اهداء لكل خاين

[روميـــو]

يالي زعلت ازعل ولاني مراضيك=اشرب كدر ماي البحر كانه ارضاك

لاتحسب اني عقب صدك بداريك= بعز نفسي عنك مادراك مادراك

اربع سنين انا متـــــحمل تغليك = راضي بتعذيبك لاجل قلب اغلاك

وخليتني واليوم والله لخلــــــــــيك = وادوس قلبي لينه يقول خلاك

قبل توريني الحـــــــــــساير بوريك = ليما يقال فلان هانك ووراك

كانك تحداني فانا اقبل تحديك = وانسـى الغرام اللي مضى واتحداك

ماني بقايلك عـــــــــسى الله يهنيك = الله يحرمك كل ماكان هناك

عسى العمى ياخاين العهد يعميك=فوق الغرور اللي عن الماضي اعماك

وعساك ماتسمع قريب يناديك =حيثك تجاهل صوت مـــحروم ناداك

وعسى الشلل يعوق رجل تمشيك= لينك تندم ليش غيرت ممـــشاك

وعسى حياتك بس فرحه لشانـــيك =يلقى بها فرصــــه عدوك ويشناك

وعسى الليالي اللي تجيني بطاريك = يصبح عليها الصبح وتموت طرياك

وعسى المنام وكل راحه تجافيك = آمين حـــــتى اللي تمناه يجفاك

وعساك ماتفرح وتكثر بلاويك= وامك تشق الجيب من عظم بلواك

ولامت جعلك في جهنم تصاليك = نار الجحيم ونار دنياك تصلاك

الله يكره فيك حتى دوانـــيك = غشاش خاين من من الناس داناك

هذي النهايه روح الله يجازيك = امسك ويومك عنهم الغد يجزاك