الشيخه شيخه كانت هنا....

[الشيخه شيخه]

مقدر أنساك الله وكبر كيف لا حباب ينســــون
وكيف ينساني وأنا مــا نسيتـــــــــه

أهو الذي للقلب هون على هــــــون
وهو سري وللبشر مــــا فشيتــــــــه

بديت أنا وياه بحب ليلى لمجنــــون
وجددت حبٍ بيننا قــــد نسيتـــــــــه

أنا الذي للحب صابر ومفتـــــــــون
وشلون بنسى حب أنا قـــد بنيتـــــه

دام الجفا صايـر بالهون بالهـــــون
لأن الحقيقة هجركم مـــا هقيتـــــــه

دمعه ورى دمعه من عيوني يهلون
وكيف ينسى القلب خلٍ هويتــــــــه

[الشيخه شيخه]

مشتاق أنا أسمع منه اليوم(لبيه)
ودي أعيش بجوها لو ثواني

بس أتلهف كلمته يوم أناديه
وليا نطق لبيه طحت بمكاني

أعيش في عينه وأنا ميت فيه
في وسط عينه كون من نوع ثاني

فديت خصلة قذلته يوم تذيه
حتى جبينه صار منها يعاني

الموت لاجاه الهوى وصار مشقيه
ثم انشغل فيها وأنا الموت جاني

ويا ويل قلبي لا بكى يوم ألاقيه
عقب البطا لا شفت زوله لفاني

يقول أنا مشتاق والشوق يعنيه
وأقول أنا اللي فيك ربي بلاني

وقمنا نسولف عن هوى عاش ماضيه
وبعض الكلام إن قيل زلزل كياني

وقام يتمنى قلت أحقق أمانيه
وأثره تمنى الموت كانه نساني

يا زين هرجه لا تكلم يغنيه
حتى كلامه صار مثل الاغاني

وإذا أنتهى وقت اللقى قمت أهديه
وأقول لا تعجل ترى العمر فاني

يقول أنا ما أقدر وأعاند وأسليه
من عقبها يضحك ويجلس ثواني

وأزعله ويفز وأرجع وأراضيه
ويقول أحبك والمصيبة أناني

كان اللقى عشرة دقايق وأخليه
وصار اللقى ساعة وساوت زماني

وراح يتمشى ماخذٍ قلب غاليه
بس يتلفت وبعيونه معاني

فزيت له مجنون ثم صحت أناديه
ثم قالها ( لبيه ) وطحت بمكاني

[الشيخه شيخه]

ترجيتگ وانا دموعي تنادي لا تفارقني
تعال وعالج إحساس ٍ جرحته حيل وأهملته×

قتلت الشوق في لحظة عنادگ وأ نت ظالمني
وحب ٍ ماآات في مهده حبيبي كيف أعدمته ..؟

تناسيت الغلا وبعدك ياليت المووت ياخذني
وترحل روح محرومه عزاهاآآ حب ترجمته..

جفاگ و صدگ اسهرني ودموع الحب تحرقني
تشتت فگري وقلبي عطيته لگ ولا صنته

تغير قدري بقلبگ وفيگ ظنون تاخذني
قسيت وقلبك القاسي وانا للود علمته

خذوني من دفاآآ قلبگ وياما گنت توعدني
نسيت الحب و أخباره وگنّك ما تحضنته

تردد لي صدى صوتگ (أحبگ ) فيها أطربني
وانا لازلت ارددها وحبّگ لي تجاهلته

.... لا تخليني انا ما اقوى تودعني
تعال ارجوگ في قلب ٍ ترگته يموت حطّمته

أحبگ والجروح اللي من عنادي تعذبني
تراني حيل ندماآآنه وعنادي أنت روّضته

گفانا جروح ياعمري طلبتگ لاتزعلني
أنا ما اقدر على الفرقى تعال بقلب جننته

وضمه حيل لا تقسي لعالم ثاني أسرقني
ولحظة حب تاخذنا وهذا الحب هو أنته..

