الله يقبلش..!!!

[شاعر المنتدى]

السلام عليكم

أول مشاركه لي في منتداكم الموقر

يا سيّدة غيد البدو يفداش من هم زعلوش= عليّ..وآنا ما اذكر إني جبت شيِّ زعلش

يسألش من هو ماتغير عنش يومن غيّروش= لا تنكرينه بعد سلم لش خفوقه وابتلش

شاقه لقاش وقلبه لوصلش بعد بعدش يطوش =يشتاق في وقت الوصل وشلون ما يشتاق إلش؟..

في البعد. وعيونه ليا من نسنس الغربي بكوش = وشعبان لو يسبق رجب هيهات لا ما همّلش

لو يطوي الماضي عبث اهجوس فكره ما طووش = مستقبله عنده يقين إنه معا مستقبلش

وشلون يطوي ضحكة الاطفال والوجه البشوش= وعيونش النعّس وغرّة وجهش الله يقبلش

وشلون يطوي ريحة الجوري وخنّات الرشوش = بانفاسش العذبه والى منه برد يستشعلش

يذكر بليله فارهه ليلة خميسِ زينوش = (والطيرُ قد غرّدَ لش ..والطبلُ قد طبْ طَبَ لش) !!

والورد قد فتّحَ لش.. واحلى الجواري لبسوش = واللي تمنى نظرتش واللي تمنى قبّلش!!

واحلى العذارى ودهن لو هن من الزين اسلبوش =مامنهن إلا في المكان المتسع تســـتــــثــــقلش

تاج الجمال- الله عليهن - كانهن ما توجوش = تستاهلين التاج يا الفدعا وهو يستاهلش

زينش طبيعي دون مكياج وبلا روج ورتوش = سبحانه اللي زيّنش سبحانه اللي كمّلش

وريقش كما سكر نبات أصلي ولا هو بمغشوش = يا كبر حظ اللي عطش ثمن شرب من معسلش

ويا بخت من حولش ليا غيّم سماهم ناظروش = إلا بعد يا بخت جيرانش ويا مبخت هلش

يا سيدة غيد البدو لا والله إلا زعلوش = عليّ.. وآنا ما اذكر إني جبت شيٍّ يزعلش

وسلامتكم

شاعر المنتدى


.

[الـــصـــعــــب]

ويا بخت من حولش ليـا غيّـم سماهـم ناظـروشإلا بعد يـا بخـت جيرانـش ويـا مبخـت هلـش

يـا سيـدة غيـد الـبـدو لا والله إلا زعـلـوشعليّ.. وآنا ما اذكـر إنـي جبـت شـيٍّ يزعلـش






لله درك



شاعر المنتدى



صح لسانك مليون ولا يكفون



بصراحه قريتها اكثر من مره



لافضفوك يالقرم


لاهنت



اخوكم



المتميز

[بحوور]

شاعر المنتدى



ياللــــه حيـَــــه

صـــح كـــــلك ملاييـــــــن

على هالجزلـــــــه ,,

ولاهنــــــــت ,,





أختـــــــكـ

[ذيب الجويات]

شاعر المنتدى






قصيده جميله والاهنت على المشاركه ولاتحرمنا من قصايدك

[النشمي01]

مررررررررحبا الف

بك وبأمثالك

وصح لسانك

[العرجاني محمد]

صح لسااااااااااااااانك مليوووووووووون يا شاعر المنتدى قصيدة جزلة من شاعر جزل

[عـزام]

شاعر المنتدى

لله درك يالقرم قصيدة جزززززله تدل على شاعر متمكن وجزززززل


صح السانك مدد مهوب عدد

ولاهنت

[الجويّر]

وريقش كما سكر نبات أصلي ولا هو بمغشـوش = يا كبر حظ اللي عطش ثمن شرب مـن معسلـش

مااقدر اقول الا صح لسانك صراحه انعقد لساني من التعبير ياشاعر المنتدى



تحياتي / الجويّر

[جريح الكويت]

صح اللسانك ولاهنت



تحيتي لك

[هند]

شاعر المنتدى
ياهلا ومرحبا فيك
يسعدنا مصافحة حروفك الرائعــة
صح لسانك ولاهنت

أبيات عذبة


أطيب التحايا
السؤدد