ســــــويــرات ..

[عـ الخـوي ـز]

تِصَدِّق وإلا ما تِصَدِّق .. أنا عَاجِز عَن التفكير
تعَال وشُوف في عينِك غِيابك وش عَمَل فيني

حبيبي ما بُقى عِندي صَبر .. يتحَمَّـل التأخير
رَحَلت .. وعِقبك الدنيا غلاها طاح مِن عيني
أجَاوب اللِّي يسألني عَن أخبَاري وأقول بخير
وأنا لا خِير بغيابك .. ولا حَاجَه .. تهنيني !!

على طاريك كِل لحظه .. ولا أحتاج للتذكير
حَريص القلب ما ينسَى عيونِك , لا توصيني

مَحَد يِقدَر يعَوِّضنِي لأنِّك .. في عيُوني غير
ومَهمَا شِفت أنا الفرحَه .. بدونِك ما تسليني


وكيف الحَال وشلوني .. جَوابٍ ما يَبي تفسير
بدونِك إنت , ما تِضحَك حَياتي وترمِش سنيني

مِثل شَاعِر عِجَز يوصَف شعُوره وخانه التعبير
أنا ضايع .. ولا أدري مِن فراقِك .. أنا ويني

مِثل طيرٍ كِسَر بُعدِك جَناحَه وما قِدَرت آطير
أحَاول أبتِسِم وأنسَى ولكن وش ينسيني..؟!

أشُوفِك في صباحي إنت مَعنَى يا صباح الخير
وأشُوفِك في مَسَائي حِلم وردي .. لا تصحيني

تِصَدِّق .. السَهَر يَرسِم عيُوني ويتقِن التصوير
ويشِق النُور في صفحة حياتي .. وما ألاقيني

أنام شلون ومشكلتي عِجَزت ألقى لَهَا تدبير
طِلَبت النُوم .. لحظاته وعيَّى النُوم يعطيني

تِغيَّر وجهَي .. مِن أوَّل غيابك وإبتِدَى التأثير
حبيبي .. مِنْ التَّعَب كافي خذيت اللِّي يكفيني

يا أغلى مِن رَحَل عنِّي يا كِل الحُب والتقدير
تعَال: إن كان لِي عِندِك مَعَزَّه وكان تغليني

تعَال: إن كِنت تعشقني وإذا فِعلاً تبي لي خير
تعَال: ومِد لِي .. كَف الوَصِل .. وآمِد .. كَفيني

إذا كان الجِفا واجِب بدى مِن قلبي التقصير
أبيك الحِين تِرجَع لِي .. ولا تِرجَع تخليني

أنا ما أقول اللِّي صَار فِيني ما هقيته يصير
لأنِّي كِنت .. ( مِتأكِد ) .. بأنَّ البُعد ينهيني

[عـ الخـوي ـز]

..

البـعد لو به خيـر مـاكـان خـلاك
تقطع من عيون المحب اتصالك
..
ما اكثرك بالصده وبالوصل ما اشواك
الكــبر لله .. لايغــرك جمــالــك
..
خليــتنـي للبعد والبعد قساك
خلاك تنسى واحد ٍ قد صفالك
..
منت بردي حسبي على الوقت رداك
غيّر صفاك .. وطيبتك .. واعتدالك

[عـ الخـوي ـز]

..

حاربتني لين امتلى صدري سهوم
وانا اتامل فيك .. وشلون احاربك

..

[عـ الخـوي ـز]

..

أمــر بيتــك وأشوفــكـ وأنت ماتــدري
لاتحســب أنـي عقـب صـدك تناسيتـــكـ

..

[عـ الخـوي ـز]

..

ليه قالتلي (أحبـك)؟ ليـه فيهـا حببتنـي؟


..

[عـ الخـوي ـز]

يآهي صعبــۂ ، ضيقــۂإلڜخص ،إلگٺوٍم

[عـ الخـوي ـز]

..


بري حالي .. لانكف الشوق وانزاح والوصـال
و ( اعتزل ) قلبي من الناس .. واغرته الظنون


..

[عـ الخـوي ـز]

..

تدري اني ما كرهتـك لـ هالحيــن !

وأستغـرب أني مـاقطـعت الرجـا فيـك !

قد شفت لك قلـب .. مثل هالمسيكين

خليته لحالي وعيـا يخليــك !

..

[عـ الخـوي ـز]

..

لاعاد تركض ورى ذكراك ..وتنـادي

قم غن للدمع(أنا محتاجــك الليلـه)

مابيك تستغرب..إن صار الحزن هادي

البعـد واحد ولـو تكثـر تفاصيلـه

ياصاحبي لوضحكت من الحزن..عادي

ماعاد باقي حزن يستاهل ابكي لـه


..

[عـ الخـوي ـز]

..


مـليت جزر الوقت .. مـليت مـده !!
مـليت حتى ثـــوووبي اللي أنـــــا فيه !!


..