الوطن ضد العجمان (دعوة للإعتصام )

[مـحمـد]

تم : )

[bo-sultan]

السلام عليكم ورحمة الله وبركاته
ابشر بعزك يا بومبارك....
وانشالله الكل يكون موجود....
وشكرا"

[بعيد الهقـاوي]

السلام عليكم ورحمة الله وبركاته

انا اشالله اول الموجودين علي الدوار

بس ماعندي صندوق الوطن

لكن ولا يهمكم بدبر لي صندوق من الجيران

[الكــــايد]

الأخ العزيز

فيصل الحجرف

شكراً على متابعتك وتعليقك على الموضوع انا بأمانة ماني شايف ان معاقبة الجريدة تكون من خلال تجميع صناديقها ورميها كأسلوب لأستبيان غضب القبيلة . يعني ميخالف خلنا نضع معادلة بسيطة ونكون واضحين من خلال طرحنا .
هل الاسلوب هذا حضاري ؟
تجميع صناديق الجريدة والتجمع بمكان حساس بمنطقة حساسة تحسب للعجمان علشان والله اخطب واكسر صناديق الوطن !!
أولاً : انا بالنسبة لي متابع لمعظم الجرايد وبشكل يومي ومستمر وماراح اوعدك اني اقطع علاقتي بجريدة الوطن لأني في أسوأ الحالات راح اتابع اصداراتها من باب ( أعرف عدوك ).
أخوي فيصل انتم تشوفون شي وانا أشوف شي مختلف بس صدقني لا الاعتصام ولا رمي الصناديق راح يعالج المسألة وراح أذكرك انشالله لما اشوفك واعرفك بنفسي واناقشك شخصياً . أما بخصوص الدعوة اللي وجهتها لي للحضور يا خوي أسمحلي انا ما اقدر اسوي شي اشوف انه غير صحيح .

الاخ العزيز

فتى البزابيز

يا عزيزي انا مقدر وجهة نظرك بس انت تشوف ان التجمع ليس الا تجمع لأبناء القبيلة وانا ماراح اخالفك نتشرف بملاقات أخواننا وعيال عمنا بس مو بدوار أمام مجمع تجاري . وأبناء العمومة لما يشملهم لقاء يكون من خلاله تبادل وجهان النظر والآراء والتعبير عن الوضع ومعالجته من خلال طرق صحيحه وليس من خلال صناديق اشيلها من بيتي واجيبها معاي علشان ارميها بالشارع .

تحياتي

الكـــــــايد

[فهد]

الله يعطيكم العافيه يالاداره وابشروا بالحضور انشالله

[الفهد10]

السلام عليكم ورحمة الله وبركاته
اما انا بالنسبه لي كنت غايب عن الساحه .. لاكن هل موضوع عدوان مباشر .. ولا لحد حق يتجرا على ابن عماره بكلمه وش ابن عماره وش حنا .. وقسم بالله اني مو من فخذه .. لاكن لا غانم الميع ولا اكبر منه يتهقوا على عجمي .. وحنا ربعه .. ومن لا خير فيه لربعه لا خير لا فيه ولا في حياته .. وانا معكم .. وقسم بالله لو تبونها داخل مبني الوطن ولا في بيت غانم .. اما دورار وانحذفها اشوف مالها داعي .. انا جايكم ولا والله يردني منكم الا الموت .. لاكن خلوها في بيت غانم براسه .. ولا في مبني الوطن .. وانا معكم وين ماتبون ..

والشيخ منهم لا لطمنا لطمناه .. الطم في عرض خده شمامي ..

انا جاهز .. وين ماتبون .. وابن عماره .. مايهزه جريده ولا حكي احد .. رجال سمعه طيبه ..
ومعروف هو وربعه .. قبلها بساعه قولوا توجهوا بعد الصلاه مباشره انا هناك .. ولا وبشرك ماني بمصلي .. لاذن انا هناك .. الصلاه لاحق عليها العشاء مايطووف .. وسلام

[الرااااااسي]

السلام عليكم ورحمة الله وبركاته


رد على الاخ الاعلامي

اخوي الاعلامي اولا\ جريدة الوثن = الوطن الكل يعرف انها ضد العجمان وسوت امور

ضد القبيله وازيدك من الشعر بيت تسعى هذي الجريدة الى تفرقه يام كافه وتبي الدليل انا حاضر

اذا انت صدق تنظر لهذا الاعتصام ماله داعي ابيك تقولي ليش كتبو قبيله ال مرة تنفصل عن الام العجمان وذلك لاحتكارهم وانهم اقل منهم وسوف يتبعون الاقليات ويقاطعون العجمان
من وين لهم هالمصادر ومنو كاتب الخبر طبعا راح تقول لاتعليق

