(فيديو ) طرد اليامي . لاول مرة في المسابقة. ما رايكم

[غـزلان]

المشاركة الأصلية كتبت بواسطة البليهي

اولا مشكوره اختنا غزيل على الموضوع


انا سمعت بالسالفه قبل لا اشوفها وبعدين شفت دعايتها


وكان عندي صوره قبل لا اشوفها ان الموضوع ضخم



ويوم شفتها طلعت فبركه اعلاميه



اليامي غلط على صفوق وقال له انت مشتت يعني مانت بطبيعي او ماكل لك شي


وصفوق مثل ماذكروا الاخوان شكله معقد او له سالفه شخصيه مع اليامي موجعته << تحليل شخصي لانه من اول ما كلمه كان مندفع وكنه يبي يتهاوش مو لجنه حكم



ويمكن عاد في كبده فوز بن فطيس بشاعر المليون <<< مجرد راي

اليامي وان غلط .. فصفوق تمادى في الغلط


والله شكله المليون في كبده ... شكرا لك يا البليهي على المرووووور

(البليهي .. عادت المواضيع الى مواطنها .. ولا نعلم من وين)



.
.

[غـزلان]

المشاركة الأصلية كتبت بواسطة محمد المجول

السلام عليكم ورحمة الله وبركاته

أحب أضيف رأيي المتواضع في هذا الموضوع

الشطر الأول اللي حصلت عليه المشكله

يشهد على ماأقول قول إبن جدلان

والشطر الثاني

من عقب الأعشى والفردزدق ترى حان

وهنا يأتي سؤال بدر صفوق

هل ترى أن عندك المقدره إنك تتجاوز الأعشى والفرزدق وإبن جدلان؟

مع العلم كان موجود أسم الشيخ راكان بن حثلين في القصيده وماأذكره

بن صفوق

المهم السؤال ماله أي معنى لأن الشاعر ماقلل من قيمة الأشخاص الثلاثه

بل على العكس الرجال ذكر إن الشعر من بعدهم بدأ فيه نوع من التوهان

إذاً السؤال بعيد كل البعد عن موضوع القصيده ولاله أي مغزى سوى إنه

أراد أن يقلل من قيمة الشاعر .

واليامي ماقال لأبن صفوق أنت متشتت إلا بعد ماقال له في مستوى هالقصيده

ماراح تتجاوز نفسك !!!

هنا رد عليه اليامي بهذا الرد .

وأنا أؤيد أخي البليهي في تحليله

أن هناك امر شخصي بين الشاعر وبدر صفوق

أسف على الإطاله وإسمحولي على المشاركه المتواضعه

تقبلوا تحياتي

تفسيرك .. وضح مسالة اللبس بين من بدأ بالغلط .. وارى ان اليامي .. غلطوا في حقه وليس لهم حق

وانا لاحظت بعد انه تجاهل اسم راكان بن حثلين .. مع انه ذكر كل الاسامي اللي قالها اليامي في

القصيدة

اشكرك على المرور وعلى التفسير

[غـزلان]

المشاركة الأصلية كتبت بواسطة حلا العجمان

السلام عليكم ورحمة الله وبركاته
اشكرش اولاً على الموضوع الي كان بخاطري احد يقولي شي عنه لأنه رااااافع ضغطي بشكل مهب طبيعي#

ثانياً انا ابي افهم هو ليه الي يقاله بدر صفوق يتكلم كيذا وش شايف اليامي قدامه غير من اول مادخل وهو مهب بالعه خير وش السالفه عسى ماشر عط عمرك العافيه ومس القاع
وثانياً صادق اليامي يوم يقوله انت متشتت والله انه صادق ولو قاله ان عقلك فيه وشه يمكنه ابرك عشان يطرده على شي يسوى واليامي ماقال شي ذولا رياجيل اسبقوه بالشعر في عصرهم وهو انشالله انه بيوصل اما اليوم او بعد قرن سوعاله بن صفوق ما كان له سنع

وصراحه لو اني في محل اليامي بعد التصوير اتوطا في بطنه واعلمه وشلون يطردني.

واسمحيلي على الاطاله.

