سلام الله على صرحا ً عرفنا فيه ناس و ناس ، / عنان الدحابيب و بن حمري

[بــ ــــــــرق]

السلام عليكم و رحمة الله و بركاته



مساكم الله بالخير



محاوره اعجبتني و احببت ان انقلها لكم










عنان الدحابيب

سلام الله على صرحاً عرفنا فيه ناس وناس=ومواثيق الوفا لهل الوفـا ماهيـب مسلوبـه
جمعنا الود ولا الشعر له في كل حال قيـاس=واحد يكسيه جنز أزرق واحد يكسيه من ثوبه

علي بن حمري

إلا يامرحبا ترحيب راسٍ شايـف لـه راس=تراحيبن من اقصى القلب مجيوبه ومجلوبـه
جمعنا الله تحت ظل الشعر والحبر والقرطاس=وانا الصاحب مالد العين في عوجاه و جيوبه

عنان الدحابيب

عسى يبقيك ربٍ يفرق الفاهي عن الحساس=مواقيت الغلا في مصلحه الأحباب مصبوبـه
تنادمنا زمانٍ فات والماضي مضى ونحـاس=ضميراً قال ياغي القلوب العفـو والتوبـه

علي بن حمري

يابوجابر ماخلق الراس للصكات والهوجاس=لكن الوقت هـذا يجعـل الايـات مقلوبـه
تنادمنا ويقطع من شجر الايام عمر الفـاس=مهيب منادمت كيسان مصبوبه ومشروبـه

عنان الدحابيب

تخيل وضعنا لو ما ليالينا شقـا وتعـاس=مابان الطيبين ولا كشفت الاش وعيوبـه
أنا ما خاف لا شفت الغصون المايله يباس=يغذيها الوفا وتعـود للوافيـن مرغوبـه

علي بن حمري

ياباغي الكنز في جوف المغاره دونه الحراس=وحراس المغاره خمسـةً كلـن ولـه نوبـه
اعرّفك زين منت تخاف لكن يلحقك وسـواس=وترى الرجال لاوسوس يشوف الموت بجنوبه

عنان الدحابيب

معي ما يشرح البال ومعي ما يكتم الانفاس=وأنا عابر سبيل ونيتي ماهـي بمنكوبـه
توضينا بما زمزم وحلقنا بسـت امـواس=وصلينا صـلاة مـودعٍ موتتـه مكتوبـه

علي بن حمري

اذا مافي يمينك سيف وايضاً في يسـارك طـاس=وفي نيّتك تلقى القوم .. تلقى القوم وش هوبـه ؟
جلس يدعي المصلي في الصلاة النصر والنوماس=ياكـم رجـلاً مصلّـي لالقـوه القـوم صلّوبـه

عنان الدحابيب

ودايع فضل رب البيت نكسيها ذهب والماس=نلحفها الرصاص ونصرة المعبود محسوبـه
على الله لو نغسل كبدها من كل طاري ياس=مسحت المستحيل من الكتب والنار مشبوبه

علي بن حمري

ترى من طاح عند اقدام خلق الله يبـا ينـداس=لو ان مبناه مبني من ذهب طوبه على طوبـه
لاشك اللي طبخ فى القدر يكشف سره الملاس=بعدها تعـرف ان السالفـه لعبـه وملعوبـه

عنان الدحابيب

طواغيت المسيح تنافق القسيس والاجـراس=تذيع أبها الكنايس عصر بنت بليس مخطوبه
لاصار المر في ثوب الحلا والحلو ذكر رماس=سلام الله عليك وفرحـة المهمـوم مكذوبـه

علي بن حمري

ورى الباب الحديد اللي عليه القفل والترباس=وقف زولاً ليامن خش راسه شفت عرقوبه
ماحب الجمله اللي مالها معنى قوي وساس=تقول انها ميليشيات فى البصـره وبعقوبـه

عنان الدحابيب

ضحك سن الضحوك وقام يغمز طرفه النعاس=تخلا من تسلا دوب عمـره مبتـدي دوبـه
تحب او ماتحب أستعمل أسلوبك ورد الباس=وتحذر يا علي ماكل مبدع ينجـح أسلوبـه

علي بن حمري

مدير البنك أساء أدارتـه ليـن اعلـن الافـلاس=وتجـار البلـد شالوبـه الـدعـوى وحطـوبـه
مايذكر فى الجحور صقور ولا فى الرجوم بساس=ياعنـك الوقـت لاتمّـن خفـاه إن فـر دالوبـه

عنان الدحابيب

اذا طاح الجمل كثرت سكاكينـه يابونـواس=لعل الوقت يعطي كثر ما خذ مثـل ذا النوبـه
صحيح ان البحر شرهة كريم وخاتمت غطاس=لكن البر شف المستريـح وشـف مطلوبـه

علي بن حمري

ترى السلك الحمر لاشبك فى الاخضر يسبب ماس=لاتمسـي والكهـارب طافيـه وايديـك معطوبـه
تخيّر قبر فـي كشميـر ولاّ قبـر فـي مـدراس=على السكني تحرم حفـرةً فـي نجـد منصوبـه

عنان الدحابيب

سمعنا الا سلمنا وش علي لا طاح أبن فرناس=تطير الطايـره بمحركـاتٍ غيـر مسبوبـه
متى ما قدر المولى غدى عند أذنك أستنكاس=لنا كبد السما والقاع لهـل القـاع مدروبـه

تقبلوا تحياتي



بــ ــــــــــــــرق