السلام عليكم ورحة الله وبركاته
اخواني الاعزاء يسعدني ويشرفني أن انظم لهذا الركب الخير
واول مصافحه شعريه لي اتمنى ان تنال اعجابكم
سولفت ما كنها إلا تعزف الحان الشوادي=ومن غنجها بعثرت كل الحروف الابجديه
قالت إسمك ؟ قلت مدري تاه مني وصار غادي=كنت اعرفه زين لكن ضاع بقبالج عليه
وإرتبكت وسج ذهني ماخذيت إلا تنادي=قالت أصلك : قلت أصلي يعتزي بالوايليه
أنا من ناسن إليا ضاقوا يبيدون الاعادي=وأنا من ناسن إليا مدوا اياديهم سخيه
إسئلي من يكتب التاريخ عن أهل الجيادي =منهم اللي داسوا الاخطار يوم النار حيه
حنا طوعنا العصاه من الحضر وإلا البوادي =وحنا عز الجار فينا الضيف ما يلقا الاذيه
وقمت أعدد هالمفاخر وأجتهد قد إجتهادي=قالت : إصبر على هونك حتى أنا ترا عنزيه
قلت: ونعم وعشرت أنعام يا ظبي الحمادي =لعنبوها عزوتن ما تحتوي مثلج بنيه
وضحكت في مبسمن لا لا حشى ماهو بعادي=إجمعت مابين جمر النار وحبات إبرديه
لا حشى ماهو نسمها لا حشى نفحات كادي =كنها يوم إضحكت شيخن تبسم للرعيه
قالت إسمك ضاع بس إشرايك إن إسمي هنادي=قلت عاش الاسم وراع الاسم وعاشت هالسميه
جعل تفداج البنات اللي سكنوا وسط البلادي =تبوسمت قالت ومعها المملكه ودوله إقطريه
قلت جعل تفداج العرب من اليمن لاقصى الرمادي =من حدود إيران لين أقصى الديار المغربيه
إنتي وسط قلبي والغلا لج يا هنادي=من عواصم كل دوله لاحكت لغه إعربيه
النــازف
29-05-2006, 03:11 AM
العرض العادي
