. . . . والله إن تبـــطي الــذكــرى ، و الشـــوق مــآ بــرى !!

[شمعة الجلاااس]

يا كبر حظه .. }

بديت بسم أللي تعالى جلاله ؛؛؛ حسيب خلقه يوم كشف المحاصيل


وشلون زينه أبدع بهذه السلاله ؛؛؛ من غير نقص ن بالأجاويد أو ميل


ياكبر حظ أللي جالس في قباله ؛؛؛ أنا أشهد ان دنياه غنت مواويل


وشلون عمه ماينبه اعياله ؛؛؛ لا أبطى على الصوت والا المراسيل


سبحان ربي يوم أبدع جماله ؛؛؛ أصبح مثل يضربه الزين لا قيل


عنقه وخده ويارسمت هلاله ؛؛؛ وخشمن يتحدى للسيوف المصاقيل


وعيونه تبي وصفن كبيرن لحاله ؛؛؛ تضيع في وصف العيون التهاويل


ومبسمه حلون وتزايد شعاله ؛؛؛ وان شافه المعسول شب القناديل


وان قلت زينه جايبه من خواله ؛؛؛ ماشفت فيهم مثل زينه ولا جيل


كل العذاري كلهن من فداله ؛؛؛ قربه نعيم وقرب غير بهاذيل


وعسى أسمه دايم الدوم فاله ؛؛؛ وعسى عينه ماتشوف الغرابيل

>> ..الشاعر عبدالمحسن محمد المشاري

[شمعة الجلاااس]

<< .. والله اني قمت انعوس فيني نووووم فديتكم ...

تصبحون على خير ... وأحلام سعيده << طسي اخمدي انتي وذي السعيده

[شمعة الجلاااس]

اسمعوا يا عيال آدام ..

تدري وش اللي يتعب البنت ياخوي...؟!
رجــلٍ ..يخـــون اشواقـهـا و الـمــودة



●•۰•...ـــ...•۰•●

إللي إلا أحتــــــــــــــاج الغـلا صـار.. نمـرود.!!
ولـيـــا شبـع ممـا عــــــــــــــطـاه إسـتـرده

●•۰•...ـــ...•۰•●


البـــــــنت. ريحانة غـلا ؛؛؛ نـــــاعمـة عــــــــود
تبــي لهـا رجـــــــــــــلٍ ورث طيــب جـــده



●•۰•...ـــ...•۰•●


رجـــلٍ ..فعولـة كلهـا جـود فـي جـود
مـا يلتفـت للـي كفوفـه تمـده ...!!


●•۰•...ـــ...•۰•●


رجـــلٍ.. إلى جـتـه الليـالـي بمنـقـود
يتكــي لهـا ..مــا بيـح الوقـت سـده


●•۰•...ـــ...•۰•●


مهوب بخيلٍ ما رعـى للهوى عهود
وادنـاة..مـا عـارض طريقـه يـــرده


●•۰•...ـــ...•۰•●


ولاهوب لاعلـة ... ولاهـوب ملهـود
ولا شكــوك ... و كــلٍ طــارئٍ يـحـده


●•۰•...ـــ...•۰•●


ما اشين من الرجـال,, لا جـاك.. ببـروووووووود
وإن قـال له تـرف القـدم شــي صـده


●•۰•...ـــ...•۰•●


تبـي لهـا بـراق طيـبٍ لـه رعــــود
إن اجدبـت يمطـر علـى ريـف خـده


●•۰•...ـــ...•۰•●


وإن نادته تكفـى لقـت عنـده ...الفـود
يشيــل عـــــــــــزتـهــا علــى قـــو زنـــده


●•۰•...ـــ...•۰•●


كــــــــفه نفــــــــل ،،، وانفـــــاس صدره لهـا عـود
وظلالــه الضــافـي بيــدهــا ..تـمــــــده


●•۰•...ـــ...•۰•●


البـــنت خد ... وقـــد ... ونواظـــــــرٍ سـود
وريحـــــــــة غلاً ... ياسعــــد مـن شـم نـده


●•۰•...ـــ...•۰•●


البنـت.. إلا ضحكـت ثمرهــــا لـك ورود
يا خـــــــــوي.., مــن يقطــف نواويــر وردة .!


●•۰•...ـــ...•۰•●


واللي يهين البنت ..ناقـص ،،، ومقـرود
فــــرس غـلا ،،،، ماهــي حمـارة مكــــــدة

[شمعة الجلاااس]

~~{ابـــــــــــوي اعـــــــــز نـــــــاسي ... /للشاعر بدر الضبعان

المدح لامني بغيـت أمـدح انسـان
أجيـب مـن شـرد قصيـدي فـرايـد


وأرضيه من جزل القوافي والألحان
لو كان بعض النـاس مرضيـه كايـد



لاصـار لـه قـدر ومـعـزه وسلـطـان
بقلوبـنـا مــن بـيـن كــل الـبـدايـد


[أبـوي] وأن مريـت بأسمـه ولاهـان
تعجـز حروفـي تنصـفـه بالقصـايـد



لأنـه عظيـم ولايبـي فـيـه بـرهـان
ولأنـه كبيـر ولايـبـي لــه شهـايـد


ولأنـه كريـم ولايجـي فيـه نقصـان
[ولأنـه فريـد مـن الـرجـال الفـرايـد]


ولأنه أبـوي وتـاج راسـي وعنـوان
مجدي على مـر السنيـن البعايـد


لامن طروه الناس في كـل ديـوان
ماقيل غير أنـه علـى النـاس زايـد


ياما بنوا للطيب مـن طيبتـه شـان
وصـارت لهـم أصغـر فعولـه عوايـد


قلبه وطن للي شكى مر الازمـان
مـزبـن خـويـه بالـلـيـال الـشـدايـد


الله يقدرنـي عـلـى رد الاحـسـان
وأعطيه من باقي سنينـي مدايـد

[شمعة الجلاااس]