[الشيخه شيخه]

لاتكتب همومي وترسم عذابي
وانا تركت الناس واخترتك انته

قلبي فتح لعيونك السود بابي
من عقب مافي وجه غيرك غلقته

لا تقول معلن فالغرام انسحابي
وانا لجل حبك فوادي فتحته

حب خطف قلبي وضيع صوابي
واضح ولا اول عنك شعوري كتمته

والله لو تعلم بحب غدا بي
ان كان عمرك لاجل عيني نذرته

لكنني مخفي عن الناس مابي
والحب ترخص قيمته لو نشرته

تعال اجدد معك بهجة شبابي
واعيد عمر قبل شوفك حرقته

تعال داوي في حياتي مصابي
وانا بعوض لك زمان هدرته

ياسيدي ياعالي القدر والجنابي
خليت كل الناس واخترتك انته

[الشيخه شيخه]

شيدت لك في داخلي قصر وصروح
وعيون تنبع من عذوبة جفونك

واخلصت لك بالود والقلب مفتوح
ينطر على بابك يخـــــيّل مزونك

أظل أنا وياك والشوق مفضوح
يرجي وصالك كل ماشاف كونك

تجرح خفوقي غيبتك مالك الروح
والنفس تبقى ياولــيفي تصونك

بكيت أنا والقلب غآفي ومجروح
ودموع عيني هيضت لك شجونك

أضحيت أنا والهم والصوت مبحوح
والحيرة اللي اشغلت بي عيونك

عزي لحالي يرتجي لحظة البوح
والفكر شارد في تباريح كونك

يا ليت تقرا وش مسطّر على اللوح
تعرف غلاك وضيق صدري بدونك

[الشيخه شيخه]

لا تهمّك . .
عيني لو يوم : إغرقت
لأني كلّي - قبل لا أعرفك . . . . ( غريق ) !
كان فيني " روح " كااان وفارقت
الحزن مثل : الحَطَب . . . وآنا الحريق !
كل ما شفت السما فيني إبرقت
تمطر عيوني . . . . و إحساسي رقيق !
إنت وإلا الناس عندي ما إفرقت
وقت أحزاني . . . محد غيري [ يضيق ] !
كانت الفرحه { هنا } وين إزرقت ؟
في طريق أمشي وهي تمشي بـ طريق !
الطعون ضيوف ويوم إنْهَا إطرقت
باب قلبي أفتحه . . . . و ألقى صديق !!
الصداقه شمس ولكن ما إشرقت !
كل ما أبني " رفيق " . . أهدم : رفيق !
ناس ماتسوى على أكتافي رقت . .
وإنت غااالي . . مرقبك : قمة طويق !
إيد غيرك ياما من فرحي إسرقت . . . .
وإنت عااادي . . شف لإيدك وش يليق !!
منت آخر شخص . .
وراااسك :
ما إفرقت !
ومنت أول . . من جرحني ,
لا تضيق !

[الشيخه شيخه]

لاجيت ابنسى .. واتراجع .. واسامحك
صاحن جروحي واشتكن لي طعونـك

كلك خيانه قول .. وشلـون ابمنحـك
وش موقفك من شخص .. دايم يخونك

اكبر خطا لو جيـت يمـك اصالحـك
اوّل تحـول .. لا تغـرك .. لحـونـك

اللي تقوله صح لـو كنـت جارحـك
(مير) انت غارق للاسف في ظنونـك

وصفك نسيته بس .. باقـي ملامحـك
بنهيك وانهـي .. بالنهايـة جنونـك

ماتستحق (امـد) كفـي واصافحـك
مثلك غلط عمري .. وابحيا .. بدونك

لعبت دورك شاهـدات ٍ مسارحـك
خدعتني واظهـرت خافـي فنونـك

كنت اعتقد قلبي هو ابرز مطامحـك
اللي يبيـع النـاس .. لجلـه يصونـك

تعبت اسوق الشوق عندك واصارحك
اخلصت لك بالحـب شوفـة عيونـك

لكن خسارة صـرت غايـة مصالحـك
ياليتنـي ماجيـت .. لحظـة بكونـك

بالامس كنت بنشوة الحب امازحـك
اخيل برقك .. واتحـرى .. امزونـك

واليوم من صفحـة حياتـي ابمسحـك
هديت صرحك ثم طاحـت اركونـك

ولابي عيوني لـو تصـورت تلمحـك
اعلنت موتك وانسجن لـي كفونـك

وان جيت تطلب ترتجيني اسامحـك
بهديك طعنة مـن بقايـا .. طعونـك

[الشيخه شيخه]

