يافهيد سلملي على لابتي يام......حصري,,,,

[عايض بن صهيب]

بسم الله الرحمن الرحيم

السلام عليكم ورحمة الله وبركاته

كل شاعر لقبيلته حق عليه وهذه قصيده حبيت انقلها لكم.....


وعسا أن تحوز رضاكم......

يافهيد سلملي على لابتي يام=في موقع العجمان ومشاهدينه
تسليمة المسلم على شرع ألاسلام=من شاعر يتبع تعاليم دينه
لاهمته شهره ولاهمه أعلام=ولا أعجاب منهي تشبه الياسمينه
همه مصاحب كل وافي ومقدام=قرمً توفي في الشدايد يمينه
ولا همته هرجة حواسيد وأقزام=اللي يشيلون الحسد والظغينه
يصرف بيوته من تفاكير وألهام=صرف الدراهم من حساب المكينه
وفي مدح ربعه ترعف خشوم ألاقلام=لانهم زحول المجد ومسطرينه
لفعلهم تشهد هل الشرق والشام=وأهل الجزيره كلهم شاهدينه
يام هل الطولات مرهبت ألاخصام=حريبهم مايدخل النوم عينه
كم من عقيد حولوبه وطهطام=وكم من ضنين فارقوبه ضنينه
من قبل حام وقبل ماينخلق سام=وحنا السيوف المرهفات السنينه
ماناخذ ألا رووس قاده وحكام=وماناخذ الا الضيغمي من عرينه
وعاداتنا رفع البيارق وألاعلام=وعداتنا دك الحصون الحصينه
(وعاداتنا نغلي جلب كل سوام)=شطرً لشيخ كلنا عارفينه
وهداتنا يشبع بها الطير لاحام=وفعولنا تخطبها كل شينه
نقدم على جموع المعادين درهام=ولانكسب الا الغاليه والثمينه
ومن حدته قشر الليالي وألايام=في ضفنا يلقى الذرى والسكينه
دونه سيوفً حدب ورماح وسهام=ومن دونه الموت الحمر راغبينه
وللجار أرق من الهبايب وألانسام=واللي يهين الجار ربي يهينه
عجلين بالفزعه ولضيف خدام= سلم الجدود وسلمهم وارثينه
وتاريخنا ماهو حكايت وأفلام=في صفحة أمجاد العرب كاتبينه
حقايقً تبقا على مر ألاعوام=ومن السلف خير الخلف حافظينه
ونقدر أهل الطيب ووجيه ألاكرام=وألنا على رووس الطويلات بينه
وكلن على حقه صميدع وضرغام=ألاجواد صيت المرجله كاسبينه
ومايظلم حقوق العرب كون ظلام=وحق القبايل بالوفا حاسبينه
فيالله يالمعبود يارب ألانام=ياواحدً رزق البشر في يدينه
أفرج على اللي من عنا الهم منضام=ذاق القهر منه وذاق الغبينه
ودمعه على خده مثل دمع ألايتام=من حر شيً لاجيً في كنينه
مخفيه بين جروح قلبه وألا لام=لو البشر في حالته شايفينه
له عام يشكي منه وأكثر من العام=ويخاف همه لا طول سنيه
فسقت القدم قدام والرزق قدام=ومال الفتى ألا ما كتب في جبينه
وعمر الفتى لو طال مدوه فلا دام=لو أن جنوبه بالعوافي متينه
والعمر مثل الزرع قافيه صرام= والراضي اللي مرضيً والدينه
فالكلمه اللي جات من صوب نمام=عنها هذي طينه وهاذي عجينه
حطيتها فوق الثرى تحت ألاقدام=وخليتها مابين مثله وبينه

وسلامتكم

[فلاح بن سويري]

صح لسانك

ولاهنت

[سلمان بن ضيدان]

صح لـ سانك يا شاعر المحاوره

جزله من جزل صح بوحك ولا هان منطوقك

دمــت بـــ ود !!

[ناصر بن فالح]

الله الله

صح لساانك ولاهنت

[‏• فِرِِقِآإڪ خِيرِِهِہ ©]

صح لسانك

ولاهنت

[فهيد بن صبيح]

صح الله السانك يابو حسن

وسلامك وصل يا الجزل

وابشر بردها يا الذيب

[سعد سعود]

صح السانك وشاعر جزل

[برنسيسة القلوب]

صح لسانك ملاييين ياعايض

جزل دايما ونعم في يام

ولاهنت على هذي الدره

في انتظار الرد

[فلاح بن ملبز]

لله درك يا عايض

جزل جزل جزل

وصح لسانك

ولاهنت

[محمد بـن صـبـيـح]

صح لسانك صح لسانك صح لسانك

ومهيب غريبه عليك الجزاله يبو حسن