البنت لولد عمها

[عزوف]

بصــــــــــــــــراحه هالموضوع منقول لكنه عجبني وبالذات انه مشكله كبيره يواجهها الكثير من الشباب والبنات ونتج عنها مشاكل ونتج عنها عزوف الكثير من البنات عن الزواج والسبب كله عناد ولد العم او تشدد الاب ..



هذا اعتقاد سائد قديما بشكل كبييييييييييييييير ..

و الى هذه الايام هو سائد

بعض العوائل مازالت تعتقد به ..

ان ابن العم اولى ببنت عمه ...

و كثيرا ما تترتب عليه مشاكل كبيرة بين الاهل بسبب رفض الطرفين او احدهم ...

فالاطفال من و هم صغارا ..

فلان لفلانه
و فلانه لفلان .......

و اذا كبروا
أنا كنت ما خذ بنت عمي لكن النهاية غير سعيده ونتج اننا عندنا بنت صغيره ظلت عايشه بيننا اسبوع معاي ويوم لأمها


عندي كذا سؤال ...لكم انت يالشباب وهم البنات ونبي الصراحة


الشباب :
اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..؟؟
يمكن تحبها بعدين

اذا ماتبيها ...
شلون تتصرف بدون ماتجرح عمك او تضايق ابوك





البنات :
اذا صار معاج هالموقف ..
توافقين
و اذا ما تبينه شلون ترفضينه بدون مايزعل احد ( لا ابوج و لا عمج و لا ولد عمج )

و اذا ولد عمج يبيج ..
بس انتي تعتبرينه نفس اخوج
او ببالج شخص ثاني ...


في احد صار معاه هالموقف ......؟؟

اذا كانت الاجابه بنعم
شلون تصرفتوا فيه ؟؟؟؟؟؟
ولكم التعليق..

منقول

[عزوف]

بمـــــــــــا اني كاتبت الموضوع فلازم اقول رايي الشخصي فيه

البنات :
اذا صار معاج هالموقف ..
توافقين
و اذا ما تبينه شلون ترفضينه بدون مايزعل احد ( لا ابوج و لا عمج و لا ولد عمج )

و اذا ولد عمج يبيج ..
بس انتي تعتبرينه نفس اخوج
او ببالج شخص ثاني ...


في احد صار معاه هالموقف ......؟؟


الــــــــــــــــــــرد :

والله انا اعتقد ان البنت اشوا شوي من الرجال واسهل حل حق هالموضوع هو ان الوحده تهل لها دمعتين وتضرب يوم كامل ما تطلع من دارها وخلاص بيفهمون الموضوع وبالذات اذا كان الاب حنون ومو شديد (( انا اضمن نجاح هالطريقه وعلى مسئوليتي ))

للاسف ان الكل يعتقد ان البنت اذا رفضت ولد عمها تبي شخص ثاني !! لكن ساعات الاجبار والضغط يكره البنت بولد عمها وساعات الاهل يكرهون البنت بالزواج يا ولد عمج يا اقعدي وماله داعي تتزوجين !!! كل هذا علشان ما تنجرح مشاعر العم وولده !! منطق خاطئ واسلوب ظالم طبعا هالشي يخلي البنت تقول بلاهاااااااااااا هالسالفه وبلاه هالموضوع وتلقون احسن بنات الحمايل قاعدين في بيوت اهلهم وما يسلمون من الهمز واللمز ليه ما اعرست !! والا كلمات الشفقه طيب هي حلوه وسنعه ليه ما اعرست وجذي وجذي مهي سالمه هالبنت !! لامن الناس ولا من اهلها ((الاب ولد العم والعم ))

نقطه مهمه رفض البنت لولد عمها لا يعني انقاص من قدره او تقليل من مكانته لكن المحبه من الله

تحياتي واتمنى الكل يتفاعل مع الموضوع ويشارك

[فيصل بن حجرف]

مشاركة جميله اختي عزوف
وصراحه موضوع مهم جدا
قد يكون في السابق كان فيه الحجر لكن الحين ماعتقد ان الشي هذا موجود
او موجود لكن محد يغصب احد مثل اول
ومهما كان الشيء هذا له مساوء فانا اعتقد ان له محاسن بعد
ولي رجعه ان شاءالله

[صـــمتا]

انا... رأي .غير .. ويمكن كثير بنات يخالفوني رأي .. ..

