السلام عليكم ورحمة الله وبركاته
اعزائي الكرام 0 مساكم الله بالخير وعيدكم مبارك
هذي قصيده كتبتها قبل ست سنوات تقريبن 0 وكنت في ذاك الوقت على بدايات شعري
والقصيده تقول:
ترف المها ياحزام وش فيه جافي = ظنـّك غلا ولاّ نوالي بنيّه
تكفى ترى تكفى عذاب السنافي = لامن سمعها مايخيّب خويّه
وانت الذي ياحزام لسعود وافي = ياخوك شوف الحل وآنه القضيّه
ياخوك جرح الحب ماله مشافي = واللي انجرح بالحب حاله شقيّه
والطب ماله بالمحبّ اعترافي = وماله وسيله بالجروح الخفيّه
أدواي ابو شعر ٍ على الكتف ظافي = والعين لامن سلهمت راعبيّه
والمبسم احمر والثنايا ارهافي= ومن خصرها والزول شفت المنيّه
ماظن انا من عقبها في عوافي = وماظن جرحي ينبري في شويّه
ياكيف يبرا الجرح والهم لافي = والهم هو زود الجروح الطريّه
والقلب نوره بين الاظلاع طافي = والعين سهرانه تحرّا مجيّه
والخاطر المكسور كسره مظافي = والقلب بالنسيان مافيه نيّه
لاقلت بصبر صار فيني اخلافي = وان قلت بنسا ضعت 0 بالمهمهيّه
ياحزام قلّه عجل الوقت طافي = والصوت عقب الفوت اكبر خطيّه
رحله وقلّه بالوزا بس كافي = وقلّه حرام اللي يسويه فيّه
وقلّه على موته بدا بانحرافي = ودّي قبل فرقاي وايده بديّه
وسلامتكم
الشاعر // سعود رتيبان الجويّر
06-11-2005, 10:53 PM
العرض العادي
