفى ,, والبقى براس الاماني ..!