ياحرف شعـري قـم وفـز وغـرد
وارسـم قصيـده وانتبـه تعميـهـا
قـل للـذي وده يعـرف اش ذوقـي
ذوقي رفيـع (ن) لا بغيـت اطريهـا
حبيبتـي فيهـا المعـانـي زيـنـه
وعقل وثقل ما احد(ن) كفو يغويهـا
الوصف لو ودي عجـزت اوصـف
تترس اعيـون اللـي يناظـر فيهـا
حبيبـتـي باستـاذنـك بـاوضـح
ملامـح(ن) تتعـب قلـم راويـهـا
انـا دخيـل اعيونـك اللـي ترسـل
غـارات واسهـم بالنظـر ترميهـا
لا تلحـق القلـب المعـنـى حــده
تكفـي همـوم(ن) خافيـه يحويهـا
اي والله احبـك و انـا كلـي لــك
وان مـا كـفـت والله لا ضويـهـا
والخبـط الحسبـه لعينـى ضحكـه
واحوس مذهـب مـن يفكـر فيهـا
كـان الغـلا وصـل الـى الغيبوبـه
غيبوبتـي.. والله... مـا اخليـهـا
لبيه..... ياللي لا زعلت ..... اتزعل
كل العرب ما احد(ن) قـدر يرضيهـا
الى انعقـد حاجـب وحـول حاجـب
تـرد... عاليهـا علـى واطيـهـا
فيهـا تـرف فيهـا دلـع يعجبنـي
لايق عليهـا مـا احـد ...ايخطيهـا
فيهـا غرورالطفلـة... الحبـوبـه
فيها تغنج ... ما احـد(ن) يصخيهـا
امـوت واحيـا وانتثـر لارضـاهـا
وان رحـت انـا ياعلنـي فاديـهـا
يـا لابسـة تـاج الجمـال المخفـي
جمـال شكـل وروح مـن يوفيهـا
ويا مغوية قلـب الحبيـب العاشـق
حـرام تعذيـب البـشـر يكفيـهـا
هـذي حروفـي وانتـي المقصـوده
وشعري يطـاوع لا بغيـت اهديهـا
اسف انـا طلعـت بعـض اعيوبـك
واعيوبهـا فيهـا وانــا هاويـهـا
وسلامتكم
05-03-2005, 02:38 PM
العرض العادي
