اخواني الكرام اخترت لكم مقتطفات من شعر النظم للشاعرنا الكبير
فلاح القرقاح آل غانم الفهري القحطاني
و القرقاح اسم ليس غريب على الشعر والتميّز فحضوره الرائع دائما ابقاه في ذاكرة
الكثيرين من محبيه ومتابعيه علم من اعلام الشعر في الخليج العربي اطلق عليه عدد
من الالقاب ولكن ابومحمد اكبر من جميع الالقاب شاعر فخر وشاعر حماس ومن بيت
معروف بالشعر والرجوله وجمع النظم والمحاوره وموضوعي هذا يختص بشعر النظم اخترت بعض الابيات
في قصائده النظم امل انني وفقت في الاختيار
بعَد عـام كامـل لا اتصـالٍ ولا مرسـول
توك جايني تنشـد عـن الحـال ذا الحـزه
ما شا الله عليك اشتقت لي عقب رد الحـول
عز الله العزيز انء عشرتك مـا لهـا مـزه
لا جا الحب على طول جا البغض على طول
وانا مكءرمٍ عن عـرءف شـرواك ومنـزه
توكل على الله واضرب الارض عرض وطول
هذا اتلى العهَد لو عـروة القلـب منجـزه
لكن اعتبرنـي عنـدك موظـفٍ مفصـول
ولاّ عدّني مـعَ اهـل اريحـا واهـل غـزه
وانـا بعتبـرءك خزانـةٍ بابهـا مقـفـول
واعـدك خريـشٍ فـز والـفـزه الـفـزه
وهنا شاعر الوطن يكتب للوطن
اللهم احفـظ ولاة الأمـر مـن الشتـات
واكفنا شر الفتـن والـزلازل والمحـن
في بلاد ضمت اشرف بشـر ومقدسـات
والصحابة جالهم فوقهـا رمـي وطعـن
مهبط الوحي السماوي ومهد المكرمـات
لايبنـى فيهـا كنيسـة ولايعبـد وثـن
ياملكنا وجهك ابيض وعهـدك منجـزات
وكل قلب فيه لك درب وفـراش وسكـن
للرعيـه ماتهنـا عيـونـك بالمـبـات
تفرح اليا فرح شعبك وتحـزن لاحـزن
الله يديمـك تحقـق جميـع الامنـيـات
الرخا والعدل والرفـق باسمـك مقتـرن
معك سلطان النواميس راعي الطايـلات
من تحزم بابوخالد لـه العـز انضمـن
فيصلـي لاتعـزوا لـحـل المعـظـلات
طحن حب اللي بعد راسـه مـا انطحـن
انتو اهل المجد واهل العلـوم الغانمـات
تفرقون اسوام الأمداح الى غلـي الثمـن
تفرضون الواقع وتصنعـون المعجـزات
وآمريـن بالفرايـض وبإتمـام السنـن
العرب من شاطي النيل الى شاطي الفرات
ومن ضواحي نقرة الشام الى بطن اليمن
شلتوا عنهم مايكود الجبـال الراسيـات
ومن بغى منهم يسوي سواياكـم حـرن
الكريم اللـي بفضلـه تتـم الصالحـات
عانكم وانجاكم مـن التخـاذل والوهـن
النصيب اللي يجيب الركـاب محمـلات
ماهو بمثل المسدس اليا شحن انشحـن
اقرب من دموع الأيتام ودمـوع البنـات
وأبعد من اللي يتجور في آل سعود وزبن
دعوة صادقة فلاح القرقاح
يا مهيمن.. يا مسيطر.. يا قادر.. يا متيـن
يا مُتعالي .. يا قابض.. يا باسط .. يا صمد
اللهم احفـظ بــلادي بــلاد الحرمـيـن
واحفظ الشعـب السعـودي وقائدنـا فهـد
أصبح الجوال ساحة للنشر والمحاورات من خلال الرسائل المكتوبة وأحيانا يكون بين
ما يتداول فيها من أبيات جدير بالقراءة والاطلاع . وهذا ما دعانا لتخصيص هذه الزاوية .
