أنا شف بالي شوف وضحاً تتل الذود

[الوضحه]

أنا شف بالي شوف وضحاً تتل الذود

أنا شف بالي شوف وضحاً تتل الذود=طفـوحٍ نظرهـا والمغاتيـر تتلاهـا
ليا روّحت وألاّ مع الصبح يوم تقـود=تبـي عشبـةٍ متعهّدتهـا بمفـلاهـا
ورى قعدةٍ سودا تتل الحبـال السـود=من الولف خطـرٍ بالقوائـم توطاهـا
لها برثعة خشمٍ خنف والسبال بـزود=ولها سيف لحيٍ زايدٍ عـن حلاياهـا
توارد ملامحها سهيفٍ عريض خدود=تفوق الوصوف وملح ربي تغرشاهـا
عليها انتلاله جـل خلاّقهـا المعبـود=ياسبحان ربٍ بأحسن الوصف سواها
كبيرة مقاشر راس ودقاقـة العنقـود=ترافـع مقادمهـا تهـازع مقفـاهـا
وروس الأذاني للأباهر تقول سـدود=وطول ارقبتها ميـزةٍ مـن مزاياهـا
وسيعة نحر ماودك يشوفها المقـرود=ولاشافهـا راع النظـر ماتعـدّاهـا
شديد الوضاح مدعّجه زينها مشهـود=تزيد الشريطيه على ريـح طرياهـا
دواير وبرها في محيط السنام عقـود=عقودٍ من اللولو على الجنب محلاهـا
سنادٍ من الغارب على غاية المقصود=شناحٍ تموح الأرض مع زين ممشاها
قصيرة فقاره عمرها من اللحم مجرود=تحلف إنها حائل وهي فـأول لقاهـا
طويلٍ عريضٍ جنبها مشيهـا بسنـود=عريضٍ قصيرٍ ذيلهـا ويـن تلقاهـا
تفاهق سنامٍ فوق حجبانهـا مشـدود=عراقيبها عقلاء تصاغـر بماطاهـا
عليها الحلق من بينهن مطرقٍ ممدود=ولاعمرها رِدت على غير مشهاهـا
ولدها ورى المليون يشرا وهو مفرو=وأبوها دفن فقر الأجاويـد وأغناهـا

[شِقاوَي]

ارحبي يـ وضحــه

ولاهنتــــــي ع القصيـده

بس مـآ طلعت الصـور ؟

[شيخة الطبع الخجول]

لاهنتي يالغلا ع القصيده الروعه

بس الصور ماطلعت عندي ليش

*تقبلي مروووري ،،

[@بنت العز ما تنهز@]

صح لسانش يالوضحة
وطاب منقولش

الصور مو طالعة

[ابن عاجب]

لاهنتي

[البدور]

لاهنتي على القصيده ..

وتسلم ايدش على النقل ..



تحياتي ..
البدور

["..عـَـذْبـًة الأطْـبـَآآآآع.."]

.
.
لاهنتي حبيبتي

[جلوي بن سبعان]

الصور ما طلعت

لو تحملينها من مركز المنتدى يكون افظل

[جابر بن عبدالله الفايز]

لاهنتي ع القصيده ,,,

[الندآوي]

الصور ما تطلع

وشكراً