نـــــادل الـــحــــانـــــه

[سعود بن مهدي]

اسعد الله صباحكم

قصيده من القديم لتجديد التواصل


___

يــا ( نــادل الــحــانــه ) ماجيتك لجل تروي لي ظماي = جيت أتـأمـل بــ ( الـغـريـب ) .. اللي على ( بــارٌك ) سكر

ذولا عيال (أهل السمو ) !! ذولا بنات ( الهاي هاي ) = في ( دبلوماسيه وضيعه ) دون منطق ينذكر

أقـبـح عذر للمشكله ؟ لامن غدى منها وجاي = وابعد طموح اهل الأماني .. حـلـم .. لكن ؟ محتكر

ومن أبشع اشباه الرجال ! اللي ان خذت تجحد عطاي = رجل ٍ حسنته بالمراجل .. انـه مسـجـل ( ذكر )

ان كنت مذنب في وفاي ؟ الحمد لله يا وفاي = الاصايل تـعــٌود لهلها ,, والحرار الها وكـر

كثر التجارب ! علمتني .. مـن علي ؟ ومن معاي ؟ = والتجربه ( أم الـمواعــظ ) والعـقـل ( الأبـن الـبـكـر )

انماط الاستغفال .. في عقول البشر .. بذت خفاي = وسياسة ( الايحاء ) أرقى من .. حـركــات المكر

مدري متى ؟ الحق يقال ؟ ,, الله يحسن لي عزاي = حتى يتوب .. اللي يبي يصطاد في الماء العكر

مـاهــو خــطــا ! أنك تــكــلــم .. دون ( أذن ) و دون ( راي ) = بس الخطا ! .. لامن حكيت ابلا ( عقل ) ولا ( فكر )

صحيح انا اخطيت .. لكن ؟؟ مـا استمريت بخطاي = عرفت من غلطات غيري ! .. كيف أفــر ؟ وكيف أكــر

عزااه ماهقيت بأن ( عداي ) بوجيه ( صدقاي ) = الين ماجات الشدايد .. يالله اسألك الشكر

اكـبـر دليل .. اني انا قدامهم .. انهم وراي = وماني في عازة من شهد .. ولا بحاجة من نكر

لو فيه ( اقسى من الدهر ) او فيه ( اتعس من سواي ) = مافيه ( اعدل من عمر ) ولا ( اصدق من ابو بكر )

دام السحايب صافيه ,, والشمس تشرق في سماي = يبقى الأمل موجود .. رغم انه ان نسى مايفتكر

الله لايهين الطعون ! .. ان كانها : داي و دواي = منها قدرت : أفهم ! وأميــُـز ! وأتعلـم ! وأبـتـكـر !

لـيـه أشتـكي للناس ( جـرحـي ) وآتشكى من ( شقاي ) = (( جـــــرح ٍ )) مـاهـو بـيـوجـع سوى راعـيـه .. وش لـــه يــنــذكـــر ؟

وطـــــــــولــــــــة عـــــــمـــــــــاركــــــــم