بنت دفعت شرفها لأجل الحب تبي الحل

[حمد المخيال]

اخواني واخواتي الكرام

تحيه وبعد,,,,,

هذي قصة بنت اعرفها دفعت عرضها علشان الحب مع واحد ملعون جد ضحك عليها وسلبها شرفها وجاتني تشكي وتبكي بس ليت البكا برد لها شي للاسف ماعندي شي اقدمها لها غير هالقصيده ولو انها بتجرحها لاكن وش اسوي هي من بلت نفسها الله يعينها
بختصار القصيده بين ايديكم وانتوا احكموا
وهي بتابع وبتعرف انا متأكد
وسامحوني ان قصرت

لو عرفتي هالحكايه من البدايا للنهايا = منشغلتي بالاجابه ولاعنيتي ولاسألتي
سامحيني ياكريمه بعترفلش بالحكايا = لعبت الايام تمشي ان رضيتي او زعلتي
هي حكاية شخص يلعب في مشاعر هالصبايا = كان يلعب بالعواطف وانتي في حبه انشغلتي
مارآيتي في عيونه كم قبلش من ضحايا = صح يسحر في كلامه وانتي يالخبله حلمتي
هو يقول الحب يكمل لاتبادلنا العطايا= وانتي جيتي يالكريمه اشهد انش ماربحتي
البدايا ليه اشوفش بالنقاب وبالعبايا =والنهايا كيف ترجع لو بكيتي ولو لطمتي
فوق عرضش ياكريمه كم خسرتي من الهدايا= نعنبوا وجهش وزينش تحسبين انش كبرتي
السذاجه هي طبعش روحي شوفي فالمرايا = جسم كامل بالانوثه بس لسه مانضجتي
انكسر هالكاس بيدش روحي لمي هالبقايا = وعلميها بنت حوا اشكثر انتي خسرتي
ياحسافه ياكريمه ليه طحتي بالخطايا =ياحسافه ياكريمه انتي لنفسش ظلمتي
بكتب القصه قصيده وانتي همي بالقرايا= واعرفي ان موتش ابرك لقريتيها ودمعتي

[مهرة الصمان]

السلام عليكم ورحمة الله وبركاته

حمد المخيال صح لساااااااااااااااااااااااااااانك مليوووووووووووووون ولايكفوووووووون


قصيدة وموعظه اتمنى الكل يقراها من بنات جنسي لان للاسف الشديد في هذا الزمن كثرت المشاكل على حساب الحب ناس ماتعرف قيمة الحب والشرف

واللوم على البنت هي السبب

لازم البنت تحط بين عيونها شييئين

الاول الخوف من الله لانها يراها وستر عليها بالمرة الاولى

ثانيآ الخوف على سمعة اهلها
واذا اعملت بهذا بأذن الله تعيش سعيده
والحب الحقيقي لازم تحسب له الف حساب وفيه امور تقف عندها


مااقول الا الله يعين اختنا والله ان قلبي يتألم لها ولكن لافات الفوت ماينفع الصوت

وعندي نصيحه لها ان تتوب الى الله وترجع لله لانه رحيم بعباده ويقبل توبة المسلم


واتمنى من الشخص ان تكون عنده الشجاعه والمروة وان يتقدم لها ويسترها

لان من ستر عورة مسلم ستر الله عورته يوم القيامه


اشكرك اخي حمد واسفه على الأطاله ولكن الموضوع احزنني كثير


لك تحياااااتي

[حمد المخيال]

اختي المهره الغاليه

يسعدني انش اول المتصفحين والناصحين


ولو اني ادري ان هالقصه بتحزنش في ذمتي ماكتبتها

الله يعين البنات لاقروها يمكن يبكون وانا ابتلش بتوزيع الكلينكس


صح بدنش مليااااااااااااااار وليته يكفي

تشرفت بردش الكريم

تحياتي لش واحترامي

[صقر العجمان]

صح لسانك ياحمد

الحل هو انها تحاول قدر المستطاع انها تحج لان اللي يحج يعود كيوم ولدته امه

وهي ماعليها من الناس عليها من ربي وبس... لان الناس مابيدخلونها الجنة او يدخلونها النار

كل شي بيد الغفور الرحيم

وهي ماظلمت نفسها ظلمت ربها اللي خلقها وكرمها وصورها احسن صورة ..فالواجب عليها

انها تتوب وتستغفر وتفتح صفحة جديدة في حياتها . وتحب ابوها وامها وبلاشي من الحب اللي يقول(((((((((((((الحب في عهدنا تمثيل....الكل يضحك على الثاني))))))))))
الحب الحقيقي هو الزواج حبي على كيفش ماحد بيقولها مايجوز بالعكس لها اجر عظيم .