ثانيا\ اتهاماتهم المتكررة ضد اللي اشرف منهم ومن جريدتهم النكراء الوثن اللي هو وليد الجري

ثالثا\ اتهام كاتبهم الفاسد نبيل الفضل لاخينا خالد الطاحوس بأنه يلمعه ويدربه احمد السعدون

رابعا\ تخبطهم المتكرر بأعلان مرشحين العجمان بالانسحاب ومنهم الاخ الفاضل محمد العبيد

خامسا\ ظلمهم للاخ ابن عمارة وتحميله ذنب لاهو مسؤل عنه ولا هي غلطته ولكن لارضاء
المرشح غانم اللميع

وغيرها وغيرها ولكن لايحضرني الان منها وبعد هذا كله تقول وبكل بساطه ماله داعي الاعتصام ؟؟؟؟؟؟؟؟؟؟؟؟؟؟

اخوي الاعلامي اذا انت ماعندك غاريه وحب وولاء لقبيلتك وانك تخاف على وضعك في هذي الجريدة الوضيعه فأتمنى ان تترك الموضوع لاهل الشأن والرجال اللي فيهم غاريه ونخوة لابناء عمومتهم

وصدقني لو ان هذا الصحفي ولد فلاااااااااان او ولد فلااااااااااااان اهل العجول السمينه واللي لهم سند يتعنزون عليه ليقلبون الدنيا ويقعدونها وصدقني اقولها لك بصراحه هذا اذا ماسكرت الحكومه وشمعت الجريدة بالشمع الاحمر ارضاء لهم واللبيب بالاشارة يفهم

فلتسقط هذة الجريدة الوضيعه الدنيئه ونوعدك يا اخي عبدالله بن عمارة بأني اول من يرمي صندوق هذة الجريدة الوثن في مزبله الصحافه


تقبلو تحياتي اخوكم الرااااااسي

[فهد11]

لابتي صبيان يام لي رز ميعادي
اقبلت صبيان يام تخافق جنابيها

من بغى القادي فيام هل القادي
ومن جلب روحه فيام بتشريها

الا روحو واجتمعو ربعي يالاحبة ولا يقوم كل عبدن وكل صانع يتشدق بالعجمان
هو يحكي بهم ذا الحين يوم كلشن محكوم ربعي يالاحبة لا احدن يذخر منكم ولا احدن يقعد في بيته منكم الا النسوان ولا منهو مثلهم
والي مهوب معضدن لربعه ولا هيب حاملته عظامه يبين معا الرججيل فيلجم له على شحم

[فهد11]

زهمت اولاد مرزوق بصوت
ولبو لي بني عمي عصاتي
فمثل مالبوا العجمان لجريس فلبوا ياولاد مرزوق

[الصريح جدا]

الاخوة الأعزاء

يبدو ان الحماس قد اخذ مأخذه وذلك من خلال الردود التي علقت على موضوع من الممكن ان يحل بالحوار وليس الاعتصام.
مصلحة القبيله تهم الجميع وهذا شئ لايختلف عليه احد ولكن؟
هل فكر الاخوه الاعزاء بما وراء الاعتصام أم هي اعتصم دون التفكير بالنتائج السلبيه والتي من الممكن ان تحصل بسبب اندفاع الشباب أو اندساس الاعداء.
لتكن اختلافاتنا حضاريه ولنعكس مدى التزامنا كقبيله بالحوار لرد المظالم لاننا من قبيله تحظى بالاحترام الكبير لدى الجميع شعبا وحكومه.
والسؤال الذي أريدالاجابه عليه من الاخوه:
هل قبيلة العجمان على استعداد تام للقيام بنفس الشي مع اي عجمي دعا قييلة العجمان للتظاهر والاعتصام
وان كان الجواب بنعم فكم مظاهره ستخرج لتلبي طلب المئات بل الالاف الذين يتعرضون لمشاكل يوميه.
هل نحن على استعداد لزج اسم القبيله وسمعتها وتاريخها في امور يتعرض لها الكل سواء من العجمان او من غيرهم.
انني اقترح من باب تسجيل موقف ما يلي:
نشر بيان مدفوع لتوضيح الحقائق
وقف اعلان المناسبات في الجريده
وهذه من المواقف الرزينه والتي ستعكس الراي الاخر وغير ذلك فهو في خانة الفعل ورد الفعل.

ودمتم ذخرا ذلحين وبعد.