من قصايد //ابن قضعان

[حمد]

فمان الله يا أول من سكن بين الظلوع العوج

عسى دربك سفير وياعسى الله مايخليني

توكل لا توادع رح عسى درب الجفا المسهوج

يصادف درب فرقا عقبها ماتلمحك عينــــي

سمحت من الهوى ومن القصيد ومن زراق الموج

ورميت أغلى مجاديف الغرام وجيت بيديني

أبغرق في عذابك لارحلت ويصبح المنتوج

قصيد ٍ في حياتي سلوتي وان مت يرثينــي

وأذا هبن بنات الريح للذكرى بدون سروج

أبسرج مهرة النسيان وبرحل من عناوينــي

ابنسى لين أسج وأرسل الونات فوج وفوج

وبنسى دمع عيني ينتثر ونساك من حينـــي

صبور أي والله أني ماثنيت العزم قبل أدوج

بريضان الجفا واهمال وصلك ليل تسقينــــي

شجاع أي والله أني ماعرفت الذل قبل أسوج

قدم رجلي على درب ٍ لبيت أهلك يودينــــــي

كريم أي والله أني ماعرفت الشح قبل تروج

دموعي في عيوني ثم أشح بحسرتي فيني

أحبك..حسبي الله ليت مالك في سماي بروج

ولا لك في البسيطه ةكود شي ٍ بينك وبيني

دخيلك رح بفالك ياغناتي وأترك المرجوج

تغانم مابقالك ولا أنا ماعاد يمدينــــــــي

فمان الله سق ركبك على درب السنين العوج

لاكن طالبك لقفيت عني لاتخلينـــــــــــي

[ابوحمد الشامري]

مرحبا ألفين بالاخ حمد وصح السانك والسان ابن قضعان ولا هنت على هذه

المشاركة الجزلة

تحياتي

[cool]

السلاااام عليكم ورحمة الله وبركاااته

دخيلك رح بفالك ياغناتي وأترك المرجوج
تغانم مابقالك ولا أنا ماعاد يمدينــــــــي

فمان الله سق ركبك على درب السنين العوج
لاكن طالبك لقفيت عني لاتخلينـــــــــــي

صح لساااانك يا حمد وصح لساااان الشاااعر المبدع ابو منصور على وحده

من روااائعه .

تسلم ولا هنت وان شاء الله يستمر توااصلك معنا.

كـووول

[فيصل بن حجرف]

لاهنت ياحمد

وصح لسان ابن قضعان

والله لا يهينك على الاختيار الاكثر من رائع

تحياتي

[عزوف]

يعطيك العافيه يا حمد على هالاختيار الرائع لشاعر اروع

[راكان اليامي]

الله عليك

صح لسانك ولسان بن قضعان
تحياتي

[شاوييش]

لاهنت على النقل
وصح لسان ابن قضعان

تقبل تحياتي