الشيخه شيخه كانت هنا....

[الشيخه شيخه]

[الشيخه شيخه]

[الشيخه شيخه]

[الشيخه شيخه]

بعض العرب ماينعطي وجه بالحيل= وليا عطيته وجه صارلك عله
وبعض العرب ماله سنع لكن حليل= بالضبط كنّك لاتمعنت ظلّـــه
وبعض العرب شقرا وشقرا مع الخيل= ماينفعك لولا الرموش المظلّــه
وبعض العرب لايعجبك ثرثرة ليــل = وباكر ترى ماقال لك شيء للــه
وبعض العرب مرسال مدري مريسيل = يساير العالم وهو حاصــلٍ لـــه
وبعض العرب يسلخ وينفخ وهو ريل = وفي زعمه أنه يفهم الكون كلّـــه
وبعض العرب ماغير بندق ودربيل = ومنين ماهب الهواء جـــايزٍ لــه
وبعض العرب يطلع كما طلعة سهيل = ويغيب نجمه قبل دربـــه تدلّـــه
وبعض العرب يوذيك بالقــال والقيل = تجلس معه ساعة والأخرى تمــلّه
نذل وخسيس يفصل الهرج تفصيل = وليا لقاله طيبٍ يسْتغله
وبعض العرب منظر وكشخة وتحليل = شبح بحال والحال الأخرى كورله
لاشفت زوله من خيار الرجاجيــل = واليا عرفته ماتجيه بمحله
وبعض العرب ماضيه ليلٍ على ليل = قد بصّموه وصوروه الأدله
وبعض العرب لاوالله إلا تهــاويل = مهما عقدت الحبل لازم يحـلّه
قد دربوه ولكّعوه الرجـاجيـــل = من قبل لايصير الحدث جاهزٍ له
وكانك شجاع صحيح حارب اسرائيل= قبل اليهود القدس لا تستحـله
وكلش يهون إلا الثلاث الغرابيـــل = المهزلة والمسكنة والمذلـه

[الشيخه شيخه]

♥
♥

اشِتقتْ لكَ وَ اشتقتْ لَ صوتكْ
. . . . . وَ اشِتقتْ ليا قِلتْ لي " لبيه"

♥
♥

[الشيخه شيخه]

ليت الوفا فارس / وليت الزمن خيل
ماكان قلبي في غيابك تباطاك...........

[الشيخه شيخه]

[الشيخه شيخه]

[الشيخه شيخه]

ليت العمر ينباع والله لشريه
وأروح للطيب وأزود سنينه

وإلا الردي لعل تقصر لياليه
ما من وجوده فايده خابرينه

أفزع مع الطيب عسى الله يخليه
اللي لفعل الطيب تبذل يمينه

خل الردي لعل تكثر بلاويه
ثقيل دم وفوق ذا ثقل طينه

ياللي عبيده تطلبه ثم ترجيه
أعطف على عبدك وقوه بدينه

وإلا الردي ما همني وش يجي فيه
لو غاب ما همب العرب فاقدينه

لا واحسافه كيف يصبح مساويه
النذل والطيب سوى بالسفينه

مواقف الطيب تعزه وتغليه
وإلا الردي لعل ربي يهينه

أشكي على اللي شامخات هقاويه
أبو محمد جعل ربه يعينه

مواقفه هالحين وإلا بماضيه
ترفع له البيضاء على أعلى جبينه

اللي يلبي كل صوت يناديه
رجل المواقف كلنا عارفينه

إليا لفى كل الجماعة تحييه
أحد يحب الخشم وأحد يدينه

من حشمته كل يحبه ويغليه
أبو محمد جعل يبطي ونينه

أقول كلمة حق والله ما أرجيه
أرجي كريم كلنا عابرينه

[الشيخه شيخه]

يا شارب الكيف الحمر سو فنجال
ترا المراجل ساســـها نيـــة الخـــير
فنجال خطو الغشمري يشرح البال
وقت الضحى لا قربت حومة الطير
صبه على شيالة الحمل لو مــــــال
زمل الصخاني ما تهاب المخاســير