اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 12-08-2009, 07:13 PM
عَشّــاقْ آلصلَــفْ ! عَشّــاقْ آلصلَــفْ ! غير متواجد حالياً
 عضو نشيط
 
تاريخ التسجيل: Jul 2009
الدولة: Londoon - kw
المشاركات: 341
اتمنا ان تنال اعجابكم

السلام عليكم هذا عدد بسيط من القصايد
للشاعر :رشيد بن خرميط

--------------------------------------------------------------------------------



** قصائد الشاعر :




--------------------------------------------------------------------------------



(( 1 ))






اجمعتنا الشفوف وفرقتنـا الظـروف
والمواليف ما اصعب ساعـة افراقهـا
بين عوج الضلوع وبين حدب السيوف
ترسم العين دمعتهـا علـى اوراقهـا
فيه ساعة تطوف وساعةٍ ما تطـوف
ساعـةٍ يذبـح العـشـاق براقـهـا
ياقمر عشر واربع يامليح الوصـوف
المحبـة بحـور غصـت بأعماقهـا
انقش أسمك على صم الصفا بالحروف
ما محتـه الليالـى السـود برناقهـا
ياحلي الغزال اللـي يقـود الخشـوف
لا تقص العـروق وتحـرق أدقاقهـا
دام باب المحبة يالحبيـب أمعـروف
لـك بقلبـي بيـوتٍ تقـرع أحلاقهـا




--------------------------------------------------------------------------------



(( 2 ))





اخذت لي في مبتدى العمـر مشـوار
مـا كنـه الا حلـم ليـلٍ حلمـتـه
ما كني الا ملخـصٍ مؤجـز اخبـار
بنيت ما ادري وش بنيـت وهدمتـه
جينا علـى الدنيـا طـروشٍ وزوار
واروح منها محزمـي مـا حزمتـه
ألا الفـراق ودمعـةٍ تخفـي أسـرار
وجرحٍ بصنـدوق الضمايـر كتمتـه
طرقيتن نمشي مـع الـدرب عبـار
امـا لزمـك الـدرب والا لزمـتـه
نمسي بدار ونصبح الصبح فـي دار
فهمـت والا حكينـا مـا فهمـتـه
ما دامـت الدنيـا لوافيـن الاشبـار
وامٍ تمـوت وطفلهـا مـا فطمـتـه
ما احدٍ خذا منهـا اليـا راح دينـار
وانـا بـاروح ومقسمـي ماقسمتـه
دنيا تخلـي صاحـي العقـل يحتـار
حتـى الحديـد تلينـه لـو لحمتـه
الحر منهـا يكسـر الحـوم لا طـار
والذيب نابـه مـا يوقـي الحمتـه
يا خالد اوصيـك بالضيـف والجـار
وخويك اللـي بالمواقـف حشمتـه
لو انت توطى من خويك على النـار
خلـه يـروح مكـرمٍ مـا شتمتـه
واحرص على خوة بعيدين الانظـار
والضيف قوم بواجبـه يـا عزمتـه
وابعد عن اللي خوته تجلـب العـار
ترى الردي ما ينفعـك لـو زهمتـه
واحذر عدوك لو ضحك لك بالامـرار
لا يخدعك مع طـول الايـام صمتـه
والله على المسلم فرض صوم وافطار
وزكـاة مـالٍ مـن حـلالٍ صرمتـه
وفرض الصلاة وذكر من جاء بالاذكار
هـذا وحـج البيـت فيمـا ولمتـه
سجلت لك في منهج الشعـر تذكـار
لو ينرسم مـن دم جوفـي رسمتـه
بينت معناها علـى أسـاس وجـدار
ونظمتهـا نظـم الخـرز لا نظمتـه
جواهـرٍ مثـل الذهـب بيـن تجـار
والا الشجاع ليـا وقفـت ونهمتـه
يالله عفوك عند زوغـات الابصـار
منـك ليـا مـن الكتـاب أستلمتـه




--------------------------------------------------------------------------------



(( 3 ))





