يـــ شمس ليش الغروب ـــــا

[$$> روح روحي <$$]

تصويريـ ..
_

( يا شمس ليش الغروب )

يا شمس ليش الشروق يحلّ بعده غروب = يا ليت ربي خلق شرقك بلا مغربـا

وإلا يكنّه خلقـك الله بلا نور نـــوب = ما كان قلب المولّع فيـك يتعذبــا

يادوب عيني بدت تفرح بشوفتـك دوب = بدري عليها دموع امفارقك تسكبـا

أحسبك للروح نبض وللجسد ستر ثوب = وش عاد إلى النبض دوّر له على مهربا

قلبٌ تشبّع بحبـك رافض إنه يتــوب = في غيبتك ماهني زاداً ولا مشربـا

قلبي رضي رفقتك له في جميع الدروب = لا تعرضي قلباً _ أنتِ فيه _ حدّ الشبـا

واليا غروبك علينا صار شيء امكتوب = فما بقي في حياتي شيء له نطربـا

أخاف أناديك ما يوصلك صوتاً شحـوب = وأخاف نبع التواصل بيننا ينضبـا

والله ما فيه شرقٌ عن شروقك ينــوب = مادام قفّى الزمان وراح وقت الصبـا