الشيخه شيخه كانت هنا....

[الشيخه شيخه]

انْ لقيتْ انسآنْ مثليْ مآيخونْ الـودْ حبـهْ
وقتهآ؟ بتعرفْ قيمةْ منْ تهآونـتْ بفراقـهْ

كلْ جرحْ ٍ منْ فراقك لآ نويتْ اجيبْ طبهْ
بذكرْ أنك كنتْ غاليْ؟ وكنتْ للقلبْ اشتيآقهْ

اخذْ منيْ قآعدهْ صآرتْ بفكرْ العقلْ قبـهْ
واخذهآ منيْ قنآعهْ فيْ مفآهيـمْ العلآقـهْ
‏‎‏‏‏‏‏‏‏‏‏‏‏‏‏‏‏‏
ممكنْ!بيومْ الصدآقهْ تكبرْ وتصبحْ محبـهْ
بسْ لآ يمكنْ؟ بيومْ الحبْ يتحولْ صدآقهْ

[الشيخه شيخه]

ياما حلا المقناص ياسميح الذيب = يبعد عماس القلب وأقسى الغرابيل

من عصر أوآيلنا وهو فيه ترغيب = كل حكى به بالشعر و التماثيل

واحلى القنص من دون شك ولاريب = يوم انه برفقة قروم مشاكيل

ربع يعرفون السنع و المواجيب = نفوس خفيفات ولاعنك تفضيل

لابانت الصيده نطقنا التراحيب = وليا كسبناها نسينا العراقيل

لحم القنص مطلب وحنا خطاطيب = وكلش حلو وقته بنكهة السيل

[الشيخه شيخه]

وأنـا والله إنـي ماتهـنـى بحـلـو الـنـوم
ورفيقـي علـيـه هـمـوم الايــام ملتـمـه
عليـك الفـرج يـا الله يـا حـي يـا قـيـوم
إلــه عـبـاده كلـهـا تلـتـفـت يـمــه
ألا يارفيـقـي والله إنــه عــداك الـلـوم
أنـا اللـي علـى اللـوم فـي ذمتـي ذمــه
ولكـن سامحنـي تـرى العلـم فيـه عـلـوم
ولايـفـرح الـلـي بينـنـا ينـقـل النـمـه
حصل ماحصل والعبد يصبـر علـى المقسـوم
يـدور الزمـان ويخلـف الـعـزم والهـمـه

[الشيخه شيخه]

حبيبي لاذكرت انه حبيبي ~ دريت اني حظيظ وزان بالي

على عشانه تهاونت المصايب ~ اذوق المر لجل رضاه حالي

[الشيخه شيخه]

ياطول صبري




يـــــــاطول صبري عليه ومطول مدّه
والنفـــس مــــــابين مــــأمورة ومنهية


الحــب والشــوق والضيقات والصدة
حـــطت على وجــهي المغبون ماريّه


احـــدٍ زها له سواد الخال في خده
واحــــــدٍ بخده من هموم الدهر كيه


يقفي به الشـــــك صوب اللوم ويرده
واذا رجــــع مـــالقى الا رسمــة أثاريّة


وتزيد بـــــه ضيقة العشــــاق وتهـــده
يبكي عـــلى حـــاجة مــــاهي بمبكية


يـــــزل واقـــول: يمكن مــــــاهو بـوده
غلطة ويمـــــكن على مـــــاقيل عفوية


حتى ولــــو قــــالها قاصد ومن جده
يشفع لحــــاضر غـــرامه زين مـــاضيه


اعشقه واشتـــاق لـــــه اهــواه واوده
ومـــن الغـــــــــلا نسبة الملـــيون فالمية


ألــــــد عيني لكن مـــــــاهيب منلده
هـــــو اول الحـــب في عيني وتـــــاليه


غــــــر قلبي على النســــيان واحده
لاشـــك عيا من النســـيان مـــــوليه


عــــزي لحــــالٍ على فــــرقاه منحده
وعـــــزي لقلب الا من حــــل طاريه


يتوق توق الوحش في كف مــن هده
لاطـــــار مـــالد عينه صوب راعيه


ياشين فـــــــرقى اللذي تغليه وتوده
لاصــــــار حيي ولا تقدر على جيه


جعــــــــل ربي يصبرني على الشــــدة
لين مــــــــا يجتمع غـــــــالي وغــــــاليّه

