نيـويـورك ... الجزء الثاني - الصفحة 3

ريــــــانـه العــــود · #21 24-09-2007, 05:42 AM

اقتباس:

المشاركة الأصلية كتبت بواسطة الجـادل

اختي الكريمه ...ريانه العود ...

الرحله بعدها في اولها تابعي باجي التقرير وان شاء الله يعجبج ..

اسعدني مرورج الكريم ..

تقبلي من اجمل التحيا ..

اختك

الجــادل

اها في اولها خلاص ابشري

ومتابعه لها اذا الله احيانا وعشنا

الجـادل · #22 24-09-2007, 05:47 AM

اقتباس:

المشاركة الأصلية كتبت بواسطة @الشيــــــــــــنه@

رووعه ماشاءالله خوش رحله وتصوير

تسلمين يالجادل

متابعه

اختي الكريمه .. @الشينه@ ..

مرورج هو الاروع ...

والله يسلمك .. واسعدني مرورج الكريم ...

تقبلي مني اجمل التحيا ...

اختج

الجــادل

الجـادل · #23 24-09-2007, 05:50 AM

اقتباس:

المشاركة الأصلية كتبت بواسطة الزيـــــــن

روعة الصور صراحة
حسيت نفسي انا المسافرة .........(اخاف صج)

حدي الواااااادي ....ونعم فيه

اختي الكريمه .. الزين ...

اسعدني مرورج الكريم ...

وان شاء الله المره الجايه السفره تكون على امريكا بدال الوادي ...

تقبلي مني اجمل التحيا ..

اختج ..

الجـــادل

الجـادل · #24 24-09-2007, 05:53 AM

اقتباس:

المشاركة الأصلية كتبت بواسطة ريــــــانـه العــــود

اها في اولها خلاص ابشري

ومتابعه لها اذا الله احيانا وعشنا

اختي .. ريانه العود ..

يشرفني ويسعدني متابعتج للموضوع ...

ووجودج ينورالموضوع ...

تقبلي مني اجمل التحيا ...

اختج

الجــادل

الجـادل · #25 24-09-2007, 06:02 AM

تدروون بعد شنو شي مميز في نيويورك غير ناطحات السحاب ؟؟؟

تكاسي نيويورك الصفره

اللي اعتبرناهم معلم من معالم نيويورك

الشارع ثلاث ارباعه تكاسي
ونص الربع باصات وسيارات اسعاف ومطافي
والباجي قواري وسيايير الناس

في هذا الباص السياحي

كل من قالنا لازم تركبون هالباص اول ماتوصلوون نيويورك ياخذكم في فره ويونس بس ماركبنا كله مالنا خلق الشمس ..

ارتاحوا شوي لانه ورانا مشوار لاحلى مكان في امريكا ..

الســـــــوق

الجـادل · #26 24-09-2007, 06:21 AM

التسوق في نيويورك

سويت لكم خريطه توضيحيه مبسطه من عندي بس ان شاء الله تفهمونها ...

احنا ضيعنا جم يوم بالبدايه مو عارفين شلون نمشي ووين نروح !

اذا بغينا مكان نقول حق التكسي ودنا يقول لا ما اوديكم هذا قريب تقدرون تمشون ونشوف الخريطه ونمشي عليها ومو فاهمين شلون نقرى الخريطه على ما نوصل المكان الا احنا كارهينه مع انه كل شي قريب بس وايد فيها خطرة شوارع ...

المهم نرجع حق الخريطه ...

الخطوط العريضه اللي باللون الأحمر هذيله الأفينيوز (تكون شوارع كبيييره وعريضه) طبعا الأشهر اهو الفيفث أفينيو...

والخطوط الزرقه اللي بالطول هذيله الشوارع ستريت تكون صغيره وتقطع الأفينيو ،، وأرقامها تسلسليه...

اللي بالعلامه الخضرا اللي في البارك افينيو وشارع 50 هني فندقنا...

والعلامه السوده اللي في الفيفث أفينيو شارع 50 هني اشهر وأكبر مجمع في نيويورك اللي اهو ساكس فيفث أفينيو...

اول ما توصلون نيويورك لازم تاخذون خريطه وبالخصوص خريطة التسوق لأن يحطون كل محل بأي افينيو وأي شارع ...

نكمل مع المجمعات ...

الجـادل · #27 24-09-2007, 06:29 AM

المحلات في نيويورك دايما تكون موجوده في الأفينيوز (الشوارع الكبيره) قليل ماتشوفون مولات...

وأشهر شي الفيفث والماديسون أفينيو فيهم أكبر وأشهر المحلات....

مثل Fendi

Gucci

Versace

ومحلات وماركات وايده ماصورت كل شي

يتبع

الجـادل · #28 24-09-2007, 06:41 AM

في محلات وايد مثل ما ذكرت لكم
coach - banana repablic - victoria secret - H&M - Gap - BCBG

محل المكياج الأشهر في أمريكا Sephora
http://www.sephora.com/

محل NBA الرياضي حدنا كيفنا فيه يوونسس وصورنا في شكثر بس هذي بعض الصور

ديكورات المحل عجيبه

هني الكاونتر

طاولات وكراسي على كرة سلة

وهذي مكتبه وايد مشهوره عندهم Barnes&Noble
http://www.barnesandnoble.com/

في داخلها ستاربكس

نكمل ..

الجـادل · #29 24-09-2007, 06:54 AM

في الفيفث أفينيو شارع 60
محل الكمبيوتر Apple Store

اللي بيروح لازم يشوف شكله روعه وتصميمه كله شفاف شي خيالي

على طاري محلات الكمبيوتر والالكترونيات في بعد Circuit City - Best Buy - Virgin

يم أبل ستور اللي شفناه مساعه في محل العاب F.A.O. Schwarz
http://www.fao.com/home.jsp

شكله يونس بس للأسف ما لحقنا عليه كان مسكر

من داخل فيه غير الألعاب حلويات وفيه كافيه وقعده يونس

وفي بعد بالفيفث أفينو محلات وايد لليهال مثل ديزني ستور - امريكان غيرل

صورت هذا Build a bear

أدري فيكم ما شبعتوا من السوق ،، راح نكمل ان شاء الله قريب

راعي المشعاب · #30 24-09-2007, 10:27 AM

يا سلام

روعه

يالجادل

ننتظر

ما تبقى