صرخت بحسرتي [يكفي] صرخت بصوتي [المبحوح]
تعبت [أشكي ]تعبت [أبكي] .. تعبت أحكي مآسي [الروح]
[قتلني] الوقت بظروفه ذبحني وجفف [أنهاري]
أخبي علتي وأسكت وأنا في [داخلي مذبوح]
أجامل وأرسم الضحكه وأنا [قلبي على ناري]
أحاول وربي يعلم بي أداري دمعتي لا [أبوح]
أداري [الجرح] وأتجاهل عن اللي ينشد [أخباري]
أقول بخير لكني [جريح] وفي حشايا [جرووووح]
صداها لو [دفنته] يوم يبين سنيني [بأنظاري ]
صرخت بحسرتي ((يكفــــي)) صرخت بصوتي [المبحوح]
ألا ياوقت وش [ذنبي] عشان الفيك [بأعذاري]
تبعثر [حلــــمي] قدامي وغديت بدنيتي [منزوح]
وقفت ولا قدرت أجمع مغير [مشتته] أفكاري
أمني النفس [واخدعها] واقول إن كربتي [بتروح]
وهي [وربي] مولوده قدر في كون[أقداري]
قتيل [[[والبقا براسي]]] في دنيا مابها [مصلوح]
[قتيل ]والقهر [قاتل] من اللي ياخذ [بثاري]
أنا ببقى [ضحية ]وقت أعاني والعنا [مجروح]
دعيت اللي خلق يرحم رجيته ربي [الباري]
أبي أسعد انا [بلحظه] قبل نزعة [توافي] الروح
قبل [مارحل] عن الدنيا وأروح لآخر [دياري]
أنا بحمل صديد [الجرح] في باقي وقتي [المسموح]
واذا [[وافتني]] القدره ترى [[هالبيت]] تذكاري
رثاني دمعي [الطاهر] في صمته مارضى [بالنوح]
رثتني [قسوة الدنيا] ورثتني حتى [اشعاري]
وجزت اللي [[ذبح قلبي]] وعشته بالخفا [مشروح]
لجل [ماضعف] بعين اللي ينشدني كيفها [اخباري]

[الشيخه شيخه]

أبفتح كل صفحاتـي وأبحـكي لك مـن الوجـدان
وأنا أترجـاك تسمعـنـي وتعـرف كـل مافينـي

أنا ليـلٍ طـواه الهـمّ وفجـره للأسـف مابـان
ظلامه زايدٍ عتـمـه .. ولابـه نـور يضوينـي

أنا بحـرٍ عميق القـاع وموجـه يشبـه الطوفـان
ولابه زورق يرسـي علـى سطـحـه يسلينـي

أنا عمري ولحـظـاته .. ألـم مع هـمّ مع أحـزان
كتمت الجـرح في صدري وناره حـيـل تكوينـي

عطيتك كـل ما أملـك ومايغـلـى لعـينـك هـان
أبيك تكون .. لي وحـدي .. حـبيب وماتخـلينـي

بنيت بداخلي < قـصـرٍ > أبيـك تكمـل البنيـان
لقـيتك هادم < قـصري > وساسـه بـدّل بطـينـي

يهـلّ الدمع من عيني إذا شفـتـك علـي زعـلان
وأدوّر كل مايرضـي ... ضميـرك يامعـنينـي

تحـمّلت الطعـون وقـلت لك باكـر تصيـر إنسـان
وبدل ماتشفـي طعـونـي .. بسكينـك تعـادينـي

نهاية حـبنـا بانـت . . بـروح لعـالـم النسيـان
حـلفت أنساك ياخـلي .. وأنا مابيـك تطـرينـي

أنا عندي كرامه وإنت صعـب إنـك تهيـن إنسـان
يصون العـهد في حـبك .. خـساره طحـت من عيني !

أنا ماخـون ياخـاين وحـبي ماعـرف نقـصـان
بتـمّم كلمتـي وأنهـي غرامـك مـن شراييني

[الشيخه شيخه]

غمض عيونك وضم الليل بأهدابك
وعطني يدينك أبيها تلامس يديني

يصحى لك الشوق لامن الحكي جابك
ويغفى بي الهم لامن غبت ياعيني

كل ماطروك أنكسر قلبي وغنّى بك
وكل ماحكو فيك قام الدمع يشقيني

ودعت أنا راحتي ونو مي من أسبابك
وصرت أتعطش وشوفك بس يرويني

كل المشاوير توقف بي على بابك
أنسى الخلايق ولا أنساها عناويني

أشتاق لمعاندك وأشتاق لعتابك
ودي أضمك وشوفي الشوق مضنيني

أذكر تفاصيل وريح العطر بثيابك
وأذكر زعلنا وعتابك لي يبكيني

سقى الله أيامنا راحت مع غيابك
هذي النهايه ونار البعد كاويني