طيبك يبـو خالـد هماليـل وبـروق // وطاريك يشبه طـاري سهيـل لا لاح ( محمد بن فطيس )

[فهيد بن سالم]

الـسـلاام عـلـيـكم ورحمــة الـلـه وبـركـاتــه




صـبـاح / مـسـاء الـخـيـر



هـذه قـصـده لـشـاعـر مـحـمـد بـن فـطـيـس ألـقـاهــا أثـنـاء زيـارة ولـي عـهـد دولـة الأمـارات الـشـيـخ

مـحـمـد بـن زايـد آل نـهـيان لـقـطـر ولـ مـحـمـد بـن فـطـيـس أيـضـا ً







وإلــيـكم الـقـصـيـده :

طيبك يبو خالـد هماليـل وبـروق=وطاريك يشبه طاري سهيـل لا لاح
المدح فنجـال(ن) ليمنـاك مسيـوق=مادام طيبك فـي دلال الفعـل فـاح
والشعر لك مسيوق والطاق مطبـوق=ومسامعك من حقها جنـي الاربـاح
تفعل يمينك فعل ما هـو بمسبـوق=وعندك لبيبـان الصعيبـات مفتـاح
مكانتك فوق الشواهيـق مـن فـوق=ولك في دروب المجد مسرى ومسراح
شوفتك تبهج خاطر(ن) كان مبنـوق=ووقفتك تجلي هـم وتـداوي جـراح
لاجاك من همه جبل يشتكـي عـوق=داويت عوقه بالدوا والجبـل سـاح
ولا جاك من له من ورا الظالم حقوق=عود بحقـه يقلـب اتراحـه افـراح
وخوتك تنبت في حشى القلب زملوق=وخوي جنبك مـن سواقيـك ميـاح
يشفق عليها راعي الطيـر ويـروق=لا راح معك العمـر مـا يعتبـر راح
في خايع(ن) كله خزامـى ورقـروق=ريحه طوال الليـل والصبـح فـواح
يشفي خفوق(ن) فيه من وقته فتوق=والبال مع شرواك يا شيـخ ينسـاح
وهد العديم الي على طلعـه يتـوق=يرخي جناح ويوعد ويكفـت جنـاح
لو تنطحه ما شفت في سيقه سبوق=شلايلـه كنهـا دناديـش مسـبـاح
ما طار لو من بعد ملحوق ملحـوق=والخرب لا ناشه وهو عازم(ن) طاح
كنه مـن فـواده الا طـار منتـوق=ما هـوب للريضـان لاهـد مسـاح
من يوم جاني ما تمشيـت بالسـوق=ولا شريـت مـن المحـلات تلـواح
مثله عن البيع وعن السوم مفهـوق=ومثلك يبو خالد له الشعـر نضـاح
وشعري عن الي ما يحاليك مرفـوق=ولاني لغيـر الطيـب القـرم مـداح
ما غيرك وقت(ن) به العمر مسروق=عن التراث تذود بسيـوف ورمـاح
عز القنص بالطير والخيل والنـوق=فالبـر خيـال(ن) وفالبحـر سبـاح
على طريق العود لأقدامـك تسـوق=زايد عسى الفردوس له بيت ومـراح
ومن تحته انهار وعلى راسه عذوق=جعله مثل ما ريـح الشعـب يرتـاح
الي بنى بالعـزم بالرمـل شاهـوق=وجنى من الصبخى كمثـرى وتفـاح
محبتـه بقلوبنـا شـي مـوثـوق=وغلاه مهمـا كـان باقـي ولا زاح
ابوك يا محمد على المجد من فـوق=وانت اشتريت الطيب والمدح الارباح
المدح فنجـال(ن) ليمنـاك مسيـوق=تقهو دام المدح من خاطـري فـاح

وسـلاامتـكم




دمـتـم بـود