ياناس لاتنصحوني عن هوا خلـي=اشوف شيٍ(ن) بخلي ماتشوفونـه
وألا على ويش دمع العين ينهلـي=والقلب يحزن اليامن غاب مظنونـه
دايم خياله يلا زمنـي كمـا ظلـي=افز لامن سمعت اسمـه ينادونـه
والقلب من شوفته مايمكن يملـي=ياناس من كان مثلـي لاتلومونـه
اليا تأملت في وصفـه يخيـل لـي=حوريةٍ في جنان الخلـد مصيونـه
واليانظرتـه يفـز القلـب ويهلـي=وان لد بي شفت سهم الموت بعيونه
من بعد سيد العذارا ياكبـر غلـي=اصبحت مدمن على حبه ومجنونـه
ياليت خلي يجي ظنه علـى ظنـي=غيره من الناس ماحسبة لظنونـه
ياناعم العود تكفى شوف لي حلـي=قبل حبيبك يحيـل اليـاس مندونـه
اما اترك القلب والا ظمنـي كلـي=من يطلب القرب منكـم ماتظمونـه
عزرت بالمسلم اللي يصوم ويصلي=اسيركـم بعـد ماسلـم تبكـونـه
الجور والظلم عـادة كـل محتلـي=لاكن دورات بقعى غيـر مظمونـه
ولا اظنه يطيب جرح القلب ويولـي=ألا انكم من سبب جرحـه تداوونـه
العرض الشجري