ردني طفلن غرير مايعرف للحب سيرة

[(جساس)]

عادي عندي تبي ترحل روح بس لحظه ..!


رد لي قلب خذيته يوم بالصدفـه لقيتـك ، ،

رد لي سر عطيته غيري يوم إني عطيتك ، ،


ثـم أرحـــل

ردني طفلن غرير مايعرف للحب سيره ، ،

ردني ضحكه بريئه ماتعرف للحزن ديره ، ،
ثـم أرحــل ! !

ردني ماأعرف أكتب بيت أو أنظم قصيده ، ،

ردني ماعرف أغضب لاذكرت أنك بعيد ، ،


ثـم أرحــل ! !

رد لي سنين راحـت حتـى ماتـدري بعددهـا ، ،

وأحي لي غصون ماتت من وفى عشقك هلكهـا ، ،

ورد لي كل طاري لك ببالي لاذكرتك وأنا قايـم ، ،

وكل حلم من حلومـي لا لمحتـك وأنـا نايـم ، ،

ورد لي كل دمعه من عيوني وياكثر ذيك الدموع ، ،

حتى قلبي ياجنونـي أحتـرق بيـن الضلـوع ، ،


وأنت وينــــك؟!!

وأنت ساهي مادريت أو داري بس تجاهـل ، ،

ويوم في غيري ألتهيت جاي تطلبني التنازل ، ،
وتبي ترحـــل ! ! !

ردني مالي ذنوب ولاخطايا رافع راسي رغم كل الصعـاب ، ،

ردني بدون أسرار وخفايا واضحه وضح الشفق قبل ألغياب ، ،


ثـم أرحــل ! !

ردني لاشفت زولك قلت لا ماقد لمحتـه ، ،

حتى صوتك لوسمعته أقول لا ماقد سمعته ، ،

وقبـل ترحــل ..!!

رد لي ذيك الهديه يوم لك قلبـي هديتـك ، ،

رد نبضاتي الخفيه يوم تسـرع لا لقيتـك ، ،

رد لي الرجفه الغبيه لاعتراه الحزن صوتك ، ،

يومي اسأل بأهتمام وش علامـك فديتـك ، ،

رد لــــي كـلـمــة فـديــتــك . .

رد لــــي كـلـمــة أحــبـــك . .
عطـنـي كــل ألـلــي عطـيـتـك ؟ !

ولـعـنـبـو مــــن عــــاد ردك ، ،

رووح وأرحـل ..

[غـــزاله كـــول]

مشكور على هالابيات الحلوه جد روعه

[شمعة الجلاااس]

تسلم هالانامل على الابيات العذبة

ابداااااااااع واصلي هالابداع المتميز يا الغالية ..

[(جساس)]

غزاله كول مشكورة على المرور
تقبلي مروري

[(جساس)]

شمعه الجلااس كنك غلطانه في الاسم تقبلي مروري
مشكورة على المرور

[عميد ال عنقان]

تسلم على الابيات الرائعه

[(جساس)]

عميد ال عنقان مشكور طال عمرك على المرور تقبل مروري

[الغـــــزال]

صح لسانك..
على بساطة مفرداتها..ألا أن فيها من المعنى والآحساس الكثير..

واصل..
ولاهنت

[(جساس)]

الغزال مشكورة طال عمرك اسعدني مرورك
تقبلي مروري وتحياتي

[سلطان عبدالله]

تسلم ع هالابيات الطيبه