.•° الفرق بين حب الخشوم وحب الاقدامي .•°

[فرز الوغا]

الـــــــــــلام عليكم

رائعه من روااائع سعد بن جدلاان

وهو بالطبع إسم لايحتاااج إلى تعريف

فـ المعرّف لايعرّف

لكن هذه القصيده لها في نفسي الوقع الجلل

ولها نصيب من اللذي يجول في خاطري خاصهً هذه الايام

وهي لا اريد ان اقول اهداء لشخصين هنا ولكن اقول

هم يعرفون انفسهم

ولكن الاهم

رأيكم اعضاء منتدانا في هذي القصيده

الا ياالله ياللي تحت هيبـة سلطنتـك اسلمـت=لك المسلم يسبح لك بحمـدك ولـك الاسلامـي

احمدك واشكرك واثني عليك بما علـي انعمـت=تزودني وفا قـدر العشيـر ووصـل الارحامـي

ولجك الفجر ياليل الذهول اللي علـي اضلمـت=بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت=بصفحة ذكريات العام واللـي مـن ورا العامـي

بعد تقرير مشوار التجـارب نجحـك واجزمـت=بان السيف سيفي والعصا والمحـزم احزامـي

عطتني عزلة اخلاصي معك نسيان من نادمـت=كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـدمـت=اشـب النـار قـدام العـرب واشيـد اخيامـي

نهاري حر شمسه يستحي منها لسـان الشمـت=وليلي ترقب نجومـه ملامـة كـل مـن لامـي

على ضو الكلام اللي كشف عنا ستار الصمـت=عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـت=واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمـت=يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهمـت=فجر صدري حنيني واتعـب الاقـدام درهامـي

عيون الصد وعيون التجافي حول مهما اكرمـت=تشـوف المجتهـد كسـلان والبنـاي هدامـي

مدام ان جانبك شام لجنابي وانت عنـي شمـت=كثر خيـرك وانـا مانيـب لاجايـع ولاضامـي

اشوف انه علي واجـب ليـا مريتكـم سلمـت=مرور اكرام تربطـه الكرامـه عنـد الاكرامـي

على شان الخفوق اللي على عرشه قعدت وقمت=حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمـت=هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت=يصحيك الزمان اللي يصحـي كـل مـن نامـي

تذكرني لامنها خابـت اوهامـك فمـن وهمـت=وشفت الفرق في حب الخشوم وحـب الاقدامـي