السلام عليكم ورحمه الله وبركاته
قصيده لي من الارشيف القديم واتمني تحوز علي ارضاء الجميع
أول أقول المـوت فينـي ولافيـك=واليوم جعل الموت ياخـذ حياتـك
دامك تبيع انسان بالكون شاريـك=موتك ولاتوهـم لغيـري صفاتـك
فيني مشاعر كل ماانساك تطريـك=تلعن وفاهـا يـوم لاقـت رداتـك
وقف دقايق واذكر اللـي يواسيـك=جفف دموعك قبل تاصـل شفاتـك
تذكر تجيني تبكي الظلـم وابكيـك=واشيل جرحك "اجبرتنـي غلاتـك"
وإن غبت عني كل مابـي يناديـك=حطمت حلمي ورحت ألبي امنياتـك
ادري الجمال وسود الأهداب كاسيك=لكن حسافه .. علــــيك وصفك خفاتك
واول أقول الموت فينـي ولافيـك=واليوم فرحي " ينولد في وفاتـك
وسلامتكم واخوكم الشاعر غانم بن علوش الهاجري
08-06-2008, 04:14 AM
العرض الشجري