محتااااااااااااج لك

[ذايع الصـيت]

السلام عليكم ورحمة الله وبركاته ..

أشارككم اليوم بقصيدة أتمنى أن تحوز على إعجابكم وإستحسانكم:

لا تحســبين إن أي شئ يقــدر ينسّـيني غـلاك -- دايـم على بالي تجـي وإذا نســيـتي أذكـرك
أشتاق لك وإنتي معي وشلون لو رحتي هناك -- أنام بك وأسهر عليك وأن كان نمتي أسهرك
أبشتريك وما أبيعـك وانت تعـرف من شـراك -- وابيع من باع برخيص وما شريته لو برك
آضـم طيفك وأحضـنه وألملمه وأشـبع دفـاك -- وأشعل خفوقك وأخمده وآضم ناره وأدهرك
محتاج لك كلّي عطـش ابرتوي وآذوق ماك -- محتاج لك كني يتيم يضيق لا شاف سْحْرك
محتاج لك كنّي سجين وظالمه حمرة شفاك -- مسجون بين الحاجبين ولفتتـين امن نظـرك
غريق في بحرٍ دخلته وأسمعك وأسمع نداك -- ودامي غرقت أنشهد إني عايش بوسط بحرك
أضـيع في دنيـا غـرام ٍ شـوقـها في ملتـقاك -- وإذا التقيتك ببتعـد عن درب ما يجيه الدرك
أببــتدي بك وأنتـهي وأنهـيك وابـدا مبتـداك -- وابجمعك بعد إجتماعي فيك وأرجع وانثرك
تعال يا سالب خفوقي ومن سلبني إلا سواك -- خذ ما تبي امن الخفوق ولا تهـابه لأحـترك
لكن تمـعـّن في الكـلام وجعـلني كلّي فــداك -- لا تحسّب إني لو عشقتك مقدره او مقدرك
إن كنت تحسبني بذل وبنحني واطلب رضاك -- أو تحسب إني بنفتن في زينك وحلو خمرك
غلطان يا سـيد الحلا غلطان يا شبه الملاك -- إذا عشقك القلب يعني , حبك وحبه مشترك
لو شفتني لك مندفع حذراك تلقـاني بجـفاك -- وحـذراك تتغـلّى علي وأنا احـبك وأقـدرك
لا تكسر القلب الذي ما غيرك انت اللي رآك -- لأن كـسـرك له يعـادل جيّـتي لك وأكســرك
مهما حصل أنا بشر مثلك وحسسني معاك -- لا ترفع عيونك سما ولا تخسرني وأخسـرك
أغليك إي والله عليم وخافقي اللي حواك -- كـلك على بعضـك هنا بين الحـنايا والشَــرَك
إذا سمحتي أبعـدي عن ناظري لفتة جفاك -- مع صدك القاسي علي من قبل لاجيب خبرك
أنا أحـبك وأعشقـك وأحب أتنفـس هــواك -- بس إنتبه لا تهـين قـلبٍ ما طراله يخسـرك
لو تجتمع كل البشر و بقصدهم أترك هواك -- بدري عليهم زي ما بدري يطولون شعرك

وسلامتكم

أخوكم / ذايع الصيت