السلام عليكم ورحمة الله وبركاته
عابرة سبيل شاعره مميزه وهي من الشاعرات النادرات وهي تستطيع التعبير عن ما في خاطرها بسلاسه وقفة وفاء لها لابد ان نذكر شيئا من قصائدها
وانا وعدت وانشالله اني وفيــــــت
انا وعدت الجميع اني اكتب بعض قصائد عابرة سبيل في موضوع للاخت الهايمه عن عابرة سبيل وهذا انا جيـــــــــت
عابره ....
اهلى يدرون اني شاعره = بس مايدرون في جرح الليال
يمنعوني من كتابة خاطره = مادروا اني من زمان بهالمجال
اه ..لو يدرون اني *عابره * = عندهم بتصير مو تتنا .. حلال
*****************************************
صبحية العيد
ليته درى صبحية العيد وش صار = ياهي جرت لي من عذابي هوايل
يوم العذارى بيحن بعض الاسرار = وجت السوالف بين قيل وقايل
هذي معايدها قبل وقت الاسحار = وهذيك صاحبها عطاها رسايل
وهذي تقول انه لفا البيت زوار = وهذيك راحت له زيارة عوايل
وهذي تفاخر في غلا الصاحب البار = وتقول عايدها بكل الوسايل
وانا اطالع فوق ويمين ويسار = بالعيد ما حتى مشطت الجدايل
*******************************************
حــــــــــــب
مدري رجا مدري وفا مدري احساس = انطرك وادري قلت لي منت راجع
يامن سوت عينه مخاليق واجناس = ادخل على الله لا تزيد المواجع
جفني خذاه بتالي الليل هوجاس = وادري بجفنك تالي الليل هاجع
ابا اتحرى جيتك واقطع الياس = واقول نور الحق لابد ساطع
ما همني مكسب ولاهزني افلاس = بمشي على عمياي واقول راجع
***************************************
العين بالعين
تدري حبيبي بطعبي حيل وتعرفه = العين بالعين والبادي هو الظالم
ماني ورا العاطفه بالحيل منجرفه = طبعي على صد ردات الفعل والم
الا خيانتك ما املك عندها صرفه = واحذر تحاتي ترى من خونتي سالم
مارضى اخونك ولا ارضى اعيش منحرفه = ماهو عشانك ؛ عشان النفس والعالم
درب الخيانات لو اموت ما اعرفه = لكن يا عمري تحاشى ثورة الحالم
*************************************************
قــــــــال اسمعي !!!
قال اسمعي : فرقاك غصب عليه = عيا الزمن يمشي معانا بالاوفاق
وقفت لاميته ولانيب بحيه = تضاربت بالجوف ضيقه وحراق
وقال : الرسايل وينها قلت : ذيه = وللريح عرضت الرسايل والاوراق
ورزيت نفسي واتظاهر قويه = يعني كأني ما تأثرت بفراق
وانا عذاب الكون صوت عليه = اضحك بسني واختم الضحك بشهاق
ما كنت اظن الليل يمسي عليه = ولا كنت اظن تعود الشمس بشراق
**********************************************
هـــــــــذاك
هذاك لو قال الشتا صيف عرقت = ولو قال صيفي برد شبيت ناري
هذاك لو قال الجمل طير صدقت = واقول ريشه بعثرته الصحاري
هذاك لو قال المطر جذب وافقت = وادور الاعذار حق الخباري
هذاك لو قال القمر طاح صفقت = واقول مللته كثير المساري
هذاك لو قال النظر عيب دنقت = يصير لي كف على اللمس ضاري
هذاك لو ينفي وجودي توهقت = ما عاد ليه حل ...غير انتحاري
******************************************
مـزاج
سمه دلع سمه غرور وعوابه = سمه مزاج يعشق اللي يناحيه
سمه قساوة قلب سمه صلابه = سمه لعانه سمه اللي تسميه
هذي طبوعي والغلا مو طلابه = يا نور عيني غير هالطبع ما فيه
مليت قلب يشتكي لي عذابه = وتصرفي دايم يذمه ويشكيه
ودايم على طبعي كثير عتابه = درب المذله يامنى النفس مابيه
مادام درب العيب ما جيب بابه = وعهد الوفا ما خنت روعة معانيه
********************************************
سنـيــن
سنين مامرت علومه عليـــــه = لاعلم لاطاري ولامن مكاتيب
سنين في صبري وحالي رديه = بين المحاتى وانتظاري وتعذيب
لا..ليل..لا..فرحه..لا..دنيا هنيه = يعلم بحالي واحد يعلم الغيب
انا ان تحريت اتصاله عليه = دقات قلبي ضربها ينفض الجيب
ولو دندنت اساوري في يديه = اضم انا الهاتف واهل التراحيب
ابا انطره وابقى بعهده وفيه = وارفض علشانه جميع الخواطيب
******************************************
وش اقوله !!!
باجر يجي يا شيب عيني من الويل = من عقب ماسافر سنين مديه
شقول له صاروا عيالي رجاجيل = ش اقوله ماني بعهده وفيه !
ان قلت له اني تعذبت بالحيل = وان قلت له اكبر عيالي سميه
يبي يعذرني ويترك القال والقيل = والا يجي ويا زماني عليه
ان جبت حظي والمقادير ..تعليل = واني ضعيفه ورغبة الله قويه
يبي يصدق كلمتي دون تحليل = والا يبي ينسف كلامي عليه
ش اقول ؟ ما ينفعن الاقاويل = ما دمت ماني في وعودي وفيه
************************************************** ******
كلمة حق لابد ان تقال
عابره لم تمــــــــــــــــوت
لانها في القلوب
اتمنى ان هالموضوع ينال اعجاب الجميع
تحياتي
17-02-2004, 07:13 PM
انا وعابرة سبيل .. وعد الحر دين
العرض المتطور