اصعب سؤال .. } محمد جارالله السهلي


اصعب سؤال

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )

[شمعة الجلاااس]

/

/

/

//

انا لاقلت لي شلونك وانا ضايق اقول بخير
مدامك سائل عني اكيد ان ضيقتي راحت

انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناس منها طاحت

احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت

احبك كثر .. صقار تولع في محبة طير
كثر .. مادلة الطيب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت

احبك كثر .. مالك داخلي حب وغلا وتقدير
كثر .. ماغبت عن عيني ودموع امفارقك ساحت

تصدق !! من عرفتك صرت احبك .. واكره التغيير
وانا اللي كنت اعشق كل نجمه بالسما لاحت

تأكد كل ماتسئل عن حوالي اكون بخير
مدامك سائل عني اكيد ان ضيقتي راحت


الـشـآعر : ثـآمر شـبيـب الـدقـبـآسـي ..

[شمعة الجلاااس]

الحين الساعة 10:49 الصبح

برووووووح ارقد .. لي عوده ان شاء الله بالليل

[شمعة الجلاااس]

*

*

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوبي بس , يابنت الحلال
وكل كلمه حِطَّيهَا .. فبيتٍ صغير
قال نبدي :وشو تعريف المُحال..؟





قلت:خَل الكلمه
ف الشطر الأخير ..!






القهر : إن شفت دمعات الرجال
والوطن : (إنسان).. مِتغيِّر كثير
والطفل : لعبه على شاطي الرمال
والأمل : إحساس في عين الضرير
الوفا :[قلبين].. يجمَعهُم حلال
والرَجُل : اللي على أهله يغير
والرجا : لا قلت للواطي تعال
والفشل : مدري ولكنه مرير
الشعر : في وقتنا .. بدر وطلال
وكان أوَّل : حيل يعجبني جرير ..!






والغلا : إحساس إلى حَد[الخيال]
والعِشِق : لا شفت مَعشُوقِك تطير
والجفا : إعكس مفاهيم /[الوصال]
والوَصِل : يعني تأكَّد فيك خير
والعقل : تِسْفَه أقاويل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير






يكفي يكفي .. أسئله إنهي الجدال
ويلا .. علمني عَن السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير






جات طعنه ..مِن جنوبك والشمال
يعني وضعِك بين مِن حُولك خطير
صاحبي وإن ضاقت بعينك ليال
لك فرشت القلب مفروش الحرير
في[ بلاد الحلم].. ممنوع العقال
والمصيبه الشعب ما أختار الأمير
وما ألومك .. كان شدِّيت الرحال
دام بيتك جرح / وفراشك حصير







هذا تعريفي إلى كلمة:مُحَال
شي ودِّك فيه .. ولا يمكن يصير..!!

[شمعة الجلاااس]

ماعلّموك .. البارحة .. ويش سوّيت ..؟؟

البارحة .. خرّبتها .. مع ( .. خفوقي .. ) !!

يومه سألني عنك .. صدّيت .. صدّيت ..

وكرر .. سؤاله .. قلت .. وش بك .. طفوقي .؟؟

قال الحزن .. قلت الحزن .. مسكن وبيت

قال الدموع .. وقلت .. نبض .. العروقي .!!

قال أنت طيّب .. قلت أدري .. ولدّيت

قال .. الغياب ..؟؟ .. وقلت .. عقبه شروقي ..!!

ردّ بزعل .. أشوف كنّك .. تقوّيت .؟

قلت .. أتقوّى .. إلين .. وقتي يروقي !!

قال البشر واجد .. وقلت .. أنت زليت

صحيح واجد .. بس ..؟؟ .. فيهم .. فروقي .!

قال .. أنت تتمنى .. ورديت .. ياليت

ولآ كل .. نور يشاف .. ( لمع البروقي ) !!

قال أنت تستهبل .. وأنا .. فيك أزريت .

أزريت .. أصبر .. و .. ذقت منك .. الحروقي .!!

قال أنت متغيّر .. وعنّي تخلّيت ..

قلت .. أنت .. تمنعني .. من أبسط حقوقي ..!!

شرحت له كل الغلا .. كيت ثم كيت

وأقفى وراه .. وغاب .. كنّه حموقي .!!

ياناس ربي .. خالق الحيّ .. والميت

قدّر .. أحبه .. وصرت .. مغرم .. شفوقي .!!

لذا .. أنا .. مهما .. بقلبي .. تعلّيت

يبقى غلاه .. بكل الأحوال . ذوقي .!!

[شمعة الجلاااس]

من روائع الشاعر الامير/عبدالرحمن بن مساعد

تعبت أنزف جراحي حبر و أدور للألم iiأسباب

لجل أكتب شعر يحكي بعض أصغر iiمعاناتي

قفلت من الأسى بابي وسجنت الكون خلف iiالباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد iiكذاب

و أحد ما طال تجريحي و أحد عايش iiلزلاتي

أنا شاعر رغم أنف الحسد والحقد و iiالأحباب

وانا ياحاسدي المسكين بعيد العيب عن iiذاتي


أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى iiالأصحاب

قصيدي بلسم المجروح ونبض الناس iiأبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا iiوهّاب

وابي أحيا جبيني فوق ما تملكني iiرغباتي

من الدنيا أنا مابي سوى عفو العلي iiالتواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في iiركعاتي