ماكان ودي يكون هذا اول مواضيعي

[عزوة قبائل]

السلام علكيم ورحمة الله وبركاتة اعضأ منتدى العجمان الكرام.. انا ماكان ودي يكون هذا اول مواضيعي لكن .. الله يعين..
نحن كنا عائلات تربطنا المحبه وكنا ابنأعم يعني وعيال رجال واحد( مثل ما نقول يا البدو) المهم اربع عمام صار بينهم قطيعه استمرت حتى يومنا هذا 16 سنة دون ان يرأ احد منهم الاخر او يزو رالثاني لا في فرح ولا في حزن لكن الابنأ يتقابلون في بعض المناسبات التى تجمعهم فيها مناسبات الفخيذة من اعراس او شبه ذلك ولكن لا يتكلمون ( ابد تقولون ما هذولي طرمان او خرس)او ما هم يعرفون بعض لدرجة ان بعض ابنأ العم لايعرفون بعض ( يمكن انا بالغت شوي ) بس هاذي الحقيقه
طبعن تبون تعرفون السبب( السبب حنا يابنات فطيم ماحد فينا ناويه تاخذ ولد عمها وتزوجت من رجل اجنبي) وزعلو الاهل وصار فيه نوع من التحدي بين الاخوان ...... فا انا محتاجه منكم تعطوني رائكم او استفيد من ارائكم... والصلح خير الله لا يميتهم على القطيعه والله قلوينا توجعنا كل ما تجي مناسبه عيد او غير ه ما يجون بعض الله يجمعهم يا رب ويصلح بينهم............


شنو رائكم في الموضوع.. هل القطيعه بين ا الاخوان زينه او حررررررررررررررررام افيدوني

[مشاعر حالمه]

عزوة قبائل

يالغاليه انتي تبين احد يفتي لج ^__^

وانا ماراح أفتي لكن باقول اللي اعرفه

الرسول صلى الله عليه وسلم وصّى بصلة الرحم

واذكر حديث ايام الدراسة عن صلة الرحم ..
عن أنس بن مالك_ رضي الله عنه_ قال : قال رسول الله صلى الله عليه وسلم : ((من سرهُ أن يبسط له في رزقه ، ويُنسأ له في أثرة فليصل رحمه))

وحديث آخر

عن أبي هريرة- رضي الله عنه- أنه قال : قال رسول الله صلى الله عليه وسلم (( من كان يؤمن بالله واليوم الآخر فليكرم ضيفه ، ومن كان يؤمن بالله واليوم الآخر فليصل رحمه،ومن كان يؤمن بالله واليوم الآخر فليقل خيراً أو ليصمت))

هذا دليل ان صلة الرحم واجبة ..وقطعها من كبائر الذنوب ..

وبعد ماتقبل أعمال قاطع الرحم سبحان الله والدليل على ذلك قول الرسول

عن أبي هريرة ـ رضي الله عنه ـ أنه قال: قال رسول الله صلى الله عليه وسلم : (( إن أعمال بني آدم تعرض كل خميس ليلة الجمعة فلا يقبل عمل قاطع رحم )) رواه أحمد وإسناده صحيح

واذا حبيتي تشوفين صلة الرحم وحكمها ومعناها ..

راح احط لج الرابط واتمنى لج وللجميع الفائده ..والله يجعلنا من اللي يصلون رحمهم ^_^

http://saaid.net/rasael/252.htm

تحيتي لج / مشاعر حالمه _ عزوة ابوها

[(_. ._)]

الله يكفينا شر قطيعة الرحم

والله يجمعكم على الخير إن شاء الله

لاكن سبب قطيعة الرحم تقولين عشانكم تزوجتوا من غير ابناء عمومتكم فهذا تفكير غير صحيح


ما روي من حديث رسول اللّه صلى اللّه عليه وسلم، والذي فهموا منه أنه عليه الصلاة والسلام ينصح بزواج (الأباعد) مثل حديث "تخيروا لنطفكم فإن العرق دساس"

شكلي طلعت برى الموضوع

لاكن انا اقول اللي بيقطع صلة رحم عشان الزواج هذا مافيه طب

وبعدين الزواج قسمه ونصيب ليش مايرضون بالواقع

[عزوة قبائل]

اخوي مشاعر حالمه بيض الله وجهك رائك اخوي اعتز فيه بس وانا احترت ما عاد عرفت او عرفنا شنو الصحيح .. حتى بعض ازواجنا ائلي هم ماهم من لحمنا ودمنا يقولون اذا احنا سبب مشاكلكم ( ولو نعرف ان بينكم قطيعه ما تزوجناكم مستعدين نطلق طلالالالالالالا ق علشان الصلح) بس... المصيبه الهجر والجفأ طووووول



متى على نصلح الشان نرتاح...... ونعيش مثل الناس عيشه سعيده

[عزوة قبائل]

اخوي الواهيب مشكور على تعليقك الجميل لكن دعواتك ان الله يصلح ...... وشورك ورائك على راسي بس خلها على الله عسى الله يهدي الجميع وابد ما طلعت من الموضوع كل كلمه زينه لك فيها اجر