انا ياوجودي وجد من طاح وسط الجـم
ثلاثة عشر قامه تحـت قاعـة الجمـه
غشيم السباحه وازرق الجـم فوقـه زم
تجرع سهوم الموت لين انطـوى كمـه
وانا ياوجودي وجد مـن يطلبونـه دم
بني عم ابوه تطالب ابـوه فـي دمـه
لا جاء الليل تسري به هجوسٍ تزيده هم
من الهم حالـه لـه زمانيـن منسمـه
وان كني اللي شاربٍ لـي قـزازة سـم
من الهاجس اللي طاول القلب في همـه
على واحدٍ منه السوالف تجـي وتظـم
ليا ابطيت منه يجينـي العلـم واظمـه
اظمه ورا حـدب الحنايـا والمـه لـم
المه واظمه عن سوالـف هـل النمـه
يطول الزمان وكل ما طال يابـن العـم
يخاوينـي الهوجـاس ويتلنـي يمـه
جروحٍ تطيب وجرح الاحباب ما يرحـم
ولا به طبيـبٍ نمدحـه فيـه ونذمـه




--------------------------------------------------------------------------------



(( 4 ))





أنا يابو مصلح كل ماقلـت قلبـي سـج
صحى مثل مايصحى المسوهج من السجه

وأنا لج قلبي لج سوقـن حراجـه لـج
بساحة حراج الصبح في ساعـة اللجـه

وأنا لي سنه وأربع سنين وثلاث حجـج
ثمان وثمان شهور مع تاسعـت حجـه

وأنا كن قلبي فيه حدب السيـوف تخـج
من الهاجس اللي يجذب القلب ويخجـه

وأنا ياوجودي وجد مـن بالمحاكـم دج
عليـه المحاكـم ثبتـت باطـل الحجـه

على اللي حلايا غزيلن من مقيلـه هـج
تبع ساقت أمه يوم ريح الهـوى هجـه





--------------------------------------------------------------------------------



(( 5 ))





ياسعود خلـي بعدتـه الظروفـي
وانا ظروفـي ياسعـود ابعدنـي

قبل امس في ديرة مليح الوصوفي
واليوم يا بعد اشقر الراس عنـي

ابو خديدٍ مثـل بـرق الصيوفـي
براق صيفٍ في مـزونٍ سرنـي

غروٍ عليه من الغزيل اوصوفـي
يا لعن ابـوه بناعساتـه فتنـي

حلفت له واخذت منـه الحلوفـي
واقفيت واقفى واخذ العهد منـي

اقفى و كنه مازعٍ عـرق جوفـي
ولا لي جدى الا ونتي يوم اونـي

ما لي جدى الا غير افرك كفوفي
وارقى على راس الطويله واغني

في عالي المرقاب مديت شوفـي
وجاوبت فيه اللي براسه عونـي

وعودت من راسه كثير الحسوفي
لا شال هم ولا برا الجرح منـي




--------------------------------------------------------------------------------



(( 6 ))





الا ياهجوسي دقي القلب دقـة خـوف
على هون لين يبطـل القلـب بيبانـه

على هون بالله لا يتفجر بوسط الجوف
شظايـا براكيـنٍ بالالغـام مليـانـه

انا يا وجودي وجد عودٍ قليل الشـوف
قصاه الزمان وجنبـوا عنـه صدقانـه

عليه الديون اميات وولوف فوق اؤلوف
قليل المشاحي واحبطـه وجـه ديانـه

غريب البلاد اليا تذكر هـل المعـروف
كتم عبرته والعيـن بالدمـع غرقانـه

تروف الليال وراعي الديـن مايـروف
دخل وسط سجنٍ ما رفى فيـه سجانـه

على واحدٍ حبه تمكن بوسـط الجـوف
ملك كـل تفكيـري وقلبـي وشريانـه




--------------------------------------------------------------------------------



(( 7 ))





البارحه والليـل مضفـي سـواده
على النجوم المرقبـات المدابيـح
سهرت لين الصبح نسنـس بـراده
بين الغصون اللي تمايل مع الريـح
اعيش لحظـة ساعتـي بالسعـاده
في راس مرقابٍ طويـل اللحاليـح
وعلى الشـداد ملبسيـن الوسـاده
عقدٍ من اللولو بسلـك المسابيـح
ازعـل ويرضينـي بحبـة قنـاده
ولاغير مفتاحـه لقلبـي مفاتيـح
ويمـد لـي كفـه ويأخـذ مـراده
ويومي بي امواية خفيف الملاويح
يزيدني وانـا مـا احمـل الزيـاده
من زود حبه مخطر اقـوم واطيـح
جرحه عميق وكل ما ابطيت عـاده
صبرت لكن تالي الصبر ابى اصيح
الملـح ملـحٍ والعيـادي عـيـاده
ابو نهـودٍ مثـل طلـع التفافيـح
عين الوحيش اللي شبك بالحمـاده
حرٍ شبك بيدين سلـك الطواريـح
وريحه مثل ريح النفل مـع زبـاده
والا الفياض الي اختلط نبتها الشيح
حبه رعى بستـان قلبـي جـراده
وخلا همومي سارحـاتٍ مراويـح
خـلا معاليـق الظمايـر رمــاده
صفصاف ليفٍ ولعوا بـه فلاليـح
دخلت باب الحب مـن غيـر راده
وغرقت في غبة بحـور السبابيـح


