روح الــــبــــداوه

[كميّخ الهاجري]

السلام عليكم ورحمة الله وبركاته،


إليكم هذه المتواضعه والتي أتمنّى أن تنال ولو بالقليل من إستحسان ذائقتكم،



صـــلّـــوا عــــلــــى الــــنــــبــــي،

ياقلب وش لك بالهوى والغنادير=خل الهوى للّي حياته شقيّه
كم لك على درب الهوى عاكس السّير=والنّاس تهنا بالحياه الهنيّه
عوّد على شفّك وشفّ المناعير=شوف الحيا في قاع خضرا نديّه
هذي مجاهيم(ن) وهذي مغاتير=وهذيك شعل(ن) باركات(ن) رويّه
وهذا لحق ناقه وذا قيّد ابعير=وهذاك صلّح دلّت(ن) شاذليّه
ودوج(ن) مع البدوان في حزّة اعصير؟؟=وريح الخزامى والنّفل في يديّه؟؟
وشوف الدبش مابين ورد ومصادير؟؟=غناة عند أهل النّفوس الغنيّه
وضيف(ن) لفا عقب التّعب والمشاوير=يامرحبا واقلط ويالله حيّه
وتنساقله صفر الدّلال المباهير=ماهو يذوق البنّ من زمزميّه
يجلس ثلاث أيّام من دون تبرير=على الشّحم واعلوم ماهي رديّه
ومن عقبها نقضي لزومه على خير=وإلى بغى المرواح روحه نقيّه
هذي طرات أهل الوجيه المسافير=اللي بها روح البداوه مديّه
وهذي طراتك قبل شوف الغنادير=عوّد لها وتشوف عيشه هنيّه

وســـــــــــــــــــــــــــــــــــــــــــــلام ـــــــــــــــــــــــــتــــــــــــــــــــــكـ ــــــــــــــــــــــــم.

[موكب]

صح لسانك مليووون اخي الكريم كميّخ الهاجري

ولا هنت ولا هان بوحك

قصيده في غاية الروعه والابداع

سلمت يداك بما خطت لنا من ابداعات

ولا تبخل علينا في جديدك

دمت بخير

[الهتلاني79]

السلام عليكم ورحمة الله وبركاته

كميخ الهاجري صح الله لسانك


ودوج(ن) مع البدوان في حزّة اعصير؟؟
وريح الخزامى والنّفـل فـي يديّـه؟؟


الله عليك

[مناحي الصميل]

الله الله يابو راشد



أنشدك ذاك الليل يوم حنا بعرس الربع وتقول ما كتبت شيء




فالك البيرق

وصح لسانك ملياااار ولا يكفون

ولا هنت

[فيـــصل الشمري]

وضيف(ن) لفا عقب التّعب والمشاويـر=يامرحـبـا واقـلـط ويالله حـيّــه

كفوو والله

كميخ الهاجري

صح لسانك ولا هنت على القصيده

[نـاصـر]

كميّخ الهاجري

صح لسانك واعتلا شانك على هذه الرائعه

تقبل مروري وإعجابي بما تكتب

[جطلي بن فهد]

الله الله

اقلاع شعري لامثيل له

مافيك حيله


وهذي طراتـك قبـل شـوف الغناديـر
عـوّد لهـا وتشـوف عيشـه هنيّـه



اشهد اني بعود لها
صح لساااااااااااااااااااااانك

[كميّخ الهاجري]

أخوي/موكب.




صح الله ابدنك،ولاهنت على المرور والإطراء الجميل.


تقبّل تحيّاتي.


أخــــــــــــــــــــــــــــــ(كميّخ الهاجري)ــــــــــــــــــــــــــــوك.

[كميّخ الهاجري]

أخوي/الهتلاني.





صح الله ابدنك،ولاهنت على المرور الجميل.


تقبّل تحيّاتي.



أخـــــــــــــــــــــــــــــــــــــــ(كميّخ الهاجري)ــــــــــــــــــــــــــــــوك.

[كميّخ الهاجري]

أررررررحب يابو فهّاد.



لا هذي حصريّه وألا أنت مانتقدر نخش عليك شي.






صح الله ابدنك ولاهنت على المرور يالقرم.



تقبّل تحيّاتي.




أخـــــــــــــــــــــــــــــــ(كميّخ الهاجري)ــــــــــــــــــــــــــــوك.