طاروق خفيف ،،،،،،

[ليوناردو دافينشي]

السلام عليكم

ودنا نرد اللياقه على قولة الاخ بندر

واقرب شاعر حياه الله

ياسلامي سلام ٍ ريح عوده خالطه ريح مسك وريح كادي = صوتوا لي على ذيب المساري والمسافه ترى ماهي قريبه

سوق الاسهم نبي نكسر ركوده عقب ما شاخ به سهم البلادي = ياهل العرف دام السيل جاري كل ضامي يبي ياخذ نصيبه

[نـاصـر]

صح لسانك ياليوناردو

شقوم الربع أبطوا

[دحمي]

السلام عليكم ورحمة الله وبركاته

صح لسانك يا ليوناردو والقصيده رائعه

ولاهنت

ولك تحياتي

[ليوناردو دافينشي]

صح بدنك ياناصر مدري وشقومهم انشدهم انت

صح بدنك يادحمي بس المشكله القصيده مهيب كامله

[(هاوي قصيد)]

ليونارد
سم

مرحبٍ عد ماترزم رعوده يقنب الذيب في روس المبادي = واختيارك على حسب اختياري والصعيبه لها ناسٍ صعيبه

سوق الاسهم تخبط في بنوده مبتلش في نظام الاعتمادي = والمطر لا حيا جرد الصحاري
والبنادم لقاه ومالقيبه

[ليوناردو دافينشي]

الهاجري

سم الله عدوك

والبقى والطريق اطلب سنوده خل عنك الفواصل والبوادي = بنك الاهلي ينافسه التجاري بآخر سنينكم وش ذالمصيبه

الجمل لاتعداها حدوده كل من واجهه طال الشدادي = حط بينه وبين الغرب ذاري لجل ماتشعبه ناس ٍ غريبه

[(هاوي قصيد)]

كل دربٍ توافقنا عهوده نطلبه لو بخشم ام الزنادي = ذاك طبع الوقت وانشد لستشاري ماعلى الدنيا حياةٍ مستصيبه

والجمل قد ورد بقصا عدوده وكل شاعر يهيم ابكل وادي = جاك لهل الغرب ميت وانتحاري لين قالو وش يبي ولا شنبيبه؟

[حـــوران]

ياسلام عليكم يالشيوخ

واصلواا ومتابع وقاضب صف الهاجري

[(هاوي قصيد)]

حوران ,,,
مرحبابك ومسهلا ,, ومتابعتك شرف يالشيخ

[ليوناردو دافينشي]

الهاجري.. راجع ابياتك لاهنت

حوران.. صح النوم يالحبيب