((.. الصداقه .. )) .. !!

[حسن علي الهاجري]

السلام عليكم

اعزائي .. تحية عطرة

قصيده متواضعه عساها ترتقي لذائقتكم .. !!

::::::::::::::::::::::::::::::::

فـــي بــيـــوت ٍ بالــمـــعــانـي محكمات = ابـــتـــــدي بــأســم الله الفرد الرقيب

العـــظـــيــم اللــّي خــلــق هــالكـايـنات = مــجـــري الأفــلاك فـالـكون الرحيب

واحــــد ٍ مــالـــه ولــــــــد ولا بـــنــات = جـــل عــــن كـــذبـات عبّاد الصلـّيب

لـــه صــفــات ٍ تعـــتلي كـــل الــصفات = يـــبــــصــــر الذرّه و يـسمع للدبيب

الــجــهــر عــنــده شــبـــيه الــخـافيات = ماش من شيء ٍ عن اسماعه يغـيب

ما حـــصى فــضــلــه كــتـاتيب ورواة = فـــارج الــكــــربــات للــدعوه مجيب

وبــعــد ذكـــره يــا هــجوسي في ثبات = هـــات مــن فيض المعاني ما يطيب

بأمــتــطـــي قـــب الــمهار المسرجات = واحــتــمــي قـافي وانا سقم الحريب

واتــخـــيــّــر فــالــجــزال الــشاردات = شـــيء مـــا جــابه خـطيب ولا اديب

يــرضــي الاذواق دون مــجــامــلات = يــخــطــف الاضــواء والمعنى رهيب
نادر ٍ صــاغ الــبــيـــوت الــنـــادرات = فـي زمـن يـــنــدر به الراي المصيب

وبــعــدهــا عــندي نصيحه وامـنيات = الــعــوج مــن قــصـدها ما له نصيب

وسعد عين اللي سمع شور ووصـاة = وبالاشاره يــفــهـم الــشّـخص اللبيب

الــحـسانــي مــا هـــي مـثل السيّئات = والــبــشــر مــا بـين ذم وبين طيب

والرجال اصــنــاف فـي هذي الحياة = رجـــل تــفــخـر بـه ورجل ٍ لك يعيب

لا تـصــاحــب فــي حــيــاتـك للمماة = كــود مــن يـعــجبك فاليوم الصعيب

يــحــفــظ اســرارك مـحافظ للصلاة = يــدمــح الــزلـــه عريب ٍ من عريب

ومــثــل مــا قــدّم تــقـــدّم بالـسواة = كان تــبـغــي لــك مَعَ العالم صـحيب

ان فرح تفرح لـو أنْ عــنــدك وفاة = وان حــزن تـحـزن ولا فالامـر عيب

وقــرّب اصــحــابــه وجنـّب للعداة = واغفر اخطاءه لو أن جرحـك عطيب

واحــذر أنـــّــك تــتــركه فالنايبات = كــون لــه فــي ضــيقته اقـرب قريب

ولا تــصـــدّق فــيه كذبات الوشاة = ولا يــصــيــبك في صحـيـبك أي ريب

الصــداقـــه والــثــقـــه متلازمات = وفــي غــياب احداهما تـصـبح غريب

واعدى اعداء الصديق الشائعات = مـــثـــل داء ٍ مــا وجــد طــبـّه طبيب
والشــدايــد للــرجل مــثـل الهباة = يستــبــيــن الــرجــل والخـايب يخيب
والــمــراجــل كــايـــده كالنـايفات = وما يحوش الــمــرجــله كــود النجيب
وقت فيه امن المحن والمشـكلات = الـــولــد مـن ســبـــّتـــه راسه يشيب
وقت فيه امن الامــــور المغريات = الحــظــيــظ اللــّي لـه الــمولى حسيب

تــمــّــت ابــياتي وتمّيت الوصـاة = وبالاشـــاره يــفـهم الشّـخص اللبيب

::::::::::::::::::::::::::::::::

وسلامتكم

اخوكم / حسن بن علي الهاجري

[محمد بن دسمه]

حجز

[محمد المجول]

أررررررررررحب

يابو علي

صح الله لساااانك مدد ماهوب عدد

على ذالقصيده الجزله

أبدعت

تقبل مرور اخوك المتواضع

على صفحتك الكريمه

[الـ ـشـ ـقـ ـا ويـ ـه]

واتـخــيّــر فـالــجــزال الــشـــاردات=شـيء مــا جـابـه خطـيـب ولا اديــب
يــرضــي الاذواق دون مـجــامــلات=يخطـف الاضـواء والمعـنـى رهـيـب
نـــادر ٍ صـــاغ الـبـيـوت الــنــادرات=فـي زمـن ينـدر بـه الـراي المصيـب

حسن الهاجري


صح لسانك على هذه الرائعه وانت ارضيت ذائقتي ودون مجامله


تحياتي لك

[سالم الرتيبان]

اررررحب يابو علي صح لسانك وعتلى شانك
لاهنت على ذى الجزله
ودعتك الله

[فلاح بن ملبز]

آرحب يا حسن الهاجري

وصح لسانك على ذا الجزله

ولاهنت

[المرزوقيه]

يسلمو ع الطرح

[dont play with me]

شاعر كبير وكلام كبير





صح الله لسانك وبيض الله وجهك





احترامي وتقديري

[سعد بن بصيص ال فنيس]

صح السانك


واعتلا شانك يابو علي



<<< سجلني من اكبر المعجبين فيك ماهوب من اليوم من مبطي والله


والله لايهينك

وتقبل مروووري

[محمد بن دسمه]

ارررحب يابوعلي

صح الله لسانك ولاهنت نفداك

جزل .. مايعتاز شهاده