سامرت براق شعاني ضيه ـــــــــــــ خارج نطاق الصورة الرجعية
يجذب سنا نوضة خيال الضامي ـــــــــــــ الي يعس فجوج الايحائية
فإن كانه امطر علم ياعبدالله ــــــــــــ وإلا اعتبرها مزنة صيفية
احاول اطويل تجارب عمري ـــــــــــ وأفللك من مهجتي مطوية
عطني من عيونك فديت عيونك ــــــــــــ مسامعك ماهي عطا (عاريه)
لوتعلم ان لي ضحكة ممزوجةــــــــــ مغيب شمس وصبح عيد ضحية
كان امتطيت الجرح ياخياطة ـــــــــ حتى تشوف ابعاده النفسية
استر عن عيون الشماته جرحي ـــــــــ واقول ويشهي طعنة الجنبية
اكابر بصمتي وافل حجاجي ـــــــــ والناس ماتدري ويش اللي فية
تسمو صروف الراحةالمنشودة ـــــــــ اللي بلبنات التعب مبنية
مغانم الدنيا بحر من دونه ــــــــــ اتذود تياراته المائيه
والادمي حظه على الماشوعي ــــــــــ اما طبع ولا سلم راعية
مايدرك الغاية سوا متثبت ــــــــــ كم روحة ماجات بعدها جية
تبسم وناد الحياة اتجيلك ــــــــــ واعقد لصلفات الطرايق نية
وليا طعنت من الخلاف ادرانك ــــــــــ قدم العرب والطعنةالمارية
لا تعرض الذمة على السوامة ــــــــــ خلوك في رمضا وهم في فية
المال لويشري ضمير ابن آدم ــــــــــ مايشري قلوب البشر مولية
انطقتلك من صمت فكري لوحةــــــــــ إلك التأمل والتألم ليه
فإن غيبت شمسي صروف الدنيا ـــــــــــ انت الرجا كله وشمسك حية
نـــــــــــــــاصــــــــــر الثـــــــــــــويــــــــــــــــــني
14-07-2010, 03:54 AM
شاعر الحكمة والإبداع (تاصر الثويني)
العرض العادي