طال الزمان ائلي فقدنا حبايبا........ ماهمنا غير جمعتنا على الطاعه

[ركايز]

عزوة قبائل

ختيه عسى الله يصلح قلوبهم ويولف امبينكم ع خير يا ربي

سبحان الله اليوم وقبل سويعات بس قاعده اسمع سي دي لدكتور / خالد الجبير

وصارلي اكثر من ساعتين قاعده احمله .. مهب راضي يتحمل وياي حجمهن كبير ><

فيه وايد محاضرات .. ووالله انه كان يقول كلام عن قطيعه الرحم وانه عرب وعيال عم

كان القطيعه بينهم بسبت قطعة ارض وغيره وكلن غروره وكبريائه ما يسمح له يمد يديه لثاني

اذا قدرت الليله احمله بيكون متواجد فالقسم الاسلامي واذا ما قدرت اسم السي دي

( قلوب الجبير _ وطبعا لدكتور / خالد بن عبدالعزيز الجبير ) تقدرين تشوفينه فالمكتبات ..

حاليا قاعده انسخ السي دي .. ووزعه .. وعسى الله يهدي أمة محمد ..







المهم تبغين شور خويتج .. قربي بقولج ^^



اول شي يعلني ما فارقج .. حاولي تقربين من بنات عمج من تشوفينهن ابتسمي فوجيهن
وشوي شوي حاولي تسلمين .. اقولج ترى عن تجربه ( بنات اعمامنا وعماتنا قليل ما نتشاوف
وياهن وكانت البدايه فالمناسبات والاعراس وكل يوم نكتشف وحده يديده وشوي شوي بدينا نداخل اكثر
واكثر .. والحمدلله الحين العلاقات طيبه .. وطبعا لان عايلتنا الوحيده كانت فمنطقه بعيده عنهم وذا السبب والشي الثاني بعد نفس سالفتكم استوى خلاف وكلن يبغي يآخذ خت الثاني واحدن راضي والثاني متييس هع ) المهم خلنا نكمل .. شوي وشوي تعارفن وخذي ارقامهن طرشيلهن مسجات ايميلاتهن من فتره لفتره .. طبعا بياخذ الموضوع وقت .. بس صدقيني عقب بتقوى علاقتكن وياهن .. بعدين شو تسوي فديتج اتفقن تظهرن حديقه ولا مكان جذيه .. وتمن فوق رؤوس عياييزكن وشيبانكم .. وامايه يعلني افداج وبويه يعلني ما خلا منك .. خلونا نظهر ويا بنات اعمامنا وحاولن تذكروهم باحاديث الرسول عليه الصلاه والسلام .. وقص على امج ( اي : كذبي عليها .. كذبه بريئه لوووول ) قوليلها .. امييه توني متصله بيت عمي وتسلم عليج حرمه عميه وبناتها .. قوليلها ثلاث اربع مرات يسلمون عليها بس .. عقب قوليلها ويرقبون جيتكم عندهم .. وعطيها انتي من ذي الرمسه الزينه والمحلايه .. ( ترى انا جذيه بس اعطي العيوز كاش فويه اسوي تيلفون لعمتيه واسولف وياها وعقب من اخلص اقولها عمتيه اميه تبغي ترمسج واسير عند اميه واقولها عمتيه ع تيلفون تبغي ترمسج .. واوهقهن بثنتيهن .. وعاد يستحن ع وييهن ويرمس بعض ) >>> وش رايج بخويتج


المهم .. سوي اللي قلتلج عليه واي خطط اجراميه طرشيليه ع الخاص وضبطلج الامور ان شاء الله

و لا تنسين انه فتره القطيعه طويله .. يعني الموضوع بيطول بس حاولي انتي وخوياتج ..

الدنيا تبغي والآخره تبغي واليوم شيبانا راحو منها ونحن وراهم هب مآخذين منها شي ..



الله يوفقج يا ختيه وكلن بنيته وربج بيسهل ان شاء الله ..



ودعتج الله
خويتج / طير الحبارى

[عزوة قبائل]

( طير الحباري) ( طير الحباري) كلامج وايد حلو طير الحبارى والله يعينا على جمع الشمل بس تدرين متى نتوجع اذا جأ ( العيد) واحد قال لنا اشلون عماتكم او اشلون عمكم فلان خاصه فيه ناس ( سوسه اهل فتنه) يعرفون بينا مشاكل ويعورونا با الكلام يدرون انا فهيا قطيع من 16 سنه بس جذي... لكن با احاول با اذن الله اسمع كلامج .........كلامج كله عدل

ومثل ما قلتي الدنيا تبغي والاخره تبغي ... وانا والله والله والله اني ما عاد عندي وسيله غير اطرح الموضوع عام علشان اخذ من هذا نصيحه وهذاك نصيحه مع العلم اني طبعن ما اقدر اسوي شي لسبب( اني مكسوره الجناج بنت عندي اخواني اكبر مني وابوي لكن راح اقرب وجهات النظر بينهم من كل نصيحه سمعتها)

ستة عشر عامن وحنا مقفين...... طير الحبارى مشكوره اخويتي
مع حبتك في عزووووووووووووووووووووووووووووة قبائل