من يعرف إسم هذه الطريقه ؟

[العــــديم]

السلام عليكم ورحمة الله وبركاته ..



قبل ظهور شمايل الناقه ..
كانت هناك طريقه قديمه يستخدمها البدو لمنع ( الحوار ) من رضاعة أمه ..
وهي عباره عن عيدان من ( الرمث ) .. + خيوط صغيره ..
تربط الخيوط على ( سمّة ديد الناقه ) وتثبت بعيدان ( الرمث ) وتمنع (الحوار ) من الرضاعه !


السؤال :
الطريقه الحديثه في منع الحوار من الرضاعه هي( الشماله )..
فماذا تسمّى هذه الطريقه القديمه ؟

يالله شدوا حيلكم ؟





وهذي صوره للتوضيح ..

[عـزوز]

ترى جلوي متبرع للي يحل ذالسؤال بـ سطل سمن هههههه

منو الذيب اللي بـ يجآوب ويكسب سطل السمن

لاهنت يالعديمـ




,
,

[العــــديم]

الجائزه عند جلوي أجل ..

ولاأنت عزوز

[الوفاء]

.



وعليكم السلام ورحمة الله وبركاته




معقولة المنتدى ما فيه بدو


العديم الله يعطيك العافيه

و بـ إنتظار الإجابة






.

[العــــديم]

واجد البدو

الطريقه هذي قديمه .. ونعذر اللي مايعرف
ومع ذلك نبي الأخوان يجتهدون ويعرفون أسم الطريقه


الله يعافيش الوفاء
وشرّفتينا بالمرور الكريم

[ابو الخير]

السلام عليكم انا اقول اسمة الصرار عندالبدو قديم الحين تطورو وحطو الشمالة الهدية جاهزة

[(بوسالم)]

الصراره أو الصرير وفعلا كان يستخدم لمنع الحوار من الرضاعه ولاهنت يالعديم

عالمواضيع الطيبه الي ماتجي الا من الطيبين شرواك.......تقبل مروري.....

[العــــديم]

المشاركة الأصلية كتبت بواسطة ابو الخير

السلام عليكم انا اقول اسمة الصرار عندالبدو قديم الحين تطورو وحطو الشمالة الهدية جاهزة

أبو الخير
ماشاء الله عليك
إجابتك صحيحه إسمه ( الصْرَار )
وجائزتك عند جلوي بن سبعان

لاهنت أبو الخير

[العــــديم]

المشاركة الأصلية كتبت بواسطة (بوسالم)

الصراره أو الصرير وفعلا كان يستخدم لمنع الحوار من الرضاعه ولاهنت يالعديم

عالمواضيع الطيبه الي ماتجي الا من الطيبين شرواك.......تقبل مروري.....

أبو سالم
ماعليك زود
صحيح كلامك ..
وسبقك ع أسم الطريقه ابو الخير

أشكر لك المشاركه
ولاهنت

[الـعـابـر]

لاهنت العديم على المعلومة القيمة