مبسم هيا

[ذيب الرجاجيل]

السلام عليكم

اخواني الاعضاء

اعجبتني هذه الرائعة فأحبت ان انقلها لكم

وهي للشاعر الكبير محسن الهزاني


قالوا كذا مبسم هيا .. قلت لا لا
بين البروق وبين مبسم هيا .. فرق

ويالله .. بنوٍ مدلهم الخيالا
طافح ربابه .. مثل شرد المها الزرق

لا جا على البكرين بنا الحلالا
ولاعاد لا يفصل .. رعدها عن البرق

يسقي غروسٍ .. عقب ماهي همالا
وحط الحريق ديار الاجواد .. له طرق

يسقي نعامٍ .. ثم يملا الهيالا
ويصبح حمامه ساجعٍ .. يلعب الورق

جريت انا صوت الهوى .. باحتمالا
في وسط بستانٍ .. سقاه اربعٍ فرق

طبّيت مع فرعٍ .. جديد الحبالا
وظهرت مع فرعٍ .. تناوح به الورق

روشن هيا .. له فرجتينٍ شمالا
وبابٍ على القبله .. وبابٍ على الشرق

مبسم هيا .. له بالظلام اشتعالا
بين البروق .. وبين مبسم هيا فرق

برقٍ تلالا .. بأمر عز الجلالا
واثره جبين صويحبي .. واحسبه برق

يا شبه صفرا .. طار عنها الجلالا
طويلة السمحوق .. تنزح عن الدرق

له ريق .. احلى من حليب الجزالا
واحلى من السكر .. الى جاء من الشرق

حنيت انا .. حنة هزيل الجمالا
ينقض ردي الخيل .. قد حسة الفرق

ويا قلتةٍ .. في عاليات الجبالا
ماها قراح .. مير من دونها غرق

ماعاد للصبيان .. فيها احتمالا
من كود مرقاها يديهم .. غدن طرق

قالوا تتوب من الهوى .. قلت لا لا
الا ان تتوب .. ارماح علوى عن الزرق

قالوا تتوب من الهوى .. قلت لا لا
الا ان يتوبون .. الحناشل عن السرق

قالوا تتوب من الهوى .. قلت لا لا
الا ان تتوب الشمس .. عن مطلع الشرق




وسلامتكم

اتمنى ان تحوز على اعجابكم

ذ/ر

[سعـــودالعجمي]

صح لسان محسن


ولا هنت على النقل


أخوي ذيب أحب أنبهك , ترى توقيعك مخالف !!

[™ عبد الله ™]

السلام عليكم ورحمة الله وبركاته

يا ســـــــــلام ومن منـّــا لا يقرى للكبير محسن الهزاني وقصائده العذبه

صح لسان شاعرها ولا هنت على اختيارك لهذه الفريده

[علي أل فطيح]

الله لايهينك ياذيب على النقل وصح لسان من قالها

[ذيب الرجاجيل]

سعود العجمي

صح الله بدنك

والله لا يهينك على المرور الطيب

[ذيب الرجاجيل]

عبدالله

يعطيك العافيه على مرورك الفريد

والله لايهينك

[ذيب الرجاجيل]

علي ال فطيح

ولاانت طال عمرك

وصح بدنك والله لا يهينك على مرورك الكريم