هلا حلا العجمان .. كفيت ووفييت .. ياحلااااا .. والمسابقة ما هيب تذل الواحد

["اعتذار"]

النقد ما عمره كان بهالأسلوب " الوقح " أكرمكم الله ,,, وماكان له حق يطرده بهذي الطريقة


البايخة ,,, بعدين النقد توجيه واليامي ما غلط أبدا عند مقارنته بالشعراء الآخرين ,,


المهم إن مصفوووووق مدري صفوق مترصد له من البداية ,,


والله يعين دام ذا أولهاااا!!!!


تقديري


"اعتذار"

[saprj]

وعليكم السلام ورحمة الله وبركاته

أنا صراحه شفتها في ديوانيه ... و كل الموجودين تقريبا أستهجنوا هالتصرف الأهوج و الحاقد

من المدعو صفوق ... و اليامي ما غلط على أحد ... بل كان جوابه أنه من حقه أن ينظر للأعلى

و هذا مدح للأشخاص اللي ورد ذكرهم في القصيده ... و لكن الحقود صفوق أستثاره بالتقليل

من مكانته و قوله إنه لن يستطيع أن يتجاوز حتى نفسه ... و رد اليامي له قليل بحقه ... و

يستاهل يقال له أكثر منه ... و إذا أستمر في البرنامج راح يخربه و يفقده شعبيته ...

[ريف الضعيف]

السلام عليكم ورحمة الله ...... اسعد الله اواقتكم بكل خير
اول شي اقول لشاعر علي اليامي يسلم راسك والشك زايل
واما بالنسبه للموضوع اللي حصل الصراحه يفشل وان دل
يدل على ضعف لجنة شاعر المليون التي اصبحت في منتهى
السخافه تدرون ليش .......
اولا - انضمام بدر صفوق الى اللجنه هذا اكبر خطأ
هذا وين ومستوي التحكيم وين انت بس شوف اسلوبه
ثانيا - خروج الاستاذ علي المسعودي اكبر خساره
ثالثا - المفروض بعد سماع كل قصيده تتشاور اللجنه
وبعدها يعلن فقط رئيس اللجنه النتيجه مقبول او مرفوض
رابعا - اشوف ان المسابقه ما راح تظهر في مستواها
المطلوب حيث ان الكثير من الشعراء المميزين لم ينضموا
الى المسابقه ........
واتمنى لجميع شعراء يام التوفيق في المسابقه

اشكر اختي غزيل على طرح هذا الموضوع
تقبلي تحياتي ومروري ......

[الدارمي التميمي]

السلام عليكم ورحمة الله وبركاته

أنا شفت الحلقة
ومن وجهة نظري المتواضعة و كوني محايد
اليامي أبداً ما غلط ولا شيء
بس الي شفته في الحلقتين التي عرضت في شاعر المليون
أن أسلوب بدر بن صفوق استفزازي دائما ولا يهون المريخي


تحياتي لكم

[(( سهيل ))]

طرد غير مبرر ومقبول باختصار

[مناحي الصميل]

اكتفي برد اخي الشاعر محمد المجول

كفىى ووفىى


شكرا

[لاتغرك البهرجه...]

اشكر الاخت على طرحها للموضوع والفيديو 0



قبل لا نعرف من الغلطان


طريقة بدر صفوق في الطرد تنرفز

شنو انت تقول للرجال( اطلع برا)

حدث سو تفاهم مو مشكله بأدب يا اخي تقوله لو تكرمت حنا مستبعدينك
اما اطلع برا ذي تطلع من انسان ما يحترم الناس وبالتأكيد هو مو محترم



وعلي اليامي ما شفته غلط الا بعد ما نرفزه


انا ماني شاعر ولو يسألني احد ودك تكون افضل

من ابن جدلان والفرزدق بقول ايــــــــه بالله ودي



بعدين انت ماراح تتجاوز نفسك


من باب الافتراض





القصيده سيئه ماتقول لرجل داخل برنامج يصنع شعراء



هالكلمه لانه بالطريقه هذي انهيته او كسرت مجاديفه



وبصراحه مالوم علي اليامي يوم يقوله انت مشتت


وانا اشوف القصيده مافيها ما يعيبها









وعلى فكره من شروط بدر صفوق المشاركه بالبرنامج

استبعاد علي المسعودي من لجنة التحكيم ورفضوا في

الجزء الاول والمسعودي الحين قطري وكبهم

هم وبرنامجهم


اعتذر ان اطلت بس والله الشغله تدبل الكبد