وين العجميات @؟@؟@؟@؟@؟

[عجمي غيور]

ياكبدي الصبر الغنيمه وانا خيش = يبدابها محمد وانا خاطري جاش
شيّش على راسي وانا في حراويش = تاخذني الغيره وفكري تعداش
غيرة رجالــ(ن) مالها بالوشاويش = عجمي غيور وغيرته ساقها كاش
الراس يطبخ لاسمع بالحناديش = تكلموا في يام وإلا بــ ِ معناش
ماني بمغرم والهدف منه أخاويش = ولا بمعشوقــ (ن) ولاني بمولاش
لكن حذاري من بقايا الخفافيش = اللي مقاصدهم على الدوم ميناش
بنت الأصول اللي تكب الدراويش = وتصون معدنها عسى الشين يفداش
وعلى علوم الزين ماني بوصيش = زيدي صلاتش وأكثري دومـ (ن) إدعاش
أنتي سلالة يام حضرت معاليش = راس الفخر والعز والطيب يزهاش
على مرزوق إعجيم ترجع تواليش = المجد تحتش والفخر درب ممشاش

والله من وراء القصد
وسلامتكم

[مهرة الصمان]

عجمي غيور صح لسانك على هذه الغيرة والنصيحة في وقت قليل تلقى الصادق فية والمنصح

لاهنت وبيض الله وجهك

تقبل تحيااااتي

[عجمي غيور]

صح بدنش يامهرة الصمان ومشكوورة على الرد الطيب يالسنافيه

[قبلةالعجمان]

بنت الأصـول اللـي تكـب الدراويـش=وتصون معدنها عسـى الشيـن يفـداش
وعلى علـوم الزيـن مانـي بوصيـش=زيدي صلاتش وأكثري دومـ(ن) إدعاش
أنتي سلالـة يـام حضـرت معاليـش=راس الفخر والعـز والطيـب يزهـاش

هالله هالله

صح الله لساااانك وسلم بنانك ..
ولاهنت على الجزله

[قبلةالعجمان]

بنت الأصـول اللـي تكـب الدراويـش=وتصون معدنها عسـى الشيـن يفـداش
وعلى علـوم الزيـن مانـي بوصيـش=زيدي صلاتش وأكثري دومـ(ن) إدعاش
أنتي سلالـة يـام حضـرت معاليـش=راس الفخر والعـز والطيـب يزهـاش

هالله هالله

صح الله لساااانك وسلم بنانك ..
ولاهنت على الجزله

[سالم ال زمانان]

الاخ عجمي غيور القصيدة للشاعر الكبير محمد بن الذيب وانت محرفها ومنها يقول:

ياكبدي الصبر الغنيمة وانا اخيش = اقولها لكبدي وكبدي معيه
لو انها بالطيش يمديني اطيش = لكن حي وشيمة الناس حيه
وان حفيد الطيب وام العكاريش = ماهي بولدة لاش ولا صلبية
والزمزمية ماتقهوي المشاويش = يقطعك يا رزق ورا الزمزمية

لذلك ارجوا حفظ الحقوق وشكرا......

[الـــصـــعــــب]

عجمي غيور



لاتزعل من الصراحه



انا اول ماقريت الشطر الأول قرصني قلبي لان المعروف انها للشاعر الكبير محمد بن الذيب



لكن صح لسانك واتمنى مانشوف بالمنتدى اشياء مثل هذي

[مـحمـد]

السلام عليكم ورحمة الله وبركاته

شاعرنا الغيور صح الله لسانك ولاهنت على هذه الحكم وهذه النصائح الجميله
وانشاءلله الجميع ياخذ بهذه النصائح
الله يعطيك العافيه
وبخصوص ان الشطر الاول لمحمد ابن الذيب الاخ الشاعر قال في الشطر الثاني انها لمحمد بن الذيب وانه يمشى على دربه الاخ مانكر الشى هذا يا اخوان .

[sohab]

السلام عليكم

غيـرة رجـال(ن) مالهـا بالوشاويـش = عجمي غيـور وغيرتـه ساقهـا كـاش

الاخ العزيز

عجمى غيور



جزاك الله كل خير على غيرتك وشهامتك ونصائحك القيمه

قصيده ولا اروع ان من حيث المعنى او الفنيات


والاخ .. محمد بن فهاد .. مشكورا وضح للجميع ماخفى على البعض ... وانصفك


لك كل الشكر

واطيب تحيه

[بن عجمـــــــــــــى]

لا هنت الاخ عجمـــــــــــــــــى غيور
وصح الله لسسسسسسسسسسانك والشاعر بن الذيــــــــــــب
كل الشـــــــــكر لك على الاختيار والنقل الرائع
للقصيدة الاروع
وللاخ ابوفهاد على التوضيح للاخوة
ويعطيكم الف عافيـــــــــــــــــــــــة