لعن آبوه مستقبل.... مصافحة اولى

[محمد بن جمشان]

على هونك علي يا صاحبي وش فيك مستعجل=تسل اسيوفك وتضرب حشاي وأنت ساكنهـا
تبيني أطرب اعيالك بنغمة صوتي المذهل=وأنا مـن عادني ورعٍ بلَحنْ الدمـع فاتنهـا
وانا يا صاحبي روحي تروح لقبري وتقبل=يعذبها غريـمٍ في ظلام الـياس دافنها
تمنيت الدهر رجـلٍ بحزّات اللقا يصمل =يواجه مـن حياتـه فـي سبيل الجود راهنها
علي العار إن يشرب مرايـر ظلمه ويقتل =ويعرف كيف يظلم ناس ما تصدا معادنها
واذا مستقبلي يبغى يقوم بصفّـه ويكمل =بقايا جثةٍ تنـزف دمـوع بليل غابنها
ويبغى ما بقالي مـن سعاده تقفي وترحل =وهي ثـروه مـن ايّام الطفوله كنت كامنها
بقوم وبدفل بوجهه (( لعـن آآآآبـووه iiمستقبـل)) =وبلعن ديرةٍ يقرع جرسها كلب كاهنها
وبرفع هامتي صوب اللذي يمهل ولا يهمل =بعد مـا شفت أيـم القهر دارت مطاحنها
وبنثر دمعة اعيوني علـى اللي قلت مـا تذبل =على اللي من غلاهـا فـي وريـد القلب دافنها
واقول ان الزمن يعمل بروحي شي مـا يعمل =غـدر فينـي بنصف الليل ريحٍ كنت آآآمنهـا
ومدري لي متى ظَهري لخـف الليل يستحمل =وساكت والخناجـر عابثـه فـي جوف حاقنها
ودمع العين في صدري بقسوه يثقـب ويغـزل =ورمشي مايل بغصنـه على موال لاحنها
احـس بشي خانقني ولا يـسلا ولا يغفـل =واشوف ابلاد مدفونه تناديني مآآذنها
واشوف ان السما تقرب علي في غفلـة وتنزل =يتيمه قالت اني من ثمان ادهور حاضنها
واحـس بداخل اعظامي بدودٍ ياكل وينـخـل =زواياها ويشعل نار ما ترحم مداخنها
واشوفك وردةٍ تسكن حدايـق قصري وترسل =علي من ريحها لين اخطفت قلبي محاسنها
وسمعت ان العرب قالوا إن الزين ما يكمل =وهذي حكمةٍ بعدك قـسم بالله كافنها
احبك والشعر لا دق بابك يكمـل ويجـمـل =وأمواج الغـزل تلقى العيون احلى مساكنها
ولا أبغى أحد غيرك ولا يمكن أبد أقبل =بغيرك لو ليالينـا ذبحني رمـح ماجنها
أنا يا غاليه منّك وفيك وسيف ما يذحل =شطيرٍ يفلج اصدور الهلايـم ما يهادنها
حلفت إن (( الهنوف)) ولو أشوف الموت ما تِخذَل =ولا تفتك بَها أيّام خابزها وعاجنها
ولو وقتي معي دايم شحيح وبالعطا يبخل =ابسعد وافرح اللي بالوفا بالعَهْـدْ راكنها
لأني عارف ان مافيه غيري يمكن ان يدخل =بقلب اللي على شاني بكت في سجن ساجنها
لعين المهره اللـي مـن وفاهـا تشنع وتصهل =ابسقي الموت مـن كاس المنايا مَـن يفاتنها
وبعشقها وبحضنها وبجعل ليلهـا يـسدل =على صدري جدايل سود ما تخطي أماكنها
معاهـا بـس متأكـد يجي مستقبلي أفضل =واعيش ايامه بدمعـة فـرح بالحـب شاحنهـا
واذا غابت عن اعيوني ((لعن آآآآبووه مستقبـل)) =عليه الفين لعنه ظاهره من غبن لاعنها

وسلامتكم ...محمد جمشان