ذكرى عن الراحل فيصل الريحاني

[لبى خوالش]

السلام عليكم ورحمه لله وبركاته


فقدنا هرم وعلم من العلام الشعر

نبي نحيي ذكراه ولو بابيات حفضناها او سمعناها

ولي يذكر شي من قصايده يذكرها ولا عليه امر

طلـت مـن النافـذه وأشـرق محياهـا
مع طلعة الشمس طلت شمـس خلانـي
شمس السما كيف شمس الأرض تنساها
تلاقـت أنوارهـم يـوم الله أشقـانـي
الأولـه مـن بـروج الشـرق مبداهـا
والثانيـه قابلـت فالمشـرق الثانـي !
والله لـو الشمـس تـدري ماتحداهـا
مصدر شعاع الجمـال وبنـت شجعانـي
في سيـرة العشـق طاريهـا وذكراهـا
وفي سيرة المجد (جد) و(سيف)وحصاني
محـلا صبـاحٍ يقربـهـا ومحـلاهـا
لو شوفها حرك الوجـدان و أضمانـي
في لحظةٍ تنكسـر كبـدي علـى ماهـا
ياليت برق الحيا اللـي شفتـه أسقانـي
مجنونة الحب ، والمجنـون يهواهـا !
وليـا نصحتـه يبادرنـي بعصيـانـي
أحلى جميع الـدرر فالكـون وأغلاهـا
خلتنـي آجـاذب الونـات ، حيـرانـي
وأعزف لهاالقـاف وأنامـن ضحياهـا
وأشره على الشعـر والمعنىوالالحانـي
عاميـن والقلـب متعلـق برجـواهـا
يصلانـي القيـض والوسـم يتعدانـي
أهيـم وأتبـع هواجيسـي ومسـراهـا
في ليـل همـي وحسراتـي وحرمانـي
حطيتهـا وسـط قلبـي رغـم فرقاهـا
وصارت على البعد تامرنـي وتنهانـي
واليـوم مـدري بختهـا ويـن وداهـا
ولاهيب تدري نصيبـي ويـن ودانـي
مكتـوب يمضـي عليهـا كـل ماجاهـا
ومكتوب يمضـي عليّـه كـل ماجانـي


وكل الشكر لبرنسيسه القلوب

وسامحوني ع القصور