المرسل : مجهول
( الجيب ) و( البلجيك ) ومعرّب الخال
تنجيك لا ضاقـت عليـك الوسيعـه
الـــرد : فـــلاح الـقـرقـاح
والله مـا ينجيـك لا حـدّك الـجـال
الا العزيـز اللـي عبـاده تطيـعـه
امّا الرجال انء عوّدت فزعـة رجـال
ترثة( سعـود ) محكّميـن الشريعـة
وهنا الشعر الصادق
أثر المرض جرّته حمرا وقلبـه غليـض
فاليوم الاسود يسل السيف لهل البيـاض
مامور منهي لكن أنشهد انـه حظيـض
يرقى الجبال المنيفات الطوال العـراض
اختار نايف يبي العليا ما يبغا الحضيض
شعاه برقٍ على روس المشاريف نـاض
لو نقدر نحول دونه مات من غاب غيض
والحاضر اسرج حصانه والوعد فالرياض
نايف ليا دقته شوكة غدا الوسم قيـض
ضحاه من غبرته لا شافه العجـل راض
نايف ليا غاب صار الكون وجهٍ بغيـض
وقام العجاج يتركّز فوق خضر الفيـاض
نايف غلا فالمشاعر والمشاعـر تفيـض
نهرٍ وروده ما تنهل بالدلـي والحيـاض
نايف مبيد المصايب تـلءد ولا تبيـض
طب القلوب الصخيفه والقلوب الغـلاض
نايف ونايف ونايف ما لنايـف عويـض
لا جا للاحداث فبطون الليالـي مخـاض
إعداد ما يمتلي العـد المحيـل ويفيـض
من مزنةٍ جالها من الارتفـاع انخفـاض
لك الثنا يا جليل الملك طـاب المريـض
تبارك اسمك وحكمك ما عليه اعتـراض
لرجال الامن نصيب من قصائد ابومحمد وقصيده ضد الارهاب
يارجال الأمن في ظلكـم كـلٍ ومـن
انتم حماة الوطن في صباح وفي مساء
جعل راس لاطمن راس غيره ماطمـن
ايحيا ويدوم في لين ولا فـي قسـى
ما عليكم خوف من مرجفين اخر زمن
من تسمى منهم بنصرة الحق يخسـى
عاصي الله من قاتـل الذمـي ومـن
احترف هدم المباني وترميل النسـاء
قدموا الارواح ما دامت الجنـة ثمـن
دون دار بالنواميس والعـز اكتسـى
الرفق وملازيم الرفق
يا رفيقي لا تضيّـع ملازيـم الرفَـق تمّهـا مثـل الرجاجيـل ولاّ خلّـهـا
رحْت تجعل في طريقي على الغفله نفق وأنا اشيّد لـك قصـورٍ يظلّـل ظلهـا
الوجيه البِيض لا راق ماهـا واندفـق دفْنها في لحُود سُود القبور اجمل لهـا
يا الله انّا في حجاياك من قـلّ الوفـق كلها جـات بسهولـه وراحـت كلهـا
فلاح القرقاح يرثي عمه المغفور له بإذن الله
سعيد بن محمد القرقاح الذي انتقل الى جوار ربه
الله يحْسن عزانا فـي راعـي الدوحـه
ويقبل دُعا اهْـل الفقيـده والمعزينـي
الكبد كنْهـا بحَـدّ المُـوس مفذوحـه
والعيـن تدمـع بـدمٍّ مـن شرايينـي
عليك يا ابـو محمـد مبْعِـد الشَوحـه
أعَـز عَـمٍّ حـزن فـرقـاه كاويـنـي
قرقاحي ٍ وافي ٍ مـا تقصـر شبوحـه
فيه النقـا والكـرم والخلْـق والدِّينـي
بيبـان بيتـه نهـار وليـل مفتوحـه
طبيعـةٍ ثابتـه فالعـسـر والليـنـي
يؤثرعوانيـه ورْبوعـه علـى روحـه
لو حَدّه الوقت يقضي الدَّيـن بالدَّينـي
زلاتهـم قبـل يعْـتـذرون مدمـوحـه
لا يرخـص المقبيلـن وْلا المقفّيـنـي
يسعى لمصلوح غيره قبـل مصلوحـه
ويسبق على الروضه جْموع المصلينـي
يمسح دموع اليتيم ويضْمـد جروحـه
ويُوصي عياله بـ( عبد الله ) ويُوصِيني
وهذيـك مشريّـه وهذيـك مذبـوحـه
أمــا لضيـفـان والاّ مستحقيـنـي
انا لهالحين اشوفـه واسمـع مزوحـه
من وين ما سـرْت ليْهـو ذا يبارينـي
كن الزياره لا جيـت ابغيـه مسموحـه
وانا ادري انّ الثرى من بينـه وبينـي
بيشدّ ( عونان ) لـ( غبيره ومنفوحه )
ومعروفه مْن القـدَم للـراس كاسينـي
حتى لو انّ الشهـاده فيـه مجروحـه
مانـي بناسيـه ليـن أوسَّـد يْمينـي
