السلام عليكم ...
بيض الله وجيه ال طعزه وعلمهم غانم وبيض الله وجيه ال رزق كلهم
والحمدلله على تنازلهم عن ابن العاوي ورايتهم بيضاء يوم تنازلوا عن ربعم وبني عمهم
أخواني الكرام اتمنى من الجميع تحري الدقه في مثل هذه المواضيع
التنازل تم لوجه الله تعالى دون اي مطالبه أو شرط او قيد
ارجوا من الجميع تحري الدقه من الجميع لأن مثل هذه المواضيع مايصير
ان يتكلم فيها إلا اللي عنده المام بالموضوع كامل
ويعلم الله مانيب من ال رزق لاكنني رفيق وجار لهم وحاضر على التنازل في مليجه
وسامع الكلام بأذني يوم حضروا ال الدامر هم وال عجيمه وال جويعد واللي معهم
ويوم حضروا ال جمعه وال مفرح وإبن صديا واللي معهم عند اهل المقتول في مليجه
بحضور راكان بن خالد بن حثلين واللي معه
وأصلاً محمد بن مانع ماحضر مع اللي حضروا عند اهل المقتول في مليجه ولاسمعت طاريه عندهم
ولاقالوا حنا متنازلين علشان ابن حثلين ولا علشان ابن جمعه قالوا حنا متنازلين لوجه الله تعالى
وكلامي محسوب علي .. هذا توضيح بسيط حبيت انكم تعرفونه لأنني حاضر على كل الكلام
اللي دار في مجلسهم والله على مااقول شهيد
وفي الختام نقول الله يجزا محمد بن سالم الرزقي واخوانه كل خير ماسمعنا في مجلسهم
الا الكلام الطيب ... وعلمهم غانم وجيه مذكر والعلم الغانم مايضيع عند الرجال اللي فيهم خير
وال عاوي يستاهلون كل خير وأكيد ان اللي حصل مصيبه عليهم مثل ماهي على اهل القتيل
والحمدلله اللي اصلح الشآن والله يصلح شآن كل من عنده مصيبتن مثل ذا المصيبه
والله يجعلها في موازين حسناتهم يوم تنازلوا عن ربعهم وعوانيهم
والله يفزع لولد عمهم الي في السجن ويعتقون رقبته الدواسر ان شاء الله انه سميع مجيب
وسلامتكم .............
10-08-2012, 06:14 AM
العرض العادي