مثل ما يقولون لحم على لحم يخيس ... بس أنا ما اوافق هذا المثل ..

فلماذاا ارفض ....
على العكس اوااافق .. وأنا أبي من الاباااء اللي عايشين اياام قبل انه البنت لولد عمها .. والولد لبنت عمه ..

والحمدالله ... راضين .. الا اذا فيه عيب .. ولا اعجبه ابي فأكيد مرااح يوافق ... لانه يريد سعادة بناته ..

فاأبي ابخص ... بحياتناااا ... والحمدالله أنا حالياا لولد عمي ... وهذا قسمه ونصيب ...

اسمحيلي يا عزززوووف .. على مشاركتي لاني أكتب بسرعه .. أتمنى مافي اغلاط املائيه

وان شاءالله لي رجعه عزيزتي

ومشكوووووووووره على الموضوع الهاااااااااااام ... وفقك الله عزيزتي ..

[عزوف]

اسعدني مرورك يا ابو عبدالله

وبانتظار عودتك

تحياتي

[عزوف]

اسعدني مرورج يا بنت السلاطين

وشاكره لج الرد

وبانتظار عودتج

تحياتي

[ابوتركى]

المسأله ليست بابن عم او ولد خال

الزواج تراضى بين الطرفين ولااعتقد فى وقتنا الحالى من تجبر الان او تحجر

فأن وجد فهى تكاد لاتذكر

ةالاسلام لايرضى بااجبار البنت بشى هى لاتريده

اما انا من ناحيتى انا لااعترف بشى اسمه اجبار وحتى لو جبرنى الوالد

افهمه بأنى لااريد هذه البنت فأن لم يقتنع فحياتى وراحتى اولا ولن اسمع

كلامه فى هذا الشى لان هذه حياتى التى سوف اعيشها ومن الصعب ان اظلم نفسى

واظلم بنت الناس معى لذا يجب وخاصه فى مسائل الزواج شطب شى اسمه مجامله او

لجبر خاطر انسان عزيز على حتى لايقع الظلم على الطرفين

تقديرى عزوف

[غلاتي]

الحمدالله انا مااعندي لااعيال عمي ولااهم يحزنوون
يعني مرتااحه..بس اغلبيه اللي اعرفهم ماخذين عيال عمهم واهم مجبورين عشان الاهل..
ويعطييج العافيه على الموضووع

[المهند]

لا زالت بعض الأفكار الجاهلية سائده إلى عصرنا هذا

ولازال موضوع تحجير البنت لولد عمها موجود

أننا عن نفسي أفضل أن يتزوج الرجل من بنت عمه

ولكن .....
لا يكون ذلك بالقوة واجبار البنت
فهي لها كل الحق في القبول أو الرفض وهي صاحبة القرار الوحيد
وليس للوالدين أي حق في إجبارها على الزواج غصب عنها ، لهم حق التوجيه والنصح فقط
وأي زواج يتم بغير موافقة البنت فهو باطل

وأعرف ناس خطبوا لولدهم بنت عمه ، فرفضت البنت
وحصلت قطيعه بينهم حتى كتابتي لهذه الكلمات

والسؤال الذي أطرحه لكل شخص يبي يتزوج بنت عمه والبنت ما تبيه .
أين كرامتك يا رجل أن تتزوج من بنت لا تريدك ؟

حقيقة الموضوع متشعب وذو شجون
ولكنني أكتفي بما كتبت ، وإن وجدت ما يدعو للكتابة مرة أخرى رجعت .

موضوع رائع يا عزوف
وقد أحسنتِ الاختيار

تقبلي تحياتي

[كويتيه]

يعطيج العافيه ياا لغاليه على الموضوه

انا صراحه اايد راي بنت السلاطين وشفيهاا لو الوحده خذت ولد عمهاا؟؟ او ولد عمهاا خذاهاا؟؟ انا اشوف عادي..
بس مو اجبار.. لازم في قبوول من الطرفيين... عشان احناا الحين تطورناا و مو مثل زمان اول.. من جذي كل واحد و له رايه.. و صعب الاجبار في وقتناا الحالي.. عشان النهايه بهالحاله معروفه... .. اسره مفككه.. و تادي الى الطلاق وتشتييت الاطفال..


لج مني كل التحيه