(( M......روحــي مـلــــت الحـــرمــــــان.........s ))

ماجد العتيبي · #1 14-04-2007, 03:33 AM

حمود بن فطيس · #2 14-04-2007, 03:45 AM

مرحبا ومسهلا بين اخوانك

ويشرفنا انضمامك يالسنافي

صح السانك ولاهنت على هذه الرائعه

تقبل تحيات مودعك

حمود بن فطيس

مناحي الصميل · #3 14-04-2007, 04:04 AM

صح الله لسانك اخي العزيز

لا هنت على هذه القصيده الطيبه

ويشرفنا انضمامك الينا

أم شهودي · #4 15-04-2007, 04:21 AM

السلام عليكم ورحمةالله وبركاته

صح لسانك أخ ماجد على هالقصيده

تحياتي

*...قايدةالغزلان...*

مشاعر حالمه · #5 16-04-2007, 12:32 PM

اقتباس:

المشاركة الأصلية كتبت بواسطة ماجد العتيبي

(( الحــــرمــــــــان ))
.
.
مشيتك يالسراب اللي حسبتك تروي الضميان

لقيتـك واهــجٍ زاد الالــم فــي وســط وجـدانـي

بعد طـول الطريـق وبعـد رحلـة خافـقٍ شفقـان

صدمنـي واقـع ايـامـي وحلـمـت بـواقـعٍ ثـانـي

اسافرفي بحر حزنـي وروحـي ملـت الحرمـان

موانـي الحـزن فـي نفسـي شواطيهـا تحرانـي

ايازهرة ربيع العمر وينك عـن ثـرى البستـان

اياضحـكـة شفـاتـي عــودي مـلـيـت اشـجـانـي

مشاويـر العمـر كذبـه وقصـه مالـهـا عـنـوان

سفينـه تضـرب بجـال البحـر مـن غيـر ربـانـي

طريقي صعب والامي في جوفـي كنهـا بركـان

ترانيـم الـفـرح ضـاعـت وليـلـي بالعـنـا جـانـي

حزينـه ياحروفـي بكتبـك وان مـاتـت الالـحـان

في نبضك اعرفي من دمعتي انـي انـا الجانـي

ابـي اترجـم اوجاعـي مواويـل عـلـى القيـفـان

تجسدنـي قصيـدة حـزن تحطـم ســور كتمـانـي

اياذيك الحروف اللي هويتـك مـن زمـانٍ كـان

محانـي الصـدر فجيهـا عـشـان الـكـل يقـرانـي

.........s.......

تحياتي : ماجد العتيبي

ماجد العتيبي

جميله

صح السانك ولاهنت

تحيتي لك / مشاعر حالمه

ماجد العتيبي · #6 17-04-2007, 01:05 AM

يعلني مابكيكم جميعأ...
صح بدنكم جميعا ويعطيكم العافية

اشكركم جميعا من صميم القلب على ترحيبكم الحافل فيني

واشكركم جزيل الشكر على الردود

واتمنى أن أكون عند حسن ضنكم

اخوكم : ماجد العتيبي