عليه ورْق الحمام انـوح مـعْ نوحـه
طلْـق النبـا والمحيّـا والحجاجَينـي
راح وقبل ما تصير الرَوحَـه الرَوحـه
خـلاّ لـي دروع وسيـوفٍ تجرِّيـنـي
اخواني اللـي ولّدهـم تكبـر مْدُوحـه
نسَبْهم اكحَـل بـه عْيـون المعادينـي
أنا سنَدهـم لا بـاع النوخـذه لوحـه
وهُم مخلبي بين الاجنـاب وجَناحَينـي
قصرٍ بـساسه وباسـواره وبسْطوحـه
عز وفخر جعْلهـا مـا تفقـده عينـي
المخدرات "آفة العصر " ترمي بمتعاطيها الى مهالك الردى .. فلاح القرقاح كتب هذه القصيدة المعبرة
بعد أن وجد نفسه في أحد الأيام أمام ضحية من ضحايا هذه الآفة وهو يضطر لبيع بعض حاجياته
بأبخس قيمة في سبيل البقاء في نفق المخدرات
لك المشتكى يا رب من ضيقـةٍ فالبـال
ضحاها غبَر وعءصَيرها مظلم ٍ حالـك
لها مخرج ٍ واحد وخمسة عشر مدخـال
في بيتٍ به المستاجر يضايـق المالـك
سببها سواياك أنت يا راعـي الجـوال
عسى الله يليّن قلبك ويصلـح أحوالـك
تعذّر بعذر ٍ ما يعَذّر علـى ايّـة حـال
وانا ادري وش اللي حدّك تبيع جوالـك
تبي تشتري لك عقدةٍ مـا لهـا حـلال
من نجءي منها يعتبـر ناجـي ٍ هالـك
تقول البحَر مالح لكـنّ العطـش قتّـال
وانا اقول مفتاح الضياع انت وامثالـك
رحء لظلمةٍ ما للنشامـا بهـا مدهـال
معَك ناس في نفس النفَق ما انت بلحالك
ظلال المخدِّر فالحقيقـه مهُـوب ظـلال
لو انه ينومس ما جهَل عَمّـك وخالـك
يخليك تشءري من يبيعك برُبـع ريـال
ويحَطّمءك لين تقوم تجفل مـن ظلالـك
لو يـورّدك بحبـال ويصـدّرك بحبـال
يلبّسك ثوبٍ خامه أسءود مـن عقالـك
مصِيرك لو انك من رجالٍ عيال رجـال
تضيّع شرفءك ودِينك ومرءزق عيالـك
لم يكن الأمر سهلاً بالنسبة لنا لنحصل على هذه الغزلية العذبة من القرقاح الذي عوّدنا
على قصائده في جميع أبواب الشعر باستثناء الغزل , شكل مختلف لتواصل القرقاح مع متابعيه.
.
يا نسيم الليل سلّم لي على اللي ما نسيتـه
وبلّغه شوقي وبشّرنـي لعلـه مـا نسانـي
واهنيّك يـوم تاصـل ديرتـه وتمـرّ بيتـه
أما انا شفقٍ على شوفه وحادينـي زمانـي
ما أبغي الا اللي لامن غيره بغاني ما بغيتـه
أشري اللي باعني لجله وابيع اللي شرانـي
فاطمٍ قلبي على حبه وحُـب حيّـه وميَتـه
كن ما غيره على قيد الحياة انسـان ثانـي
وانء بغيت الصبر والسلوان دونه ما قويته
صورته في عيوني الثنتين واسمه في لساني
وله مع الاسهم كلام ثاني
وهامور الاموال وش عاد يتلفتله
امتص دم الضعوف وجاتله عاده
مادام هذا غلاهـا عـاده شتلـه
اكيد لاجاء ثمرها غليـت زيـاده
ياليت والله فلوسه عن ابن ختله
ماجد مطور طريب وباني امجاده
شيخ ليا احتاج ابن عمه وصوتله
ايواعده ويحضر قـدام ميعـاده
وقصيده مجلس المغتاب
لا جيت لك في مجلس فيه مغتـاب
سوالفـه خلـف المقفـى شنيعـه
اما ابذل لتغييرت المنكـر اسبـاب
دافع عن الطيـب بمـا تستطيعـه
والا اخذ لك فنجال واخرج مع الباب
نزه جنابك وارض ربـي وسيعـه
هل تعلم ان اهل التنابـز بالالقـاب
بين الاخـوان يسببـون القطيعـه
والناقص اللـي للعراقيـب شـذاب
غيـر جبـل ولا تغيـر طبيـعـه
تلقـاه نمـام لا ودى ولا جــاب
وان صار له فرصه خذاها ذريعـه
والا حسـود مفتـرى والا كـذاب
ما يعجبه صيف الزمـان وربيعـه
لا عجز عن وقفات عطران الاشناب
اهل الفعايـل والنفـوس الرفيعـه
جالس عسى الله يكرم السامع اذناب
زلايـب تستقبـل اللـي يذيـعـه