اخوي حمد انسان مثل هذي اللي تحدثت عنها ..شخص يحتاج الى من ياخذ بيده وينقذه من الغرق

ويرفع معنوياته ويقوي الصلة بينه وبين ربه .....

مشكور ياحمد

[صديق الملك]

الأخ الفاضل

حمد المخيال

القصة أكيد أنها واقعيّة طالما أنت راويها ... من هذا المنطلق أبدأ حديثي لو سمحت لي ...

أولاً .. لا حول ولا قوّة إلاّ بالله ... وحسبنا الله ونعم الوكيل ...

ثانياً .. أنتي يامن وقعتي ضحيّة لضعفكِ وجهلكِ وغفلة ضميركِ .. لا تبكي .. فلن ينفع البكاء حتى لو سيّلتي نهر من الدموع .. إنما توجهّي إلى الله وتوبي وأستغفري ربكِ لعله يغفر لكِ ...

ثالثاً .. أتوجه بالحديث لك يا من قمت بهذه الجريمة النكراء بحق الله ثم بحق نفسك ثم بحق من غرّرت بها وأوقعتها في حبال شراكك ... أخاطب فيك رجولتك .. أخاطب فيك إنسانيّتك .. أخاطب فيك كل عرق حي .. أخاطبك بإسم كل أم وبإسم كل أب وبإسم كل فتاة تنتظر المستقبل المشرق العفيف أخاطبك بإسم الإسلام والإيمان ... أخاطبك بإسم الشهامة والحميّة والغيرة ... إتّق الله وأصلح ما أفسدت وتُب إلى الله وأستغفر ربك لعله يغفر لك ويسترك في الدنيا والآخرة ... أنقذ هذه الفتاة مما وضعتها فيه من ألم وضياع وموت محقق ... عد إلى هذه الفتاة وتزوّجها فإن لك إنشاء الله أجرين .. أجر توبتك وأجر ستر هذه الفتاة المسلمة ...

إن لم تعد فتقبل منّي هذا الدعاء الذي أسأل الله أن يقبله عاجلاً غير آجل ...

اللهم يا قوي يا عزيز يا جبّار يا متكبّر أستجب لدعائي بحق هذا المجرم القاتل ...

اللهم أحرق بدنه ... اللهم أحرق قلبه ... اللهم أنصر هذه الفتاة عليه يارب يا عظيم ...

اللهم أفضحه أمام الملأ ... اللهم أكشف سترة ... اللهم حرّم على عينه المنام .. وأحرمه يا الله لذة الطعام والراحة ... اللهم سلّط عليه الأمراض اللهم إملأ قلبه همّاّ وحزناّ وشتت فكره ... وضيّق عليه عيشته يا الله يا قوي يا عزيز ...

اللهم هذا الدعاء ومنك الإستجابة ...

والحمد لله رب العالمين .

[صاحب السموء]

صح لسانك وعلا شانك




ما قصرت

[فلاح بن ملبز]

حمد المخيال

صح لسانك

ولاهنت

[محمد بن منيعة]

اخي حمد صح لسااااااااااااااانك وبيض الله وجهك


قصيدة معبرة وموعظة أدبية


الحل هو الرجوع إلى الله والتوبة وعدم التفكير في الماضي .

[حمد المخيال]

صقر العجمان

شاكر المرور الطيب

ونصيحتك بتوصل يالغالي

وادري اني قاسي بعض الشي
ولاكن القصيد طلعت بعفويه

تقبل التحيه

[حمد المخيال]

صديق الكل


تشرفت بمرورك

نصيحه طيبه وجزاك الله كل خير
وعساها في ميزان حسناتك


تقبل تحياتي وتقديري