يوم عدا الرقيبه رأس مشــذوبه قال زلوا وجتك الخيل زرفالــــــي
شفت أنا شوف ريبه لابليتوبه شوف ريبه ومنه القلب يـــــهتالي
لحقت الخيل بالتومان مركو بــه ومشتهين الطمع مرخين الأحبالي
وحولوا لابتي في كل مسلوبه واقفت الخيل معها الدم شـــلالي
كم وكم سابق بالصمد مصيوبه راح رجلي وعوضنا عنها الأحبالي
يحسب انا نعود عند مندوبــــــه يوم يرسل علينا خيله ارسا
هجننا ما ركبها كل زاروبــــــــــه كود منهو عريب الجد والخالي
لركايب عيال مطير عيوا بــــه واحتموا جيشهم ماضين الأفعالي
الظفر ساعة وان حل ماجوبه والمراجل لها حزات وارجالي
مل عين بكت ماهي بمصيوبــــــه في نهار رخص ما كان به غالي
كل ما قلت عنا هودوا نوبـــــــــــه الحقوا دقلة تسعين خيالـــــــــــي
ويم لحق الأمير ولحقت الشوبه لا قرايا ولا مزبن ولا جالي
يا عمار بسوق الموت مجلوبه ما هقينا على الدنيا لنا تالي
من شريق الضحى ياغافر التوب لين غابت وحنا هوش واقتالي
والله اللي يقدي العبد بدروبه اليانفع عبد في بعض الأحوالي
تحياتي
05-05-2004, 10:45 AM
العرض العادي