وطعن وعذرب في الاسامي ولنساب
وحاول يحط بكـل طيـب هزيعـه
ما يدري ان ما دون عين الله حجاب
وصكـات دورات الليالـي سريعـه
الحق يأتي له بعـد حيـن طـلاب
اليـوم والا الصبـح والا تبيـعـه
والرابح اللي لا ذكـر زلتـه تـاب
لا خالف سلوم ولا خالف شريعـه
وهنا قوله في الجنوب
الرعد والبرق والغيـم وانسـام الهبـوب
والمزون اللي تشـوق العيـون نصوبهـا
ساقها الرحمن من كل حدب وكـل صـوب
والتقت من فـوق قمـة عسيـر دروبهـا
نطحت السحب الركاميـة جبـال الجنـوب
وفي سماها ذابت جنوبهـا فـي جنوبهـا
الشوامخ لبست الثلج والماء لبـس ثـوب
والسهـول استقبلـت ضيفهـا باسلوبهـا
الارض صارت تحت زخم النوامي والعشوب
جـادلٍ صبحيـة العيـد تلبـس ثوبـهـا
عيطموس وبنت شيـخٍ معنـز ومحسـوب
فتنـةٍ مـن ناصيتهـا الــى عرقوبـهـا
قبل ثلاثين عام والمدرسه
يا سيدي قبـل تقريبـا ثلاثيـن عـام
سقت اول خطاي بين البيت والمدرسة
ودرست كل الكلام اللي عليـه الكـلام
في الفقه والجبر والتفسير والهندسـة
قريت سيرة رسـول الله خيـر الانـام
وادركت ليش الوطن يستاهل نقدسـه
وعرفت كيف انتصر عبدالعزيز الامـام
ووحد وطنا ولـم اشتاتـه وسيسـه
وزميلي اصبح مثالي في الادب والنظام
يهتم في كتبـه ويهتـم فـي ملبسـه
اللي من اول يشيل مسدسه في الحزام
صار قلمه محزمه وكتابـه مسدسـه
الطالب اكرم بعلـم وتربيـه واهتمـام
والحر يفرح بـه الصقـار لا قرنسـه
هنا وصف رائع
بريةٍ ما طب في السوق نوعها
بهارها غالي وحالـي قدوعهـا
خيرة ثمار الباسقات المشمرخة
خضر الجريد اللي طوال فروعها
عز الله ان فنجالها يبعد الخـوا
وهاذي مواطنها وهاذي ربوعها
وقصيده الي جمهوره
ياعظيم(ن) كل ما قال كن للشـي كـان
فوق ظهر البر والا تحت بطـن البحـر
بين غلطات الجوارح وسقطات اللسـان
خوفنا من قلت الزاد ومن طـول السفـر
أنت غافر ذنب من تاب وأنت المستعـان
عفوك يوم تكور الشمس وينشق القمـر
يالقويفل ودي أصدر لجمهـوري بيـان
وزعه في كل موقع شعر من غيـر أمـر
وحط له في كل صفحة يابومسفر مكـان
وثبته بالصوت والصورة أكثر من شهـر
فيه بيت للهواجـر يـردد مـن زمـان
من ورا تثليث والفيض لبقيـق وقطـر
قال فيه الشاعر اللي صهل مثل الحصان
لا زعزع قحطان قمنـا نحـذف بالغتـر
والسلوم اللي بنوها وسيعيـن البطـان
منهل(ن) لكبار وصغار وشيـوح وجبـر
نطلت شماغي بيمنـاي لطـوال اليمـان
طالت(ن) لوجيه ربعي وناموس وفخـر
جملوني بين الأجناب صبيـان قحطـان
قلت خل الروس تدجر ويضربها الصطر
واقحطان إن زانوا زيان وإن شانوا شيان
وإن داعى الداعي غدو جن في هيئة بشر
وهذه ابيات وجهها ابومحمد للشاعر مضواح بن شتوي الحبابي
لاصرت للهاجوس من ضمن الأسرى
وصار القدم حفيان والـرأس حاسـر
وخذابك التفكيـر غبشـه ومسـرى
وجاء الحظ من عقب التيامن تياسـر
ترى الرجال اثنيـن يمنـى ويسـرى
وللطيب في عيال الحمايـل مكاسـر
ارتك على اللّي لا غشى اليسر عسرى
يشبه لمضواح الحبـاب أبـو ياسـر
يملك مقاليد الشـرف ملـك كسـرى
وابيّن من ابن قويد بيـن الدواسـر
الله يقـول أن مـع العسـر يسـرى
والخاسر اللي مـن كرامتـه خاسـر
اتعب ترى المعراج من بعد الاسـرى
واختر سلاحك تنقله وانـت جاسـر
وأعذرونا على القصور نفداكم
أخوكمــ المحبــ
محمد آل غانمــ
07-03-2008, 02:12 PM
مقتطفات جديده من شعر الشاعر الكبير فلاح القرقاح
العرض العادي