التعديل الأخير تم بواسطة عَشّــاقْ آلصلَــفْ ! ; 12-08-2009 الساعة 07:19 PM سبب آخر: لا اريد طرح الموضوع
رد مع اقتباس
  #2  
قديم 12-08-2009, 07:49 PM
الكحيلا الكحيلا غير متواجد حالياً
 عضو فعال
 
تاريخ التسجيل: Jul 2009
الدولة: k.s.a
المشاركات: 2,804

دايم ذوقك راقي يالعاشق ,, قصايد روعه وصح السان قايلها

مشكووور ولا تحرمنا من اختياراتك المميزه

__________________




,

,


,

,

رد مع اقتباس
  #3  
قديم 13-08-2009, 01:21 AM
**عافكـ الخاطر** **عافكـ الخاطر** غير متواجد حالياً
 عضو فعال
 
تاريخ التسجيل: Aug 2009
الدولة: وســـط قـــلــــبـــكـ
المشاركات: 3,595

الله لايهينك يالعاشق على هالقصايد المميزه وتسلم ايدك على النقل

__________________

رد مع اقتباس
  #4  
قديم 13-08-2009, 02:02 AM
الصورة الرمزية Aq9aK..~bShr
Aq9aK..~bShr Aq9aK..~bShr غير متواجد حالياً
 عضو خاص
 
تاريخ التسجيل: Apr 2009
الدولة: . عـند آ‘إبــليس آلي سمع/ــت عـنه ولآ شـــفته . .هـع
المشاركات: 8,898

صح السانك ولاهنت على الاختيار الجميل

__________________
.


آدمـئء جــروحـن .صـع،ـب . [ تلتم ].!

رد مع اقتباس
  #5  
قديم 13-08-2009, 03:16 AM
سلمان بن ضيدان سلمان بن ضيدان غير متواجد حالياً
 عضو فعال
 
تاريخ التسجيل: Jul 2009
المشاركات: 2,411

أررررررررررررررررررررررح ـــــــــــــ[ب] يا أبن غرٌه

ودائما" مميٌز ولله درٌكـ ولا هنت على النقل يالقرم

وتقبٌل مرووووووري ,,

__________________





لآ إله إلا الله !
سبحآنك اللهم وبحمدك ، أشهد أن لا إله إلا أنت أستغفرك وأتوب إليك

سنابي للتواصل SALMAN1DH

رد مع اقتباس
  #6  
قديم 13-08-2009, 07:34 AM
خــيالــها خــيالــها غير متواجد حالياً
 عضو نشيط
 
تاريخ التسجيل: May 2009
المشاركات: 235

يعطيك العافيه ولا هنت

تحياتي

__________________

ممنوع وضع الايميل

رد مع اقتباس
  #7  
قديم 13-08-2009, 02:20 PM
عَشّــاقْ آلصلَــفْ ! عَشّــاقْ آلصلَــفْ ! غير متواجد حالياً
 عضو نشيط
 
تاريخ التسجيل: Jul 2009
الدولة: Londoon - kw
المشاركات: 341

الله لايهينكم على كل حال والله لايشينك ياقناص ويشرفني مروركم

<مرعب ولا انت يالقرم تسلم يا بو ضيدان>
ولا يهونون الربع
تسلمين الكحيلا
ولا انت al~7bnei
تسلم يا خيالها
ويشرفني مروركم الجميل

__________________



لآ إله إلا آلله ، محمد رسول آلله

رد مع اقتباس
  #8  
قديم 13-08-2009, 02:36 PM
لبى قلبي 101 لبى قلبي 101 غير متواجد حالياً
 عضو نشيط
 
تاريخ التسجيل: Feb 2009
الدولة: المنطقه العاشره
المشاركات: 468

صح السان الشاعر
ولاهنت ع النقل
تقبل مروري المتواضع

__________________
[img] [/img]

رد مع اقتباس
  #9  
قديم 13-08-2009, 07:16 PM
بنت العوازم بنت العوازم غير متواجد حالياً
 عضو جديد
 
تاريخ التسجيل: Aug 2009
الدولة: الكويت
المشاركات: 47

صح لسانك و لساان شاعرهاا

و لاهنت على النقل الرائع

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 11:40 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com