. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,




صوتك يساعد على الفحشاء والمنكر
والبرد ماقصّر .. وحنّا ( عزوبيه )

عزي لنا من نسيم البرد لوّ ننكر ؟
نقول عاااادي .. وهي ماهيب عاديّه :/



,

[[ عسّاف خيل ]]

,




إلى كل من يشكك في ولاء القبايل في الكويت
مع التحيّه ..






لا تشك إبحبنا لك ياوطنّا
والله إنك قطعةٍ منّا وفينا

استباحك من يحسب انه غبّنا ؟
مادرى إنّا عن كلامه مادرينا

دونك / إنحذف الغتر ونقول حنّا :
قومٍ .. والاقوام ماتقدر علينا

لا بطشنا , رمحنا يسبق طعنّا
وإن طعنّا ؟ جعل ماتعطب يدينا !

سربةٍ يطني بها الرمح المطنّا
ساعةٍ يرقص بها ابليس اللعينا

علّمو ( الجاهل ) كان انه جهلنا
لا يطاولنا .. وحنا مادرينا

لا يحسب ان الزمن ماهو زمنّا
ولا يحسبنّا .. نسينا ماكلينا !

عاد ( صمخ الروس ) تغلي من زعلنا
والزعل .. بيّن علينا من حدينا

كان طاع الشور لا ياكل صحنّا
ثم يدري بالصحن لامن صحينا

نردع العيّال بالسيف المحنّا
ضربةٍ يبطي صداها ف الجبينا

قد غزينا قبل لا يغزي مهنّا
في نهارٍ ( لا نبيه ولا يبينا )

لا يطاول بدونا .. منا ومنّا
وانتوثم في قصاص ابن اللذينا

مادرى ان البدو , روسٍ ماتهنّا
لين تاخذ ثارها امن العايلينا

دون والي الامر والدار انتعنا
ونقصر العنوه عليه ولا يجينا !





,

[[ عسّاف خيل ]]

,






تعال .. كافي تغلّي .. طالت المدّه ؟
.................... متى تحثّ الركاب . وتتبع الحادي ؟


الشوق .. جمرة لظى تقبّس من الصدّه
.................... ما تنطفي .. لوّ تغمس في وسط وادي


يا ( قاطع الوصل ) .. كفّ الوصل .. قمّ مدّه ؟
.................... صدّك ( عن المنتدى ) .. شئٍ ماهوب عادي


جسر الظروف الهلامي .. فاللقا هِدّه
.................... وإقبل على اللي نشف ريقه .. وهو ينادي !


المنتدى .. ينتظر طلّتك .. من مدّه ؟
.................... وحضرتك ... في هجرك الممّتد .. متمادي .!!

[[ عسّاف خيل ]]

,




احب السكينه لا بدا للنهار اطراف
وأحبّ السوالف , كانها جات مرفوعه

واحبّك بكل أحوالك , ليا جيت ماتنعاف
لي عيون عميا فيك , وإذنين مقطوعه !



صباحكم برد

[[ عسّاف خيل ]]

,




روحي لـ نفس الطريق اللي تعرفينه
علاقتك ؟ عارف أولّها .. من آخرها

فلان ويلي عليه ؟ وفلان يازينه
سوالف البنت ! لا ( ماتت مشاعرها )






نستاذنكم ..
إلى الدوام :/

[[ عسّاف خيل ]]

,




زانت ودانت ( باسقات العناقيد )
وشانت وهانت هامة ( أهل الرخامه )

ودام ( النشاما ) كل يومٍ لهم عيد ؟
فتّح ياورد .. وغرّدي يا حمامه !



(؛

[[ عسّاف خيل ]]

,





ما الله عطاني ما عطى بعض الاشخاص
إللي محبّتهم .. ( محبّه شوارع )


إموّزعه الاشواق فالعام .. وفالخاص ؟
هذا ( بطل قومي ) وهذا ( مصارع )

[[ عسّاف خيل ]]

,





لوّ إني بطاوع كل كلمه من الجهّال ؟
نزل مستواي لـ واحدٍ ماهو بـ كفويّ

تسامي وقاري .. مايعبّر حكي الاطفال
لان الطفل لا زال في نظرتي ( عفوي )

[[ عسّاف خيل ]]

,




يا ساهر الليل .. واعذارك هي اعذارك
من قبحها ؟ يختفي وجه السما النيّر

لا تاخذ اخبارنا .. ولا ناخذ اخبارك ؟
تعال .. ووقّف هنا وقول : اشفيك متغيّر !!




bO7

[[ عسّاف خيل ]]

,



والله لوّ صوّروا صوره ورى صوره
لا رخصّوني ابا اروّح على كيفي !

ابتبع الذود .. في مملكه اخو نوره ؟
وإخوان مريّم .. مسنّعه مصاريفي .!



,