في الناس

[الخطر]

ولا به مشاكل مالها يا الأمير احلول=في ظل الملوك اللي لهم سلطة الدوله
ودروب المعزّه في فضاء الكون عرض وطول=بسجّ القدم للعز في عرضه وطوله
وأناأشره علي الصاحي ولا أشره علي المهبول=وكل(ن) تقيّمه المخاليق من قوله
ومن يحشم العاني ومن يحشم المرسول=تحشم العرب جاره وضيفه ومرسوله
وفي الناس مسكين(ن)يعدّي السري والدول=وفي الناس مهبول(ن)تخالف به انعوله
وفي الناس من فعله يجي عكس نطق القول=وفي الناس من قوله يكذّب لك افعوله
وفي الناس عيّاب وعيونه لعيبه حول=وفي الناس من لا زهّم وقّف علي طوله
وفي الناس متحفّظ وبين العرب مجهول=وفي الناس من هرجه تحبّه ومن زوله
وفي الناس من وصله للأدنين دور الحول= وفي الناس من وصله لربعه ومن حوله
وفي الناس مثل الصيرمي لأعّتلي للجول=وفي الناس مثل البوم يا قل محصوله
وفي الناس من سرّك بصدره دهر محمول=وفي الناس يوم وليل و يضيق به جوله
وفي الناس فوق الحمل ينقل عليه احمول=وفي الناس من وزّع علي العالم احموله
وفي الناس من جوده وطيبه يهولك هول=وفي الناس من كفّه عن أدناه مشلوله
وفي الناس من يغضي و يقفي لا شاف الزول=وفي الناس من نفسه عن الناس معزوله
وفي الناس من هرجه مابين العرب معقول=وفي الناس من هرجته ماهيب معقوله
وفي الناس مثل الروض الأخضر مفيض اسيول=وفي الناس مثل الصبخ مستنقع اسيوله
وفي الناس معروفه مع أهل الرداء ماكول=وفي الناس من يحفظ شرابه وماكوله
وفي الناس من سبّل لضيفه من المدخول=وفي الناس من يبخل ولؤ كثر مدخوله
وفي الناس من يفطر بهرفي علي الصامول=وفي الناس ما ياجد ثمن خبز صاموله
وفي الناس من لا قال صادق بها ويطول=وفي الناس من لا قال ماله بها طوله
وتراك أنت بعد الله في حكم البلد مسئول=ونفسك بعد بكره عن الحق مسئوله
وصلي الله وسلم علي الصادق المرسول=عدد من دخل الاسلام لله وصلووله

[هداج تيما]

أناأشره علي الصاحي ولا أشره علي المهبول

[(المعيضي)]

السلام عليكم ورحمة الله وبركاته
لاهنت على هذه القصيدة الرائعه

[مـحمـد]

صح الله لسانك قصيده رائعه
وبانتظار ماهو افضل
ولاهنت .