لــو طال صـــبري عليه وطالت المدة
يـاحيي شــوفه قبل لاامــــوت ياحييه

[الشيخه شيخه]

ياوجودي وجد من حده زمانه ~
يطلب الحاجه ورا الربع الرخومي
الرفيق ألي معي حلو(ن) لسانه ,,
ليه ما يفزع ولا يقضي الـلزومي
لا معي من خوة المذكور خانه ,,
يطيح أقــول جـعـلـه مـا يـقـومـي
أشهد أن حده زمانه على الشين ..
>>> عززتي لـــه

[الشيخه شيخه]

النوم | ميّت عليك | و ماخذا ~ ديّه .
.............. و أحلامك ؟ , ليا " سهرتي " تكون ( ولهانه )


{ وجهك } مثل – عيد و البسمات – عيديّه
.............. فديت ! نظرة " عيونك " و إنتِ / نعسانه


أقول ( عاديه ) . لكن منتي : عاديّه !!
.............. ملآك , نازل عليّ . . في صورة , إنسانه


بإسلوب راقي ، ومهارة قلب ، فرديّه
.............. دخلتي قصري .. وفتحتي .... كل : بيبانه


ضلوع صدري [ سجن ] وإنتِ عنوديّه
.............. سرقتي قلبي ، غصب عن عين سجّانه !


الحُب .. لعبه ، مابين إثنين . . [ وديّه ]
.............. مهما خسرنا . . . ترى القلوب ربحانه ،

كلمة أحبك ، لـ بعض الناس رديّه
.............. شخصٍ ، تعوّد عليها .. و عوّد لسانه


لكنْهَا منّك ، تجي عفويّه / جديّه
.............. قولي : أحبك كثييييير .. وإنتِ سهرانه


تعبانه !! من ليل ، ألوانه ( رماديّه ) ؟
.............. لو يستحي الليل ؟ ماخلّاك . . . تعبانه


نامي ... وتشوفين أحلى أحلام ’ ورديّه
.............. النوم [ سلطان ] و إنتِ ؟ [ بنت سلطانه ]

[الشيخه شيخه]

في ليلةٍ ظلمى
سوادها غطى على عيني وناظري
انهار حبٍ بنيته من سنين
كنت أسمع بالخيانه وعرفتها في ساعتين
يوم أسمعها تقول وانا في صمت وذهول
للحبيب اللي جالس جنبها ليت الليالي تطول
وأسمع الضحكات وسوالف عشاق ومحبين
والمشكله الكلام اللي تقوله ؟؟؟؟؟
كلامي اللي قلته لها من سنين
سمعتها تضحك واهو جنبها يضحك
وأنا القهر والجرح بوجهي يضحكون
قالتله : أحبك بنفس نبراة الدلع
اللي كانت تقوله لي
في شوق وولع
وقامت تقول ابيات من القصيد
وأتغزل فيه وفي الحب الجديد
وأسمع صوتها وهي تقول ؟؟
بيت من الشعر قالته لي من زمـــــــــــــــان
( أحبك يا ......... كثر قطرات المطر وكثر ماقالو العشاق كلمة أحبك
ماغيرت في البيت شي ثاني
لا في قافه ولا الأوزان
غير أنها بس شالت ( أسمي ) وحطت أسمه مكاني
وسمعتها فجأه تقول ؟
الموعد قرب ينتهي
أشوفك باكر ( يابعد عمري )قال : وين ؟!
الساعه توها بدري
أجلسي بقربي شوي
خلي قلبي من حنانك يرتوي
قالت : أسمحلي تأخر الوقت
حتى شوف الساعه في جوالي كم ؟
ناظرت في جوالها وتفاجأت !!
تغير صوتها بسرعه وتلعثم
شافتني معها على الخط
ماتدري أني اسمعها ( من ساعتين )قالت : ألو _-_ألو _-_ ألو
قلت : بس كفي لاتولولي
القلب من جرحك ملتوي
قالت : من متى وانته معي ؟
قلت : لا تسأليني اسألي مدمعي
قالت أكلمك بعدين
وأسمعه يسألها ويقول ؟؟
مع من تتكلمين
قلت : قوليله أني
أللي حبك من اربع سنين
أللي قضى عمره في شوق وحنين

