الله مـن عيـن طرقهـا صواديـف

[بعيدات مراميسه]

أنقل لكم هذه القصيده الجزله اتمني


ان تنال على اعجابكم




الله مـن عيـن طرقهـا صواديـف
عميت ويبسن بالعـروق الصخافـي

شفت الوزا بالعين من عرض ماشيف
شفته وغيري من فطن لـه وشافـي

وقت تغير فيـه حتـى العواصيـف
جا في عواصيف الريـاح أختلافـي

شـره قناطيـر وخيـره مقاطـيـف
يفطن له اللي يرضـع الديـد غافـي

كم واحد جاله زمانـه علـى الكيـف
واغترته نفسـه يبـا الجـود وافـي

يطلـع مطاليـع العـلا بالسواليـف
بين العـذارى عـد روحـه سنافـي

يفرح بهرج بالقفى يكـره الضيـف
قتـات والقتـات بالـنـار هـافـي

يعلق قصيره علقـة النـار بالليـف
عـي ولـد عـي زنـوده ضعافـي

ان رخصت الحذوه توفي عن الحيف
وان غليت الحذوه مشى اللاش حافي

يرقـد ويلحـق والدينـه تخالـيـف
دايـم ومرقـد ميـت النـار دافـي

هو مادرى ان الجود يبغـى تكاليـف
سهـر الليالـي مقبـلات مقـافـي

يبغـى يديـن للعطـايـا مغـاريـف
ويبغـى رجـول ماتمـل الوقـافـي

والصبر بنحور السنيـن الشواحيـف
اللـي قساهـا مثـل حـد الرهافـي

مايقدرون الجـود سـود الأطاريـف
مشاركـة بيـض النسـا باللحافـي

يقدر عليه اللي حكم نجـد بالسيـف
واودع مباغيـض القبايـل ولافــي

عبد العزيز اللي يبـث المصاريـف
يجـدع قناطيـر الذهـب بالفيـافـي

يمشي على دربه جمـوع مراديـف
نـو تحـدر مـاه والجـو صـافـي

يشدي لواقيط الزبيـدي بعـد ريـف
ومما كسى البيـدا تفيـد الضعافـي




بندر بن سرور

[عـزام]

بعيداتٍ مرامسيه

اختيار موفق

وتسلم يمناك لا عدمناك

[بعيدات مراميسه]

كل هذا من ذوقك يالغالي





اشكرك على مرورك على صفحتي المتواضعه




يزيدني شرف حضورك ومتابعتك وردودك على مواضيعي




والله يديمك ويسلمك





دمت بود




تحياتي لك

[sohab]

السلام عليكم

صح لسانك

والله يرحم بندر سرور

اختيار مميز تشكر عليه اخى العزيز

[بعيدات مراميسه]

اخووووي / sohab


وعليكم السلام ورحمه الله وبركاته



صح الله بدنك ولاهنت



الله يرحم اموات المسلمين




التميز ذوقك العذب مشكور اخوي على المرور الذي



انار لي الموضوع وعطر الصفحه




لاتحرمنا من مرورك العذب



تحياتي لك

[فزاع]

اشكر على هذا الاختيار لقصيده رائعه كيف لا وهي لعمود الشعر بندر بن سرور ..لاهنت يالطيب تحياتي لك

[سراب الصيف]

مشكور وتسلم يمينك على كتابه القصيده الرائعه