ما ابيك ( قصيده عاميه)

[غريب الروح]

ما عاد تنفع قولتك روح ما ابيـك...وانا الذي طابـت حياتـي بليـاك
*****
ذنبك علي جنبك وحظـك يباريـك......ولا تحسبنـي بترجـاك وانهـاك
*****
لملم شتاتك فـي توالـي لياليـك....واشرب كدرها يا المقفي بيمنـاك
*****
جيتك علي ما تشتهي سم واعطيك...واليوم اشري راحة الروح ويـاك
*****
رح بطريقك مـا يـردك موديـك......ولا تجتمع خطوة دروبي مع خطاك
*****
درب الخيانه في حياتك مصافيـك...دور علي منهو علي الكبد ياطـاك
*****
يضحك علي عمرك ويبعد مخليـك......ما همه الا لثمـة الخـد وشفـاك
*****
تري الغلا ماهو بكلام انا اغليـك.....لكن حياة لا قسي الوقـت تفـداك
*****
انا كما عد مـن الـروح مرويـك....تشرب علي الصافي وتروي ثناياك
*****
وانا كما ثوب علي العـز كاسيـك...ان بان عيبك يا ادعج العين غطاك
*****
وانا كمـا غيـم تعـلا وحاويـك......ممطر سحابه باجمل الحب يغشاك
*****
وانا الذي في قاصي القلب موزيك....دفنت نبضي في خفايـا حنايـاك
*****
وانا الذي لجة ضلوعـي تناديـك....ما ادري سمعت الصوت ولا تعداك
*****
واليوم بانت في عيوني مساويـك....سبحان من اظهر خوافي بلايـاك
*****
مع السلامه غايتي بـس اعزيـك....ياللي خسرت الحب ملعون مجناك
*****