{.. لاتكذبين ..}

قوليله أني
من باع عمره وحياته واشتراك
من حرم نفسه لجل يفوز برضاك

{.. لاتكذبين ..}

قوليله أني
إنسان مادخل قلبه غيري أحد
إنسان تضحياته من أجلي بلا عدد

{.. لاتكذبين ..}

قالت : خلااااااااص أكلمك بعدين
قلت : ليـــــــــــه خير وش تبين ؟
كيف تطاوعني نفسي أكلمك
أنا من كثر ما احبك ماودي أجرحك
بعد الخيانه وش باقي تسوين
أبطلبك وادري مابتقصرين
أبيك تنسيني
وعن حياتي تبعدين
أبي اعيش في جرحك لين أموت
وابعد عن حياتك واروح
قالت : أرجوك
قلت : لاتكملين
حبـــــــــــــي وحــــــــــبك اللي من اربع سنـــــــين
أنتهـــــــى في ساعتين

[الشيخه شيخه]

يـا معـذب ٍ قلبـي علامـك تباطيـت
وانا علـى فرقـاك تنـزف جروحـي

حرام مـن قربـك حشـا مـا تهنيـت
ويـا عزّتـي للقلـب دايـم ينـوحـي

اسري مع الهاجوس ان رحت وان جيت
وبلا شعـورٍ دايـم أجي واروحـي

لا شفـت زولـك فـز قلبـي ولبيـت
وإليا رحلـت بعيـد دمعـي سفوحـي

وان زارني طيفك مـن النـوم فزيـت
اشكي عليه الحال مـن غيـر يوحـي

اشقيت شوقي بالوصـل يـوم صديـت
شوقـي يقرّبنـي وشوقـك نـزوحـي

وابريـت حالـي بالسهـر والتناهيـت
يـا فرحـة ايامـي وغايـة طموحـي

عـز الله إنـي مـن فراقـك تأذيـت
حـن وترفـق خـلّ قلبـك سموحـي

في اقصى الحشا لك بيت يا شمعة البيت
افرش بـه اشواقـي بعطـر ٍ يفوحـي

دايـم غـلاك بخافقـي لـو تغلـيـت
وانت الذي دايـم بوصلـك شحوحـي

يـا ساكـن القلـب المعنـى تماديـت
وراحت ليال الحـب يـا روح روحـي

ما غيرك أحـد ٍ فـي حياتـي تمنّيـت
تعـال خـلْ الحـزن عنّـا يـروحـي

عقلي من الفرقى غـدى بـه تشاتيـت
ودواه وصلك يـا الحبيـب المزوحـي

لولاك ما هاضـت شجونـي وغنيـت
بأبيات شعـر ٍ حبرهـا مـن جروحـي

[الشيخه شيخه]

تناديني وأقول لك ( سم ) أنا كلي تحت أمرك

أنا من راسي لأقدامي أخلي الغالي يرخص لك ◦◦◦


فديتك بأهلي وناسي ( لأنك ) كل ما أملك

◦◦◦وكل الناس ما أبيها إذا ماضمني احساسك



{ أنا عينك إذا ضاقت عليك بيوم عبراتك }

رجيتك لا تخلي الهم بقلبك يكتم أنفاسك ◦◦◦



أنا ناسك و أنا أهلك و أنا من مطلبه ( قلبك )

و أنا اللي لا أقبلت ضيقه من أقدار الهوا جا لك ◦◦◦



أحبك || وأكبر عيوبي ( أغآر ) من الهوا حولك

ولو بيدي أنا أضمك ولا ودي يشوفونك ◦◦◦


أحبك || ليتها تعبر عن اللي بخافقي يمك

سعادت عمري ( بقربك ) عساني مانحرم منك◦◦◦


ولو تزعل أنا (أحبك ) وأحب اللي يحبونك

وأعيش العمر أنا لرضاك وأسخر راحتي لأجلك ◦◦◦


بعد هذا وش المطلوب مدام إن ( قلبي ) بيدك

تدلل بس بالراحه أنا لك والعمر يفداك ◦◦◦


{•• أبي منك وعد ياحب أكون لحالي بقلبك

وخذ مني وعود الكون ( أنا و قلبي ) لك لحالك ••}