اهداء للكل ...........
سقا الله ليلة الجمعه سقاها الله بكور السيل =سقا الله ليلتن جاني حبيب اللي بتصويره
وغريبه بعد ماجتني صورها مع حلول الليل = تركز بالبلد سود المزن وزداد تمطيره
الا ياقلب ياقلب العنا تبشر بكثر الويل = بعد ماشفت عضن ماخلق وسط البلد غيره
شعرها منسدل فوق المتون وكاسين بالحيل = تلاعبه ردايفها بتيمينه وتيسيره
عيونه زايدن فيها السواد وكنها الدربيل = يغوص ابها المعنا مابين تحليله وتفكيره
عيونه لو يكحلها حرامن ماتبي تكحيل = مكحلها الولي كحلن يزيد العين تنويره
وشفايفها وراء البرقع كما جمرة غضا بالليل = يميزها الضلام وتشتعل ويزيد تسفيره
وعنقه عنق ريمن ومذيره ومجفله تجفيل = يشل الثوب لان الثوب شلع روس ازاريره
ولا خصرن يميلها وانا ماشوف فيها ميل = تمايل مثل عود الموز لا هبت معاصيره
ولا شفت الردايف زود الساني من التهليل = عليها الله واكبر خمسه وعشرين تكبيره
كلامه سكرن حالي وصمته لا صمت ياليل = يثير الهاجس اللي غايبن شره على خيره
زعل ولا رضي ولا يفكر في زمان الميل = او انه خايفن جور الزمان وجور تغيره
احبك مثل ماحب الذهب والمال رجل ابخيل = احبك مثل ماحب الصغير ملاطف اصغيره
احبك مثل ماحب البدوا طلع نجم اسهيل = احبك مثل ماحب الغريب امفارقه لديره
احبك مثل ماحب الشجاع امطارده للخيل = احبك مثل ماحب السجين النور والنيره
احبك بالقوران وبزبرو ومحكم الانجيل = على اي الملل قلبي يقدملك تعابيره
وسلالالالالالالالالالامتكم
26-05-2006, 04:50 AM
العرض العادي
